عرض للطباعة
بجد يا جماعة انا اتسحرت بالياريس
كل ما ادخل منتدى الاقى كل الناس بتشكر فيها
انا قررت اشتريها كمان شهرين كده و حبيت اعرف حاجات عنها لقيتها مليانة مزايا و عيوبها مش كتيرة و مش مؤثرة ... كل سيارة فيها عيوب !!!!
انا عايز اسأل بس هل فيه ياريس 1500 سي سي مانوال full option ؟
و عايز اطمن اذا كان اختياري للياريس كويس و لا لأ ا صل فيه ناس قلقتنى بس انا عايز اخد رأيكم
و بالمناسبة ايه نظام ال ABS ده و بيعمل ايه ؟
شكرا
الياريس فعلا اختيار موفق . انا معايا ياريس و العربية مريحانى و الحمد لله.
و على فكرة مافيش ياريس 1500 سي سي اصلا
و بالنسبة لل Abs دة نظام فرامل موجود فى معظم العربيات الجديدة و ده بيخلي العربية تلم بسرعة و ماتعومش حتى لو على سرعة .
عموما اختيار موفق و مبروك مقدما.
انا شوفت معلومة 1500 سي سي ديه على كذا موقع و ده واحد منهم
http://elhddad.jeeran.com/archive/2008/1/441791.html
بس فيه سيارة فول اوبشن مانوال من ياريس باقل من 120000 جنيه ؟
و نسيت اشكرك عشان باركتلى مقدما و اتمنى انى اكون اخترت السيارة المناسبة
الياريس الموجودة في مصر cc١٣٠٠ لكن فيه معارض جايبين ١٥٠٠ cc من الخليج يعني من غير ضمان من الوكيل..... و كان فيه أخ فاضل في المنتدى سأل الوكيل و قالوا إن ممكن يجيبوا ١٥٠٠ مخصوص بالطلب بس كانت حتبقى غالية
ربنا يوفق إن شاء الله
شيكوو انا مش فاهمة توقيعك ؟؟
بعد اذن صاحب الموضوع :)
عفوا لصاحب الموضوع بس نهى باشا ديه عزيزة على الكل ..حتى اسأل كريم منير ;)
بصي يا ستي الشخصية الكاريكاتورية ديه كابتن هادوك.... صاحب الواد تان تان في السلسلة المصورة الشهيرة.... و ألف ألف مليون لعنة ديه كانت الترجمة العربية للعنات اللي كان بيصبها على الأوضاع اللي مش عجباه ...كانت فيها ابتكارات عجيبة بس الترجمة المصرية استبدلتها بالجملة الشهيرة ديه :rolleyes:
مش لاقي أحسن منها لوصف اللي حاسس بيه ناحية اللي بيحصل في البلد :(
و اسفين تاني لصاحب الموضوع ربنا يبارك لك يا رب في اختيارك
ال Abs دة بيمنع انغلاق العجل و انت بتفرمل على ارض زلقة و بالتالى بيخليك تتحكم فى العربية لأن لو العجل قفش مش حتعرف تحود ولا يمين ولا شمال
بالنسبة للياريس عربية ممتازة بس سعرها عالى حبتين تلاتة و صحيح الياريس المانيوال مفيهاش ABS
أنا عندي اليارس و هقولك العيوب فقط
1- العربية فعلا خفيفة و بتطير على الأرض بس بالمقابل سحبها ممتاز و أنا سقت عربيات كتيير جدا منها الصني و الإلنترا القديمة
2- العربية صاجها ضعيف 7\10
3- الثبات أنا شايف إنه مش مأثر نهائيا لغاية 120 و قناعاتي بتزيد تدريجيا في موضوع الثبات ده و أنا شايف إن في مبالغة في تقدير سوء الثبات
4- الشنطة كان الكلبس فيها في مشكلة ( بس دي حاجة فردية و صلحتها في التوكيل)
5 حاليا بعد سنتين ظهرت مشكلة تيل الفرامل إلي بيصفر رغم إنه لسه بحاله هو التصفير موجود صحيح بس لسه الفرامل قوية و علشان ما أظلمش العربية الحالة دي فردية و عندنا في العيلة 2 يارس تانيين لم يشتكوا كمان تقريبا و الله أعلم مركز تويوتا يونايتيد العبور ناس غبية مابتفهمش حتى المدير و هو نفسه مسؤول قطع الغيار و ابن صاحب المركز عيل صغير بحفاظ
رغم كل ده أنا رأي إن اليارس و السيتي أعلى من عربيات كتيير في السوق
سيريون1300-جين تو-سيراتو-لانسر1300-نيسان صني مصري-بوينتر-طبعا الماتريكس -البونتو..........و طبعا الجيتز
الياريس من احسن العربيات ايلي في الفئة السعرية (100 الف جنية)
اولا عربية هادية جدااا ومريحة في ركوبتها ..
