السلام عليكم
كنت حابب اعرف بشكل دقيق الطريق من المنصوره لمطار القاهره ذهاب و عوده :E_braces[1]:
لانها اول مره اروح هناك :grinder: و شكرا للجميع :)
عرض للطباعة
السلام عليكم
كنت حابب اعرف بشكل دقيق الطريق من المنصوره لمطار القاهره ذهاب و عوده :E_braces[1]:
لانها اول مره اروح هناك :grinder: و شكرا للجميع :)
بص انا مش عارف الطريق بدقه بس ممكن تعتبره موجز للطريق
هتاخد الزراعي ف اتجاه القاهره و تطلع الدائرب و تاخده لحد المطار هتلاقي مدخل خاص لمطار من الدائري و توصل بالسلامه
عايز تطلع من الزراعي ولا طريق الزقازيق + بلبيس الصحراوي ؟؟؟؟
شكرا للردود ناوي علي الزراعي ان شاء الله :) المراد بدقه يعني تفصيلا عشان انا عارف بشكل عام الاسماء بس بدون تفاصيل :)
انت تاخد من المنصورة الطريق بتاع القاهر (اللى هيوصلك لحد بنها)
وبعدين تاخد الطريق الزراعى لحد لما توصل للدائرى بالقاهرة
وانت جاى من الطريق هتعدى من تحت الدائرى وتطلع الطلعة اللى بعده على طول (علشان تاخد الدائرى اتجاه المطار)
هتفضل ماشى على الدائرى لحد لما تلاقى نزلة المطار (هتلاقيها فى حته اسمها موقف العاشر)
هتنزل النزلة دى يمين وتفضل ماشى على طول لحد لما تلاقى كوبرى على الشمال
هتطلع الكوبرى وهو هيلف شمال وبعدين يمين وتنزل منه تاخد الشارع ده لحد أخره (هتشوف المطار على شمالك) (الشارع اسمه جوزيف تيتو)
اخر الشارع تدخل شمال وبعدين تانى يوترن تلف وتاخد يمين ( ده كده طريق المطار)
توصل بالسلامة ان شاء الله
تمام كدا .. بس خلي بالك لازم تطلع قبل معادك بوقت كويس عشان الزراعي ممكن يقف بالساعات :(
السلام عليكم و رحمة الله و بركاته
أنا بعد اذن الأخ الفاضل Romeih عملت Copy & Paste للمشاركة بتاعته عشان ماكتبهاش من الأول و جديد تانى .
انت تاخد من المنصورة الطريق بتاع القاهرة اللى هيوصلك لحد بنها
وبعدين تاخد الطريق الزراعى لحد لما توصل للدائرى بالقاهرة
وانت جاى من الطريق هتعدى من تحت الدائرى وتطلع الطلعة اللى بعده على طول (علشان تاخد الدائرى اتجاه المطار)
هتفضل ماشى على الدائرى لحد لما تلاقى نزلة المطار (هتلاقيها فى حته اسمها موقف العاشر)
هتلاقى هنا فيه نفق, أنا من رأيى أنك تدخله و تطلع منه و تفضل ماااااااااااااااشى عالدائرى لحاد ماتلاقى مدخل فخم أوى للمطار على يمينك, تقوم داخل منه -خلى بالك لأن الحتة دى فيها مطب عااااااااااااالى- و بعد كده تكمل مع اليفط لحاد متدخل للصالة اللى أنت عايزها.
تروح و تيجى بالسلامة ان شاء الله.
احسن طريق كنت باخذه المنصورة-----المحلة-----طنطا------بنها-------طلعة الدائرى الثانيه وليست الاولى-----الدائرى اتجاه المرج-----موقف العاشر----الى المطار عبر اليافطات التى توجهك
عيب طريق ميت غمر زحمة
شكرا لكل الردود ان شاء الله الطريق ميكنش واقف و انا اساسا معادي بليل بس هروح من الصبح تحسبا لاي حاجه, الي فهمته ان الطلعه للدائري بعد اما اعدي من تحته علطول يميني و افضا ماشي فيه بحد ما لاقي نفق مدخل المطار و كدا اكون في المطار, طيب بالنسبه للرجوع هيكون ازاي انا رايح المطار الجديد term 3
السلام عليكم و رحمة الله و بركاته
أنت هتطلع من المطار من باب الexit و تفضل ماشى مع اليفط اللى هتركبك الطريق الدائرى و تفضل ماااااااااااااااشى لحد ماتركب الدائرى و أنا عن نفسى لما كنت بعمل كده, كنت بلاقى نفسى ركبت الدائرى فى اتجاه السويس :8954[1]: و أنا المطلوب منى أنى أركبه فى الاتجاه المعاكس عشان أروح للطريق الزراعى و بالتالى, أنا كنت بفضل ماشى لحد مالاقى صينية كبيرة كده و أقوم لافف حواليها و راجع, خلى بالك قبل ماتوصل الصينية دى عالطول, فيه نفق, اوعييييييييييييييييى تنزله, عدى من على يمينه و لف حوالين الصينية و ارجع فى الاتجاه المعاكس و خليك ماشى عالدائرى عالطول.
لحد ماتقابل النفق اللى كنا قلنالك عليه فى المشاركات اللى فاتت اللى جمب موقف العاشر, ادخله و طلع منه و خليك عالدائرى عالطول لحااااااااااااد ماتلاقى النزلة بتاع طريق القاهرة اسكندرية الزراعى (اوعى النزلة تفوتك لأن ساعتها هتلف لفة أم العروسة).
تقوم نازل منها و مكمل عالطول لحاااااااااد بنها, هتلاقى فيه كوبرى مكتوب قبله يافطة, المنصورة و دمياط يمين و طنطا عالطول, تقوم طالع الكوبرى ده و تخليك ماسك يمين الطريق و أول ماتنزل منه, تقوم واخد يمين و لافف مع الطريق و تركب طريق المنصورة اللى هو بنها - ميت غمر - أجا - المنصورة.
تروح و تيجى بألف سلاااااااااااااااااااامة .
اعتقد انني مش هعرف اروح ههههههههه :) انا بحاول ادور علي الوصفه دي علي الخرايط بس مش فاهم حاجه :) ربنا يسهل و الاقي حد يدلني هناك علي السكه :)
الذهاب اصبح امره واضح الي حد كبير و لكن مازال طريق العوده غامض :))
السلام عليكم و رحمة الله و بركاته
و لا غامض و لا حاجة يا سعادة الباشا الملك.
بص, خليك فى الخطوات بالنقاط دة :
1 - اطلع من المطار و خليك ماشى مع اليفط اللى بتقولك على اتجاه الطريق الدائرى.
2 - أول ماتركب الدائرى, هتكون ماشى فى عكس الاتجاه اللى أنت المفروض تمشى فيه.
3 - و بالتالى لازم تلف عشان تغير اتجاهك.
4 - هتفضل ماشى لحد ماتلاقى صنية, تلف من حواليها و تغير اتجاهك الى الاتجاه السليم عالدائرى اللى أنت المفروض تكون ماشى عليه, قبل الصنية دى, فيه نفق, عدى من على يمينه و اوعى تنزل النفق.
5 - أنت دلوقتى ماشى عالدائرى فى الاتجاه الصحيح و غرضك, أنك تركب طريق القاهرة الاسكندرية الزراعى و بالتالى هتفضل ماشى عليه لحااااااااااااااد ماتلاقى النزلة اللى هتنزل من عليه و تركب طريق القاهرة الاسكندرية الزراعى.
6 - أول ماتركب الطريق الزراعى هتفضل ماشى طوااااااااااااااالى لحاد ماتلاقى كوبرى عليه يافطة بتقولك المنصورة و دمياط يمين.
7 - أول ماتنزل من عالكوبرى ده, تقوم كاسر يمين و عشان كده و أنت عالكوبرى لاااااااازم تكون ماسك يمينك .
8 - هتكمل فى الطريق ده طوااااااااالى لحد المنصورة.
لو فيه أى استفسار تانى, أنا فى الخدمة.
نصيحة لو اول مرة تروح وعارف الزقازيق يبقى روح صحراوي احسن ... انا بعمل كدا على كول عشان الصحراوي مش بيقف زي الزراعي عشان الواحد بيبقى رايح على معاد (بس هو زحمة برضه يعني!!)
الحمد لله انا رحت و رجعت بالسلامه بس في نقطه و انا رايح ملقتش نفق المطار و فضلت ماشي لحد اتجاه كارفور المعادي مش عارف مختش بالي منه ليه؟؟؟