الموضوع: اجنط 14 ولا 15 للفيرنا ( مع التعليل )

المشاركة الأصلية كتبت بواسطة memo823000

طبعا الجنط الاسبور افضل للعفشه لانه اخف من الحديد وعشان عزم العربيه يبقى افضل والعربيه متترجرجش منك مع الطرق الخشنه ومطبات الهواء ولا ترزع مع النقر وفواصل الكبارى

جنط حديد و 15هيبقى تقيل قوى وكمان هيتقل الدريكسيون على ما عتقد

طبعا جنط 15 اسبور ويكون خفيف ونوع محترم
ومعاه كوتش بردجستون يابانى مقاس 185/55/15 والله هتركب عربيه مختلفه تماما
انا عارف ان الموضوع هيكلف بس هيفرق معاك جامد جدا
نعومة - ثبات - عدم اهتزاز ولا رجرجه - مفيش رزع ولا خشونه - فرامل ممتازه تدخل على المطب وانت 80 و 90 كمان مفيش اى مشاكل ولا زحف ولا الكلام دوت
انا بحكى اللى بيحصلى فى الافيو5 بنفس المقاس وده شكل العربيه بالجنط بس انا طبعا عندى حديد لانه نازل كدا
لاحظ صغر القطر 185 مش 195 ففيه فرق كويس بين الكوتش والكرتيره عشان التحميل ومطبات الهواء والاحتكاك
البروفايل 55 والجنط طبعا عريض مقاس 15
اقسم بالله انا بخد غرز على ال160 مفيش اى مشاكل ووزن الافيو5 نفس وزن الفيرنا
‪2009 Chevrolet Aveo5 Drive Time review‬‏ - YouTube
‪2009 Chevrolet Aveo5 at NAIAS '08‬‏ - YouTube

وعلى فكره اصلا انت افضل مقاس ليك هو المقاس دوت وعشان اثبتلك
175/70/13 ده مقاس الفيرنا المانيوال
185/60/14 ده مقاس الفيرنا الاتوماتيك والنيو اكسنت والافيو السيدان
185/55/15 نازل فبريكه عندى فى الافيو زى الفيديو بس طبعا عندى حديد مش سبور وحتى بتوع الافيو هيلاقو المقاسات دى على الاستيكر فى درج التابلوه
طبعا ناس كتير متعرفش المقاس دوت لانه مشمنتشر فى السوق بس موجود واسال عشان تتاكد فبتركب 195/50/15 فبتقلل فى البروفايل وتزود قطر الكوتش نفسه
والله المستعان

حضرتك متأكد من ان المقاس ده هيركب على الفيرنا بدون مشاكل ؟ الفـــيرنا مش الأفيو

المشاركة الأصلية كتبت بواسطة r0xer

حدد أنت عايز أيه من العربية الأول؟ حضرتك بتقضيها سفر وسرعات و غرز وكدا بشكل يومي؟ ولا دايما في وسط البلد وبتسافر 10 مرات بس في السنة؟

لو بتسافر كتير وعلى طرق مفتوحة، انصحك بال15. اما لو اغلب حياتك في المدينة 14 طبعا .

انا عن نفسي جنطت 14 وليس 15 مع ان الاتنين سعرهم كان متقارب جداً...

انا لحد دلوقت مايل للجنط الـ 14 خصوصاً انى دايماً وانا مسافر العربيه بتكون متحمله والثبات بيزيد شويه

المشاركة الأصلية كتبت بواسطة AutoTycoon

مع احترامي يا باشا بس انا شايف مبالغة من حضرتك :(
ازاي بس بالفيرنا غرز على 160 ؟
لا لا مش معاك يا باشا ... انا مركب 15" و كاوتش بريدجستون بوتينزا (انشف حاجة عرفتها البشرية- كاوتش رياضي) و برضه بعد ال120 130 كدا مش بتحس بالعربية خالص و طريق صحراوي كمان!
لكن لو زراعي او طريق وحش اخرك 100 برضه
انا كنت بال13 كنت بعد 100 مش بحس بالدركسيون خالص

معقول حضرتك مركب الجنط الـ 15 ع الفيرنا وبعد الـ 120 الثبات بيقل للدرجه دى ؟؟؟ !!!

المشاركة الأصلية كتبت بواسطة memo823000

يا اخوانى اولا السرعات خطر جدا ووحشه جدا
اولا الموضوع ان بالجنط ال14 او ال15 يقدر ياخد غرز على ال160 او لا
الموضوع هو ايه افضل مقاس للفيرنا يديها اعلى ثبات وافضل فرامل وافضل حاجه بالنسبه للعفشه يعنى العفشه متفقدش النعومة والراحه وبرده متتاثرش
انا بقول ان المقاس 185/55/15
185 افضل من 195 عشان قطر الكوتش ميبقاش كبير فاى تحميل او مطبات هواء هيحك فى الكرتيره
55 بروفايل اتخن عشان الاحساس بالمطبات وتفاصيل الطريق يقل والعفشه تبقى حنينة لان ال195/50/15 هيدى ثبات ولاكن العفشه هتنشف
15 اكيد اكيد افضل من 14 فى الثبات والفرامل حتى لو ال14 كويس على الفيرنا لاكن ال15 افضل
وانت كدا كدا هتدفع فلوس يبقى تجيب الافضل وتمسك العصايه من النص
لاكن موضوع انى اخد غرز على 160 ب14 او ب15 فمشموضوعى اصلا لانى بكره السرعه لاكن ساعات بتطرك الظروف انك تجرىفاكيد اداء الجنط ال15 هيكون افضل من 14
هوا ده الموضوع يعنى الموضوع ولا خناق ولا حاجه انا بقول النصيحه كانى انا اللى هجنط بالظبط
والله المستعان

احترم وجهت نظرك ... بس حاسس ان حرام اشترى جنط 15 عشان يبقى 185 ومعرضش عن كده

عشان كده الـ 14 فى نظرى هيكون مناسب مع كاوتش ماكسس ايه رأيك

المشاركة الأصلية كتبت بواسطة mshmshm3

kamatsho باشا خليك في الجنط ال 14 ولو جنط اسبور يبقي افضل هيبقي اخف من الجنط الحديد الجنط ال 15 هاينشف العفشة اوي وهايعملك مشاكل فيها

مشمش باشا

انت رأيك كده ... هحاول اشوف جنوط 14 شكلها حلو ويمشى مع لون العربيه وان شاء الله ربنا يسهل يا ريس وكل سنه وانت طيب

معقول حضرتك مركب الجنط الـ 15 ع الفيرنا وبعد الـ 120 الثبات بيقل للدرجه دى ؟؟؟ !!!

مهو الفرق بين المقاسين كبير اهو... بس الفكرة ان معاك فرامل اتحسنت جداً بالذات لو الكاوتش محترم هي اصلا مشكلة الفرامل في العربية دي بسبب الكاوتش + ان العربية ما زالت بنفس العفشة الطرية فعشان كدا ثباتها ضعيف :(( و بعدين هو الطرق بتاعتا يتجاب عليها اكتر من 120 ؟؟ انت عارف .. انا بطلت اجري اساساً و اخري 100 برضه