استهلاك بنزين ممتاز..
تكييف كويس قوي قوي...
وسع داخلي للصالون مع صغر حجم العربية من برة ...
العربية ياباني 100%...ومن اكبر مصانع العالم.. تويوتا...ودة بيخلي تمنها فيها ...
الـ 1500 ممتازة...وموتورها قوي جدااا ....بس هايبقي كتير قوي علي جسم ووزن العربية ..
الافضل تخليك في الـ 1300 ...ونصيحة مني لو هاتشتري هات الاوتوماتيك الكاملة...علشان تريح دماغك من الزحمة وقرف الكباري...
ربنا يكرمك و تجيبها ان شاء الله.\
عربيه جميله و ناعمه جدا
و ال1300 كافي جدا عليها
غير كمان ال 1500 حيبقي غالي و حتبقي في فئه سعريه عاليه
اللي مضايقني منها وضعيه القياده المرتفعه
انا مش مع حضرتك فى الجملة دى لأن السيتى والسيريون والجين 2 والسيراتو اعلى فى الأمكانيات من الياريس ... ده طبعا مع مقارنة الأسعار ... مثلا السيتى ب85000 جنيه مانيوال وشوف امكانياتها اد ايه فى حين ان الياريس الهاف اوبشن ب 85000 جنيه ...اقتباس:
رغم كل ده أنا رأي إن اليارس و السيتي أعلى من عربيات كتيير في السوق
سيريون1300-جين تو-سيراتو-لانسر1300-نيسان صني مصري-بوينتر-طبعا الماتريكس -البونتو..........و طبعا الجيتز
اما لو قارنت الجين 2 بالياريس ككماليات فى حدود نفس السعر فالنتيجة فى صالح الجين 2...
متشكر اوى يا جماعة انا كده اطمنت و اخترت الياريس بشكل نهائى و اتمنى ان ربنا يحفظهالى من الخبطات و اخطاء الناس التانية زز و مفيش مشكلة بالنسبة لشيكو و نهى عشان اتكلموا خارج الموضوع احنا كلنا اصحاب يا جماعة :)
ألف مبروك يا باشا إختيار موفق باذن الله ....ربنا يكفيك شر الطريق و يحفظهالك إن شاء الله :)
هو مش مجرد موضوع كماليات انا بتكلم عن العربية كاسم و عمر و سمعة و ماركةاقتباس:
المشاركة الأصلية كتبت بواسطة ows212
بعدين السيراتو دي كيا و كيا طلعت مقلب كبييييييييييييير
أما السيريون أنا شايف إنها بعيدة جدا عن اليارس رغم إن العربيتين نسخ من بعض و نفس الشركة الأم
الجين تو مع كامل احترامي لملاكها ( خاصة توت عنخ أمون) انا ببلي أسمعوا عنها ماجبهاش ب75000 حتى
ows212
اتمني ان انتي تكون جربت العربيه قبل ما تقول ان السيتي احسن من الياريس طبعا الفرق كبير جدا بين العربيتين الياريس متفوقه بمراحل و في كل حاجه موتور و عفشه و قطع غيار الياريس الي متوفره كتير عن السيتي و صيانه و كل حاجه و في معلومه تانيه بس انا موش متاكد منها ان السيتي تجميع تايلاندي طبعا في فرق بين التايلاندي و الياباني
بالنسبه للجين تو مع احترامي لكل ملاكها و لكن العربيه انا بصراحه موش شايف اي قيمه ليها من حيث الشكل و القدره موش معني ان الموتور 1600 سي سي انها تكون احسن بالعكس كل عربيه و ليها المحرك الي يناسبها و دا طبعا وجهه نظري انا
بالنسبه للياريس العربيه جميله محرك مناسب و سع جميل جدا من جوه لدرجه انها اوسع و اريح من اللانسر الجديده ستيرينج كهربا موش متحمل علي المحرك (ميزه جديده) بالنسبه للصاج كل العربيات من الفئه دي صاجها موش كويس موش الياريس بس ممكن يكون الدهان ضعيف نوعا ما لكن العربيه تحفه فعلا و زي ما انا قلت قبل كده نقلا عن احد اعضاء المنتدي العربيه موش بتاعه شد و الكلام دا و انا عن نفسي بشوف الشد و الحاجات الاوفر الي بتتعمل بالعربيات ما هي الا اهانه للعربيه التكيف بتاع العربيه تلاجه مبياثرش علي سحبها ابدا
بالنسبه لل 1500 موجوده في اماكن كتيره لكن انا شايف انها غاليه علي الفاضي فرق السعر موش هو الي يدفع علشان العربيه تكون 1500 و انا شايف ان ال 1300 مناسب جدا لان العربيه بطبيعتها خفيفه و جرايه جدا حتي مع الاحمال التقيله
