ارجو المساعدة من كل خبراء السيات فى معرفة الفرق بين الابيزا موديل 1999 وابيزا موديلات 2000 و 2001 من حيث الموتور والهورس باور والعفشة وهل الاثنين انجيكشن لأن الفرق بيعمل حوالى 10000جم وهل الفرق يستاهل المبلغ ده ولا لأ..؟؟
ارجو المساعدة من كل خبراء السيات فى معرفة الفرق بين الابيزا موديل 1999 وابيزا موديلات 2000 و 2001 من حيث الموتور والهورس باور والعفشة وهل الاثنين انجيكشن لأن الفرق بيعمل حوالى 10000جم وهل الفرق يستاهل المبلغ ده ولا لأ..؟؟
اهلاً بيك يا goofy301 مرة تانية فى قسم السيات
ويارب تفضل منورنا على طول
- بص يا سيدى الابيزا ال 99 موتورها 1000 cc انجيكشن بيدى 50 هورس باور و هى نفس شكل الابيزات اللى قبلها يعنى موديلات التسعينات خارجياً وداخلياً
- من اول سنة 2000 حدث تطوير شامل للعربية من حيث الشكل الخارجى و الداخلى و التابلوة و الموتور وجميع اللاجزاء و المكونات و العفشة مع الاحتفاظ بنفس الارقام لى ال 1000 cc و ال 50 هورس باور مع تطوير الموتور من حيث الكهربا و الالكترونيات و توفير البنزين
والفرق بينهم حوالى 3 او 4 الف و ليس عشرة الالف فى الطبيعى... ولكن لا تقارن حالة سيئة لل 99 بحالة ممتازة ل ال 2000 فيصبح الفرق كبير و ممكن يوصل عشرة فعلاً
- و اما لو بتسألنى عن مين الافضل ففى الحقيقة الاتنين ممتازين
الابيزا ال 99 بتمتاز بقطع غيار سعرها اقل و اشتراك معظم الاجزاء مع موديلات الابيزا السابقة لها مع توفير عالى فى البنزين و لكن ليس مثل موديل ال 2000 بالاضافة الى قوة التحمل المعروفة
و الابيزا 2000 بتمتاز بالفخامة و جودة المكونات و التكنولوجى العالية و زيادة توفير فى البنزين اللى ممكن يصل الى حوالى 750 كم داخل البلد و اكثر من 900 كم مع سفريات فى التانك وايضاً قوة التحمل العالية مع قلة الاعطال
وفى موضوع إن شاء الله بحضرة هاشرح فية كل موديلات السيات السابقة بتفاصيلها قريب إن شاء الله
وربنا يوفقك اى كان اختيارك إن شاء الله
شكرا يا Seatlover على اهتمامك .... لكن فرق الفلوس ده موجود فعلا لانى وجدت موديل 99 بسعر 42000 جم وموديل 2001 بسعر 51000جم.
بس عايز اسألك سؤال بوجه عام هو مش مبلغ 50000جم كنير على سيارة 1000cc ولا ايه رأيك خصوصا انى سمعت بعض الاشاعات بتقول ان الموتور بيضغف بعد سنتين او تلاتة ليصل الى 800cc
ايه رأيك فى الموضوع ده...هل 50000جم كتير على موتور 1000cc ولا لأ ؟؟
العفو يا goofy
بص يا سيدى بالنسبة للاسعار اللى ذكرتها
الابيزا ال 99 دى اكيد تعبانة جداً و ميغركش المنظر اخواتها الحلوين ب 48 و 49
ال 2001 فى اقل من الطبيعى بسنة صغيرة
---------------------------------------
على فكرة الخمسين الف قليل قوى على العربية و الموتور دة
بس دة من حظنا الحلو :D
عشان ظروف السوق و طريقة التفكير المنتشرة اللى بحاول اغيرها معاك دلوقتى
وببساطة ..هاتلى موتور كان سنة 2001 و كان 1000 cc بيطلع 50 هورس باور وبالنعومة و السلاسة دى غير البولو و الابيزا
وكمان بيعمل اكتر من 900 كم فى التانك
بلاش هاتلى حد ركب الابيزا2001 فترة طويلة و طلع منها على موتور 1300 حتى و اتبسط و ماندمش
ازيك يا باش مهندي عمرو
بص يا ريس جوفي
مفيش متور فولكس بيضعف بعد 3 سنين المواتير دي علشان تبدي تتعب يبقى عملت على الاقل 300 الف كيلو يمكن مش هتصدقني بس دي الحقيقه لو بتعمل صياناتك و بتغير زيت و متابع الميه العادي يعني
واحد قريبي شاري ابيزا موديل 99 ماشيه 55 الف كيلو مكيفه جميع الكماليات كانت 58 الف بعد طلوع الروح بس عربيه متصرفش عليها جنيه غير الصيانات العاديه فابريكه بره و جوه لسه بالاكياس بتاعت الفرش
انا عمري ما سوقت عربيه صغيره بالحلاوة دي من الصفر لاخر العداد الي هو 150 كيلو هوا
رحت بيها من القاهره لدمياط في ساعتين ما حسيتش بفرق بينها و بين البسات بتاعتي الا في التوب اسبيد بس عربيه عشره على عشره
انا كنت بدور لاختي على عربيه ابيزا شفت واحده ب ماشيه 280 الف كيلو بس صيانه في التوكيل كانها زيرو كانت موديل 2001 كانت 57 الف جنيه و بالتكييف كانها لسه زيرو
هاتلي عربيه صغيره و بالسعر ده لسه بالكفائه دي توكل على الله و مش هتندم
تعديل كانت ب 48 الف جنيه مش ب 58 معلش لسه بهلوس من الدروس :))