نصيحة عن السواقة الاوتوماتيك

**Screenplays** · 11-08-2011 06:41 PM

نصيحه برضه محدش يغير ال d الي ال n و العربيه ماشيه نهائي لان كده بيبهدل في الفتيس

**M.Mokhtar** · 11-08-2011 07:52 PM

المشاركة الأصلية كتبت بواسطة nanona2011

اها
كلام حضرتك مظبوط بس مش عارفة دي النيسان ولا التيريوس المهم انا مش عارفة الالينترا اي نظامها بالنسبة للاخت الي بتسال بس هتجربي وهتعرفي عربيتك هي انهي نوع ولو الموتور مدارش على ال d بسيطة هاتي n او p بس لو هي بتدور على ال d بلاش تدوريها على بي او ان علشان تحافظي على الفتيس

:b4_556:

جميع انواع السيارت لو اوتوماتك مش بتدور وهى على ال d الا لو مشط فيشه الفتيس بايظ والكهربائى لغاه خالص بكده هدور على اى حرف حتى لو r

الوضع الصحيح لتشغيل المحرك هو ال p ومفيش مانع لو دورتى على ال n
بعض العربيات اصلا مش بتديكى فرصه تشيلى المفتاح الا لو بطلتى العربيه وجبتى الفتيس على ال p وده لاسباب عديده من اهمها

1- العربيه ما تتحركش وهى راكنه
2- لو معاكى ريموت بيدور العربيه مادورش الا لو هى على وضع الوقوف (تخيلى كده لو دارت وهى على ال d هيحصل ايه؟ :) )

هذا والله أعلى وأعلم

**Mostafa.Ismail** · 12-08-2011 11:27 AM

المشاركة الأصلية كتبت بواسطة screenplays

نصيحه برضه محدش يغير ال d الي ال n و العربيه ماشيه نهائي لان كده بيبهدل في الفتيس

حلو ... ممكن بقى مصدر المعلومة دى وياريت توضيح فنى اية اللى بيحصل بالظبط غلط والنتيجة بتكون بهدلة الفتيس؟

**إبراهيم المصرى** · 12-08-2011 02:48 PM

اهم حاجه رجلى على الفرامل وبعد الدواره برضوه رجلى على الفرامل وامسك عصا الفتيس وانقل من البى الى الدى لما اكون عايز اتحرك الى الامام ورجلى لازم تكون على الفرامل علشان العربيه متتحركش وانا لسه مش مستعد وبعد ما استعد تماما للحركه اسيب فرامل حبه حبه والعربيه هتبتدى تتحرك ولما الاقى السكه سالكه وانا مستعد ابتدى ادوس على البنزين وطول منا ماشى مش بغير تانى وأتاكد ان رجلى الشمال بعيده وبيبقى معمول حساب مسند على الشمال خالص فى الدواسه نريح عليها الرجل الشمال علشان منستعملهاش خالص
انا بس حبيت اأكد على انه اثناء نقل الفتيس وانا واقف لازم أكون دايس على الفرامل
والف مبروك ربنا يديكى خيرها ويكفيكى شرها

**Screenplays** · 12-08-2011 06:25 PM

المشاركة الأصلية كتبت بواسطة mostafaismail

حلو ... ممكن بقى مصدر المعلومة دى وياريت توضيح فنى اية اللى بيحصل بالظبط غلط والنتيجة بتكون بهدلة الفتيس؟

مصدر ايه ؟ دي حاجه معروفه جدا و بعدين لما تيجي تمور العربيه المانيوال بتعمل ايه ؟ بتدوس دبرياج طب هو فين الدبرياج ده في الاوتو ؟ مفيش و ده تفسيري الشخصي