الفول اوبشن بتاعها جميل جدا
ربنا يوفقك و تجيبها إن شاء الله و موش هتندم انا بعد شهر دلوقتي من ما جبتها موش قادر اوصفلك اد ايه ربنا وفقني في الاختيار
ows212
اتمني ان انتي تكون جربت العربيه قبل ما تقول ان السيتي احسن من الياريس طبعا الفرق كبير جدا بين العربيتين الياريس متفوقه بمراحل و في كل حاجه موتور و عفشه و قطع غيار الياريس الي متوفره كتير عن السيتي و صيانه و كل حاجه و في معلومه تانيه بس انا موش متاكد منها ان السيتي تجميع تايلاندي طبعا في فرق بين التايلاندي و الياباني
بالنسبه للجين تو مع احترامي لكل ملاكها و لكن العربيه انا بصراحه موش شايف اي قيمه ليها من حيث الشكل و القدره موش معني ان الموتور 1600 سي سي انها تكون احسن بالعكس كل عربيه و ليها المحرك الي يناسبها و دا طبعا وجهه نظري انا
بالنسبه للياريس العربيه جميله محرك مناسب و سع جميل جدا من جوه لدرجه انها اوسع و اريح من اللانسر الجديده ستيرينج كهربا موش متحمل علي المحرك (ميزه جديده) بالنسبه للصاج كل العربيات من الفئه دي صاجها موش كويس موش الياريس بس ممكن يكون الدهان ضعيف نوعا ما لكن العربيه تحفه فعلا و زي ما انا قلت قبل كده نقلا عن احد اعضاء المنتدي العربيه موش بتاعه شد و الكلام دا و انا عن نفسي بشوف الشد و الحاجات الاوفر الي بتتعمل بالعربيات ما هي الا اهانه للعربيه التكيف بتاع العربيه تلاجه مبياثرش علي سحبها ابدا
بالنسبه لل 1500 موجوده في اماكن كتيره لكن انا شايف انها غاليه علي الفاضي فرق السعر موش هو الي يدفع علشان العربيه تكون 1500 و انا شايف ان ال 1300 مناسب جدا لان العربيه بطبيعتها خفيفه و جرايه جدا حتي مع الاحمال التقيله
الفول اوبشن بتاعها جميل جدا [/QUOTE]
ows212 ده راجل مش ست ..ماشى ياعم
انا كنت باتكلم عن كماليات لانك كنت بتقول الياريس اعلى ...اقتباس:
هو مش مجرد موضوع كماليات انا بتكلم عن العربية كاسم و عمر و سمعة و ماركة
ممكن حضرتك تقوللى ليهاقتباس:
أما السيريون أنا شايف إنها بعيدة جدا عن اليارس رغم إن العربيتين نسخ من بعض و نفس الشركة الأم
انا اسف جدا يا باشا علي الغلطه دي بس و الله موش مقصوده و عموما يا باشا الغلط مردرد و اتمني ان راي ميكونش ديقاك
ولا يهمك يا ول انا اسمى عمر...
شكرا يا جماعة عشان كده انا اطمنت بس عايز اعرف ال 1300 سي سي فى ياريس حلو ولا لأ شصل انا مش مقتنع بيه و ياريس 1500 سي سي غالية
ال 1300 زي الفل علي العربيه لما هتجربها هتحس بكده لان العربيه خفيفه و سحبها ممتاز و بعدين ال1500 مبالغ اوي في سعرها
ايوة سألت عليها في "الهاشمية للسيارات" لقيتها ب 126000 جنيه
انا برده قبل ما اشتري لقيتها عند الهاشميه الراجل قالي 1500 سي سي و كسحات و كلام كتير اوي طبعا رفضت لان الفرق كبير جدا علشان حاجه انا في اعتقادي انها هتكون اوفر في العربيه الياريس خفيفه فموتور 1300 مناسب جدا ليها
من النحية دي العربية مناسب عليها جدا 1300اقتباس:
المشاركة الأصلية كتبت بواسطة alivara
بعد كل المناقشات الساخنة و استفزاز بعض الاعضاء المحترمين ليا انا بقول للجميع
************ ياريس **************
و عمرى ما حفكر فى اى ماركة تانى غير تويوتا و عمرى ما حفكر فى اى عربية غير ياريس و زاد اقتناعى بيها بعد مهاجمة اعضاء كتير ليها و اتضح انهم معاهم عربيات مركات تانية و عايزين كل الناس تشتريها و خلاص
ارجو مشاهدة هذا الموضوع
http://www.nilemotors.net/Nile/showthread.php?t=25620