بصراحة كده وبدون مقدمات كلام ومواضيع الاستاذ احمد ahmedfbi ووسوسته الزيادة يبدو لى انها انتقلت ليا وبقيت انزل اضرب بعينى العربية نظرة فاحصة لحد ما لاحظت من كام اسبوع ومع اشتداد الحرارة وتشغيل التكييف باستمرار داخل المدينة وركنها وانزل اقضى مصلحة ولا مشوار وارجع تانى اشغل وامشى
لقيت بقعة مبللة تحت العربية
طبعا اول ما شوفتها قولت فى سرى ربنا يستر .. بركاتك يا ابو حميد العربية جابت زيت من الفتيس
بس الحمد لله طلعت قدام شوية ونزلت كشفت على البقعة زى بتوع البترول ولقيتها مياه
فتحت الكبوت وبصيت عشان اشوف التنقيط جاى منين لقيته جاى من بطن العربية خلف الموتور من جهة المواسير اللى ماشية قدام التابلوه كده بس غير مرئية
وراجعت مستوى كل السوايل مالقتش اى نقص والحمد لله
وخمنت يكون ده تكثيف مياه من مواسير التكييف والله اعلم ...
المهم سؤالى دلوقت هل حد لاحظ كده فى عربيته يا صقور النيسان ؟ ولا لأ ؟
خاصة ان الموضوع متكرر معايا فى نفس ظروف التشغيل تكييف جوة المدينة على الاول والتانى ونزول وركوب متكرر