**ahhe21** · 12-08-2011 06:47 PM

فيه نصيحة واحدة
اول مرة سقت فيها اوتوماتيك كنت داخل علي مطب و لاني انا متعود علي المانيوال ، رجلي الشمال اتحركت تلقائيا عشان تضغط علي الدبرياش ( اللي مش وجود اصلا ) فضغطت علي دواسة الفرامل ( العريضة جدا في الاوتوماتيك )
طبعا اتفاجئت بصوت الفرامل و العربية كلبشت في الارض
و لولا ستر ربنا و الطريق ما كانش فيه حد ، كان اي حد ورايا لبس في شنطة العربية
علشان كده حاولي تركزي في عدم استخدام الرجل الشمال خالص حتي لو اضطريتي في الاول ترجعيها لورا او تتنيها تحت الرجل اليمين

انا مش عارف الحكاية دي ممكن تحصل مع حد تاني و لا لأ بس الاحتياط واجب

و ربنا يباركلك فيها و يكفيكي شرها

**Mohamed_Hamid** · 13-08-2011 12:22 AM

ماشاء الله انا شايف ان السيدات موسوعة فى عالم الاوتوماتيك :)
مبروك العربية وربنا يرزقك خيرها ويكفيكى شرها وكل عام والجميع بخير

**Screenplays** · 13-08-2011 03:45 AM

ماشاء الله انا شايف ان السيدات موسوعة فى عالم الاوتوماتيك :)

هههههههههههههههههههههه لان هو ده الفتيس المفضل عندهم

**Amro_ON** · 13-08-2011 07:03 PM

المشاركة الأصلية كتبت بواسطة Screenplays

مصدر ايه ؟ دي حاجه معروفه جدا و بعدين لما تيجي تمور العربيه المانيوال بتعمل ايه ؟ بتدوس دبرياج طب هو فين الدبرياج ده في الاوتو ؟ مفيش و ده تفسيري الشخصي

مش فاهم حضرتك بصراحه .... انا عن نفسي ساعات كتيره بريح دماغي و اجيب ال n والعربيه مثلا على 80 لحد متهدا وادوس فرامل براحتي

ومش حاسس ان الفتيس بيعمل حاجه غلط وكل حاجه ماشيه طبيعي جدا....حتى كمان ام ادي العربيه N بلاقي ال rpm نزل مره واحده من 3000 لفه ل 1500 وسعات اقل وده في رأيى بيريح المتور ويهدي العربيه لوحدها وميخلنيش استهلك التيل على الفاضي

ده رأي الشخصي .... ياريت توضحلنا أكتر

**Mostafa.Ismail** · 13-08-2011 07:24 PM

المشاركة الأصلية كتبت بواسطة screenplays

مصدر ايه ؟ دي حاجه معروفه جدا و بعدين لما تيجي تمور العربيه المانيوال بتعمل ايه ؟ بتدوس دبرياج طب هو فين الدبرياج ده في الاوتو ؟ مفيش و ده تفسيري الشخصي

مفيش حاجة اسمها معروفة؟ انا عن نفسى مختهاش فى المدرسة!!!
هو سيادتك عربيتك اتوماتيك ولا كل فكرتك عن انك ركبت عربيه واحد صاحبك من سنتين تلاتة مثلا.

انا مصدقت لقيت حد بيقول غلط وكان نفسى الاقى حد يقولى غلط لية من وجهة نظر فنية ...

الموضوع: نصيحة عن السواقة الاوتوماتيك

LinkBack

أدوات الموضوع

عرض

-

-

-

-

المواضيع المتشابهه

مقارنة بين الساجا الاوتوماتيك واللوجان الاتوماتيك و الــ byd الاوتوماتيك

نصيحة بخصوص السيتى 2007 الاوتوماتيك

ايه الفرق بين النيو سيراتو الLx الاوتوماتيك والنيو سيراتو ال Ex الاوتوماتيك

كيف يعمل الاوتوماتيك نصيحة محتاجه مهندسينك يا منتدى ؟؟

الماتركس الاوتوماتيك ولا الأكسنت الاوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة