عايز اعرف مين مضمون يتجاب منه مساعدين kyb
و لو حد جرب بليشتين ياريت يعرفنا تجربته من اول مكان الشراء و السعر لحد الاداء
وجزاكم الله خير
عرض للطباعة
عايز اعرف مين مضمون يتجاب منه مساعدين kyb
و لو حد جرب بليشتين ياريت يعرفنا تجربته من اول مكان الشراء و السعر لحد الاداء
وجزاكم الله خير
فكك من ال kyp و اشتري مونرو انضف مليون مره وبالضمان هي اغلي تقريبا 100 جنيه بس تحفه و في انزل التوفيقيه واسال علي مركز بيع مونرو الرئيسي واخد خلي بالك البيع بتسعيره من الشركه الام
طب ما تحكى لى تجربتك مع مونرو
اسمع من الناس هنا انهم انشف من الاصلى و من kyb
و انا يهمنى الراحة و النعومة اكتر عشان مش با اجرى و منطقة سكنى مليانة شوارع مكسرة
المونرو عاملين كام
؟؟؟؟؟؟
مونرو ب800
kyb ب 540
توكيكو ب 500
مفيش حد عنده معلومات و تجارب؟؟؟
السعر ده سعر 2 أمامى
مونرو جبت السعر من منفذ البيع اللى فى ميدان الجيزة
و الباقى من محل قطع غيار يابانى فى شارع فيصل
انا جربت ال kyb
وبصراحه معجبتنيش .... اولا ناشفه جدا ..... وعمرها قصير اوي ..... تقريبا مكملتش 30 الف ومحتاجه تتغير !!!!!!!
لا المساعدين فقط من غير السوست وانا سالت قبل كده عن الkyb لقيتهم ب600 تقريبا بس المشكلة ان كل اللى موجود فى السوق مضروب وبشهادة البياع نفسه لانى اعرف واحد فى الحرفيين حبيبى قاللى بلاش منهم ولما اصريت انى اعرف السبب قاللى اللى موجود فى مصر كله مضروب انا امبارح كنت عند العفشجى بعمل البارات الداخلية والخارجية لعلبة الدريكسيون والراجل قاللى احسن المستعمل بس يكون نظيف ده بالنسبة للمساعدين وبالتوفيق يا ابو حمزة وياريت لو نازل الحرفيين تكلمنى ضرورى الله يخليك والله انا مشغول جدا ومش عارف كنت عايز انزلك مخصوص اما بالنسبة للسوست ياكابتن لو اتاكد ان العيب منهم هاتهم استيراد احسن دول مضمونين عن الجداد ويستحسن لو جبتهم بمساعدينهم تحياتى
المونرو مساعدين مشهود لها بالكفاءة
و مش ناشفة اوى زى ما حضرتك متخيلها
جيت اغير المساعدين الخلفية
الاستيراد زي الزفت
ال kyb مضروب بالجزمة بشهادة كل البياعين
ركبت القدام بتوعي ومستني الاقي مساعدين نضيفة
او اجيب الاصلي بس لما تفرج شوية
ازيك يا استاذنا الف حمد الله على سلامتك وايه اخبار العربية انا والله مش عايز اكلمك علشان عارف ان كل الناس هاتقعد تتصل من ساعة موضوع العربية وبعدين سفرك ورجوعك بالسلامة وكل سنة وانت والمنتدى والناس بالف خير ورمضان كريم .
