دواسه الدبرياج بقت تقيله اووى ؟؟

**eemmoo** · 05-08-2011 03:43 AM

دواسه الدبرياج تقلت اووى وكمان عاليه وبقت بتخنقنى فى السواقه ياترى ده عيب ايه وبتتصلح ولا فى حاجه بغيرها

اعذرونى يا جماعه عشان انا معنديش خبره فى الميكانيكا والبركه فيكم

**ahmedtunning** · 05-08-2011 04:10 PM

شيك علي سلك الدبرياج

**mohamed_fatouh** · 05-08-2011 04:34 PM

روح لميكانيكى يكشف على سلك الدبرياج و خلى حد يزيته من داخل الجراب بتاعة و انة موش مشرشر او على وشك الانقطاع و لو مكانش شوف الاسطوانة بتاعة الدبرياج ممكن تكون سوسته مكسورة و فى الحالة دى للاسف انت مضطر تغير الطقم و دة يكلف بتاع 650 جنيه تقريبا و ان شا الله خير

**eemmoo** · 05-08-2011 11:37 PM

المشاركة الأصلية كتبت بواسطة ahmedtunning

شيك علي سلك الدبرياج

انت منين فى امبابه ؟

وماتعرفش ميكانيكى كويس يكون قريب من امبابه غير ابراهيم واسماعيل والناس دى عشان مش برتاحلهم ؟؟

**egman** · 06-08-2011 03:05 PM

يا باشا مبدئياً كده لازم تغير سلك الدبرياج بواحد اخر وان شاء الله الدنيا هتظبط معاك ممكن تقولنا انت اخر مرة مغيره من امتى علشان نقدر نحكم اكتر انه من سلك الدبرياج او غيره وكمان لو عايز ميكانيك تانى فية واحد فى جسر السويس ممتاز .

**ahmedtunning** · 06-08-2011 04:04 PM

المشاركة الأصلية كتبت بواسطة eemmoo

انت منين فى امبابه ؟

وماتعرفش ميكانيكى كويس يكون قريب من امبابه غير ابراهيم واسماعيل والناس دى عشان مش برتاحلهم ؟؟

انا من ارض الجمعية
وعندك حق والله انا كمان مابقتش ارتحلهم عشان لسه عاملين معايا كام حركه مش تمام
بس انا مابتعملش مع حد تاني في امبابة

**إبراهيم المصرى** · 06-08-2011 11:01 PM

غالبا الماسترالباكم للدبرياج العمومى لو زى البونتو حصل كده وغيرتلها الماسترين

**eemmoo** · 07-08-2011 12:51 AM

المشاركة الأصلية كتبت بواسطة egman

يا باشا مبدئياً كده لازم تغير سلك الدبرياج بواحد اخر وان شاء الله الدنيا هتظبط معاك ممكن تقولنا انت اخر مرة مغيره من امتى علشان نقدر نحكم اكتر انه من سلك الدبرياج او غيره وكمان لو عايز ميكانيك تانى فية واحد فى جسر السويس ممتاز .

هو تقريبا كده ماتغيرش خالص اصل انا مشتري العربيه مستعمله وكانت مع واحده ومكنتش بتعملها اى صيانه بس العربيه عدادها عامل 86000 كم وبالنسبالى ميكانيكى جسر السويس ده بعيد عنى شويه