الموضوع: ماهى اسباب نقص الزيت؟

المشاركة الأصلية كتبت بواسطة maskeen

انا عارف طبعا ان اول سبب واخطرهم ان الموتور يكون مفوت وبياكل زيت زى مابيقولوا...
مع استبعاد السبب ده...ايه عى الاسباب الاخرى؟

ايه اللى ممكن يكون بيسرب زيت؟
انا العربيه عندى الزيت نقص فيها بمعدل لتر كامل بعد 2000 كيلو سواقه, ياترى ممكن السبب يكون ايه؟
انا على العموم رايح لمنصور يوم السبت يكشف عليها بس حابب اكون رايح على نور

والف شكر ليكوا

لو سيارتك ال 525 e60 مو 2005 او اعلى >>> ده شىء طبيعى لان حسب تفسير التوكيل ان نوعيه المواتير ديه بيحصل فيها ان كميه بسيطه من الزيت بتتبخر و تحتاج من وقت لاخر التزويد حوالى 1 لتر .
مع ملاحظه ان موتورك بياخد حوالى 7 لتر زيت.
انا كانت عندى ال 523 e60 مو 2006 زيرو و بتعمل كده لما تضرب مشوار طويل - مثلا رايح جاى اسكندريه / شرم .
تحياتى ...

المشاركة الأصلية كتبت بواسطة batman372

لو سيارتك ال 525 e60 مو 2005 او اعلى >>> ده شىء طبيعى لان حسب تفسير التوكيل ان نوعيه المواتير ديه بيحصل فيها ان كميه بسيطه من الزيت بتتبخر و تحتاج من وقت لاخر التزويد حوالى 1 لتر .
مع ملاحظه ان موتورك بياخد حوالى 7 لتر زيت.
انا كانت عندى ال 523 e60 مو 2006 زيرو و بتعمل كده لما تضرب مشوار طويل - مثلا رايح جاى اسكندريه / شرم .
تحياتى ...

والله وبعقد الهاء انت لو قصادى دلوقت كنت بوستك واخدتك عند الرفاعى ف السيده زينب نتسحر سوا

هل الكلام داه طبيعي وموجود في كل البي إم اللي مواتيره كبيرة ؟؟؟؟؟؟

والله انا لسه شارى العربيه من شهر...من اسبوعين طلعتلى الرساله على الكومبيوتر ان الزيت ف الحد الادنى رحت مزود لتر موبيل 1...امبارح (بعد 2000 كيلو سواقه) الزيت وصل للحد الادنى تانى

هاجرب احط كاسترول واشوف الفرق

المشاركة الأصلية كتبت بواسطة ahmedsadek82

الكلام ده علميا ميحصلش غير لو الزيت مش مناسب للموتور و نسبة البخر فيه عالية,, غريب ان ده بيحصل ؟؟؟ انت كنت بتحط زيت ايه ؟؟؟

الموضوع ده متكرر فى مواتير الفئه الخامسه فقط ال 6 سلندر e60 ابتداء من 2005.
ايضا مذكور بوضوح فى الكاتالوج manual الخاص بالسياره ، اذن فهو طبيعى !! - لان عند قطع مشوار طويل متواصل 2500 كم مثلا - تطلع لك رسالع فى ال idrive تقول oil low level - pls add 1 liter و عند التزويد تروح الرساله .
انا عن نفسى حصل الموضوع ده معايا مرتين فقط فى خلال 3 سنوات.
و فى التوكيل قالوا لى حكايه التبخر ده بسبب تصميم تلك المواتير مثل مواتير الفورمولا - ده كلامهم و اكيد المعلومه دى من الالمان نفسهم - لان التوكيل لا يعمل او يقول شىء بدون الرجوع لبى ام المانيا.
و عن الزيت افتكر ان التوكيل كان شغال ب موبيل وب شل ....
تحياتى ...

المشاركة الأصلية كتبت بواسطة maskeen

والله انا لسه شارى العربيه من شهر...من اسبوعين طلعتلى الرساله على الكومبيوتر ان الزيت ف الحد الادنى رحت مزود لتر موبيل 1...امبارح (بعد 2000 كيلو سواقه) الزيت وصل للحد الادنى تانى

هاجرب احط كاسترول واشوف الفرق

لا تقلق الموضوع ده طبيعى و عن تجربه ... و عند تجربه الكاسترول قولنا النتيجه