السوال ده فى منتهى الاهميه
ياريت الكل يرد ويسيب اجابه ربنا يجزيكم خير
دلوقتى انا قررت اشترى عربيه هيونداى نيو اكسنت rb
بالتقسيط
وكل حاجه تمام
بس عايز اعرف ايه المصاريف اللى مفروض بتدفع غير المقدم
زى التامين الترخيص الحاجات ديه المصاريف الاداره كل ده نفسى اعرف بيدفع ازاى وبيكون فى حدود كام
والمعرض بيقولى لازم تامن على العربيه تامين اجبارى الشريحه ب 4.5 فى الميه بس انا مش فاهم هوه ده كويس ولا وحش ولا ايه
ياريت ربنا يتقبل منكم تردوااااااا
علشان نفسى حد يساعدنى
حضرتك بتدفع 1 % من قيمه القرض كمصاريف اداريه و ممكن تدفع 100 جنيه اوراق و كده في المعرض او التوكيل و في بنوك لا تشترط التأمين الاجباري علي ما اعتقد
يعنى العربيه عامله 102 انا هدفع حوالى 1000 جنيه مصاريف اداره زاد 100 جنيه للمعرض ورق وكده وخلاص كده طيب مصاريف الترخيص والحاجات ديه كلها انا عايز اعرف كل المصاريف لحد اما تبقى العربيه خلاص كله تمام ومركب النمراقتباس:
المشاركة الأصلية كتبت بواسطة screenplays
ويترى ايه احسن نظام تامين
معلش هتعكب معايا بس ديه اول مره ومش عايز يضحك عليا
يا فندم المصاريف الاداريه 1 % من قيمه القرض مش من قيمه العربيه كلها + ال 100 جنيه و ممكن متدفعهاش اصلا انت و نصيبك يعني + مصاريف تراخيص 3 سنين هتبقي في حدود 1500 جنيه و نصيحه رخص سنه واحده عشان تدفع 500 جنيه بس و كمان مش هتبقي المخالفات كتير لان المرور هيولع في الشعب بعد كده
على ايامى دفعت 500 جنية مصاريف اداريه وحاولى 500 مثلهم رخصة وفى حلاوة العمال فى المعرض هتخش فى 50 الى 100 جنية والتامين 3.2 %من قيمة السيارة بالتوفيق ان شاء الله
تسلم يباشا وبكده مفيش اى مصاريف تانى صحاقتباس:
المشاركة الأصلية كتبت بواسطة screenplays
طيب بالنسبه للتامين ايه رايك انهى احسن تامين واللى هوه بكام
معلشا هتعبك معايا
انا سمعت ان فى تامين اللى هوه 4.5 وواحد تانى 3.5اقتباس:
المشاركة الأصلية كتبت بواسطة fineart607
بس الراجل قالى انى لو امنت ب 4.5 شامله السرقه
بس انا مش فاهم اوى ومش مقتنع ياريت حد يفيدنى فى الموضوع ده وانهى احسن حاجه
موضوع التأمين معرفش عنه حاجه فممكن تسأل في القسم الاجتماعي و الناس هتفيدك اكتر و افضل شركه من وجهه نظري شركه مصر للتأمين و في شركه قناه السويس برضه اسمع انها كويسه
يا مسهل
لما تشتري ابقي اعملنا تقرير مفصل
السلام عليكم
بص ياباشا مسألة التكاليف الاضافية اللى هاتدفعها دى بتختلف من بنك للتانى مش من المعارض اصلا لان اى معرض بياخد فلوسة كاش من البنك وبيخرج من الموضوع نهائى وانت بعد كدة بتتعامل وبتدفع اقساطك فى البنك ازاى بأة تعرف الى هاتدفعة دة سوال صعب الاجابة علية لان كل بنك بياخد مصاريف غير التانى فاللى انت بتعملة انت بتشوف البنوك اللى بيتعامل معها المعرض وبتشوف عرض كل بنك وساعات كمان بيون فى مندوبين لكل بنك فى المعرض لما يكون معرض كبير انت تختار اللى يناسبك من العروض بس هو هايكون افضل عرض لأى بنك البنك اللى بتتعامل انت معاة اصلا بعيدا عن موضوع العربية يعنى مثلا لو انت موظف و مرتبك بيتحول على بنك معين دة هايكون لحسن حاجة بالنسبالك ودة كمان بيعتمد على حجم شركتك واهميتها بالنسبة للبنك اللى مرتبك علية لول شركتك بتتعامل مع اكتر من بنك اسال على عرض كل بنك فى الHR عندك ولو حولت على البنك صاحب افضل عرض هايكون اوفر وافر بتوصل ساعات ل6 وكسور فى المية لان ساعاتها هاتكون low risk customerيعنى عميل قليل الخطورة ودة بيديك اقل فائدة مسالة التأمين دى بتقدر تتخلص منها لو عايز عن طريق انك تقسط تقسيط اسلامى عند اى بنك بيتعامل فى النوع دة من التمويل او كونتاكت كار فيها برضة اسلامى بس فى الحالة دى هاتلاقى الفائدة اعلى نسبيا من لو أمنت بالنسبة للمصاريف الادارية هى بتكون فعلا زى الاخ اللى قال انها نسبة من المبلغ المتبقى بعد المقدم اللى هاتدفعة يعنى نسبة من المبلغ محل التمويل فقط وليس ثمن السيارة بالكامل وهو غالبا بيكون 1% + 35 جنية مصاريف استعلام البنك المركزى.
ارجو انى اكون افدتك ولوعايز اى حاجة انا تحت امرك