فعلا موضوع الكى واى بى مضروب فى السوق وده اللى خلانى اضطر اشتريهم من عند عادل وجدى وكان فيه فرق فى السعر حوال 800 زيادة للطقم الاربعة وفعلا المستعمل بقى حاجة غريبة بقت روبابيكيا تحياتى وربنا يوفق ان شاء الله
الاصلى تمنهم معدى ٢٠٠٠ و ده كتير عليهم لانهم kyb gr2
طب مفيش حد يعرف ممكن نلاقى المساعد البليشتين فين وبكام
وجزاك حبيبى خيرا المهم بقى تيجى المقابلة معلش انا حاسس قد ايه انت مشغول وده الحال علينا كلنا بس قوللى مواعيدك ايه وانا اجيلك لغاية عندك ده رجاء بعد اذنك انا عارف انك كريم وكان الفلوس معاك وانت مطمن بس معلش الفوس معايا زى ما هية عايز امشى وانا مستريح حبيبى
ربنا يبارك لك في المساعدين و العربية و كل مالك
بس السعر ده كتير قوى لان GR2 اول فئة فى KYB و كمان سعرهم فى كل العالم قريب من المونرو Sensa
و حتى على المنتديات ناس تشكر فى KYB و ناس تقول مونرو احسن و ناس تقول الاتنين وحشين
لو حد نزل التوفيقية او شارع دمشق يعرف مين هناك يبيع Blestein يمكن نلاقى عنده بتاع الكرستالة ها يبقى احسن من الاتنين
Kyp مساعدين ناشفة جدا جدا جدا جدا و مقرفة ندمت اني جبت طقم 4 مساعدين منها نصيحة دور علي مساعدين استيراد بومة 1600 بالسوست و بالبطاحات و ركبها انضف و متغلطشي غلطتي
غالية لانها من برة وعلى فكرة مش عارف موضوع اول فئة ده لانى لما بعمل سيرش عليها الاقى Gr-2 اللى اقل منها حاجة اسمها اكسيل تقريبا دى اقل مش اعلى لانها كانت ارخص فى حدود 400 جنيه بس انا فضلت الاحسن لانى مش بغير كل يوم وربنا يستر مضحكش عليك خلتنى اقلق منها بس والله انا لما كنت راجع من الساحل وماشى 180 كان مديانى ثبات عالى وناس صحابى كانوا فاكرنى مركب عفشة سبور لان مطبات الهوا مكانتش بتاثرم معايا او الفروق اللى فى الطريق وكنت بنتقل من حارة الى حارة من غير معاناه خالص وزى ما قاللى عادل وجدى انهم هاف سبورت يعنى جوة البلد مش بحس بنشفان خالص وعلى السرعة الثبات المطلوب واكتر ربنا يبارك فيك يا ابو حمزة
بص الاجابة دى من سايت KYB على الفرق بين GR2 و Excel
Why are more KYB products arriving as the black Excel-G instead of the previous silver GR-2?
To provide you with a product that appears more like OE products around the world, our current silver GR-2 products are transitioning to black Excel-G products.
The manufacturing process and all of the components used to make the Excel-G Shocks and Struts are identical to those used in the the GR-2.
جميل قوى بس برضوا نفهم من كده او المقصود يمكن علشان الاكسيل دى جديدة بيعملوا عملية تسويق وبرضوا
شكلى مفيش قدامى مضمون غير Monroe
ربنا يسهل
حبيبى خللى بالك المونرو اللى كانوا بيقولوا عليه مساعد ثقيل يعنى مش مريح وعلى فكرة انا جربته فى عربية فيات 128 وغيرته بعد 3 شهور والله انا مش بحيرك لكن بنقلك تجاربى امال انا اضطريت اشتريه غالى ومستورد ليه عايز نصيحتى بس اكتشفتها بعد ما اشتريت دول انا مرة كنت بجيب حاجة من عند واحد بتاع لانسر فى الحرفيين وعيناية وقفت على طقم مساعدين تقريبا جداد لانج مش مغسولين يعنى باين انهم كانوا لسه متغيرين والعربية اتقطعت يعنى واتباعت وكنت هاتهبل عليهم لدرجة انى كنت عايز اخدهم استخصار بس خفت يبوظوا من الركنة والا حاجة وكان الطقم ب 1400 بيبقى فيه لقط انزل دور فى المذستعمل ولو معجبكش اشترى وامرك لله
اكيد فى لقط لكن عايزة بحث مرة واتنين و اكتر و فى الاخر انت وحظك
ادعى لى بس ربنا يسهل الخير
ازيك يا ابو حمزه انا عايز اعرف رسييت علي ايه في الاخر وجبت ايه لاني محتاج مساعدين بردو وشاكر لذوققك
مونرو انا جبتهم ب 875
شغالين معايا زي الفل
ساعات بسيطه بسمع صوت تزييئ
بس بيروح مع الغسيل
:)
انا مركب كاي بي من حوالي خمسة شهور والطرق زي الزفت وشغالين زي الفل
السلام عليكم
انا حبيت اساعد ياشباب
انا لسه مغير مساعدين خلفى للقرش 2008 عند المتخصصون وجبت المساعدين kybالاكسيل جى من عند الاعتماد فى اول دمشق والطقم عامل 630 بعد الفصال وسألتو على الطقم الامامى قالى ب 1050 ده قبل الفصال
تحياتى
على فكره المساعدين حلوين جدا زى ما احد الزملاء قال ولا ناشفين يتعبو ولا طريين