مين فكر يشترى جهاز تتبع السيارة ؟؟
السلام عليكم
انا باطرح الموضوع ده للمناقشة ... وهو مين اشترى او بيفكر يشترى جهاز تتبع السيارة ؟؟
كلنا شايفين القلق الحاصل فى البلد شئ رهيب ... واحد معرفه اتسرقت عربيته جيب شيروكى 2011 ... وقفوه برشاشات على طريق العاشر واخدو منه العربيه بكل هدوء .. وبعديها بفترة اتصلو بيه وطالبين 70 الف ... المهم مش ده موضوعنا
موضوعنا بحث امكانية شراء جهاز التتبع ... انا شوفت جهاز بيتباع عند شركة تمنه 1650 جنيه وده بنظام الرسائل ...بيركب عليه شريحة موبايل ويرسل اليك رسالة فيها احداثيات موقع العربية وسرعتها وبعدين تدخل الاحداثيات على جوجل يقوم يعطيك مكان العربية ...
السؤال دلوقتى :
- حد اشترى الجهاز ده وجربه ؟
- حد بيفكر يشتريه وعايز يطمئن على نقاط معينه قبل الشراء ؟
- حد عنده فكره اخرى تؤدى نفس الغرض وبتكلفه اقل؟
وفى انتظار ردودكم ومناقشاتكم ...