حد شاف ibiza ST ؟

**cOrn** · 05-08-2011 08:53 PM

كنت فى التوكيل و شفت ibiza ST الجديدة بصراحة العربية شكلها ممتاز , قعدتها مريحة و فيها اوبشنز كتير , ب 130 الف , يا ترى حد جرب العربية دى ؟ وهل العربية دى تستاهل 130 الف فعلا؟ و سمعت ان فى قطع غيار ابيزا التوكيل نفسه مش بتبقى موجودة عنده الكلام دة صح ولا غلط ؟ لو فى حد عنده اى معلومة عن عيوب فى العربية دى او فى سيات يقولها !

**ahmedtunning** · 05-08-2011 11:07 PM

ibiza st انا اول مره اسمع عنها

**ehab_mansour** · 05-08-2011 11:46 PM

العربية دي موديل جديد نازل من الابيزا
نزل الموديل ده في 2011 فقط كتعديل جديد للابيزا باضافة شنطة كبيرة خلفية للابيزا بسعه تقريبا 400 او 430 لتر تقريبا مش فاكر بالضبط
هذه السيارة تختلف في مقاساتها عند الابيزا العادية و شفت البرشور بتعها في التوكيل ونازلة بكل الاوبشنز تقريبا اللي في الابيزا العادية و تقريبا فيها حاجات زيادة

الاختلاف الجوهري لهذه السيارة عن مثيلاتها العادية هو المحرك الجديد فهذه السيارة نازلة بمحرك 1200 سيسي تربو تشارجر ببقوة 105 حصان و بفتيس dsg الجديد من فولكس ذو السبع سرعات و هذا المحرك هو المحرك الحائز علي جائزة أفضل محرك في العالم لعام تقريبا 2009 او 2010
هذا المحرك يعطي عزم رائع علي عدد لفات قليل يبدأ من 1500 لفة في الدقيقة و مستمر تقريبا حتي 4000 لفة في الدقيقة كعادة التربو تشارجر في المحركات و بمعدل استهلاك فوق الممتاز يصل الي 4ونصف لتر لكل 100 كيلومتر
علي العموم هبحث عن المواصفات الدقيقة لهذا المحرك و هنزلها هنا حتي تعم الفائدة و كذلك لهذا الموديل من الابيزا

وعلي فكرة الموديل ده داخل دماغي جدا و لما جيت أغير لو معايا فلوس كنت اشتريتها ولكن ربنا يكرمنا لأن هذا الموديل بيحل المعضلة الأساسية في الابيزا و الوحيدة من وجهة نظري ألا وهي سعة صندوق الامتعه (الشنطة الواسعه) و كذلك محرك قوي و ممتاز جدا وبعدل استهلاك بنزين فوق الممتاز
العيب الوحيد لهذا الموديل من وجهة نظري هو انه لابد من استخدام بنزين 95 علي الأقل للمحافظة علي المحرك و أداؤه ولكنها أعتقد أفضل من اني احط بنزين 92 في محرك 1600 و هيستهلك بنزين اكثر من ده و هنوصل لنفس استهلاك الفلوس تقريبا ومع ذلك الاتنين بيعطو نفس القوة تقريبا
والله الموفق

**windofchange** · 06-08-2011 03:53 AM

هي دي وربنا يرزقنا الجميلة دي

**cOrn** · 06-08-2011 09:22 AM

شكرا للردود , فى واحد صاحبى بيفكر فيها و داخله دماغة اوى بس بصراحة انا مش عاجبانى كشكل لأنها تعتبر مش شبابية , و كنت بقارنله ما بينها و بين BMW E46 318i موديل 2003 , و الفرق لصالح ال BMW فى حاجات كتير ما عدا ان دى الابيزا هتبقى زيرو , و ال BMW هتبقى مستعملة ! كنت عايز اعرف اسعار قطع غيارها لأنها تقريبا هتبقى نفس اسعار ال Ibiza العادية , ولو حد عنده رأى يا ريت يقوله و متشكر جدا لجهودكم و كل سنة وانتوا طبيبن.

**ehab_mansour** · 06-08-2011 01:01 PM

المشاركة الأصلية كتبت بواسطة corn

شكرا للردود , فى واحد صاحبى بيفكر فيها و داخله دماغة اوى بس بصراحة انا مش عاجبانى كشكل لأنها تعتبر مش شبابية , و كنت بقارنله ما بينها و بين bmw e46 318i موديل 2003 , و الفرق لصالح ال bmw فى حاجات كتير ما عدا ان دى الابيزا هتبقى زيرو , و ال bmw هتبقى مستعملة ! كنت عايز اعرف اسعار قطع غيارها لأنها تقريبا هتبقى نفس اسعار ال ibiza العادية , ولو حد عنده رأى يا ريت يقوله و متشكر جدا لجهودكم و كل سنة وانتوا طبيبن.

رأيي فيها قلته فوق ولكن
عربية تحفة و جميلة جدا ومين قال انها مش شبابية !!!!!!!! يا راجل حرام عليك دي الابيزا اكثر العربيات تصميما تناسب الشباب
و من رأيي متنفعش تقارنها بموديل قديم لأن أكيد فرق الأوبشن و التكنولوجيا الحديثة لصالح الابيزا
وفيه فروق أخري كثيرة بين الاتنين لأنهم مش نفس الفئة دي حاجه ودي حاجه تانية

وربنا يوفقه للاختيار الصحيح و اهم شيء يستخير ربنا وهو هيعينه علي الاختيار و يوفقه ان شاء الله

**Salsaa** · 10-08-2011 03:16 PM

أستاذ ايهاب ..

الحقيقة انا شفت الابيزا ستيشن و عجبتنى جدا .. و خصوصا انها حلت معضلة الشنطة (الشنطة بقت 430 لتر بدال ما كانت 290 لتر فى الابيزا العادية) .. و بالعكس انا شايف انها شبابية جدا .. و فى نفس الوقت تلبى احتياجات أسرة كاملة .. بس موضوع البنزين 95 ده مقلقنى أوى .. وماعتقدش ان معدل استهلاك البنزين هيعادل الفرق فى تمن البنزين نفسه .. يعنى فى أخر كل شهر هنلاقى زيادة فى بند البنزين حوالى 150 جنيه على الأقل ..

بس انا عاوز اسال على حاجة .. انا محتار ما بينها و ما بين الميجان 3 الجديدة .. هى أغلى منها بحوالى 5 الاف جنيه .. والشنطة سعتها أقل (400 لتر) .. بس التابلوه احلى كتير (وخصوصا العداد) .. احلى كتيرمن الابيزا .. انت ايه رأيك؟

**ehab_mansour** · 14-08-2011 04:14 PM

المشاركة الأصلية كتبت بواسطة salsaa

أستاذ ايهاب ..

الحقيقة انا شفت الابيزا ستيشن و عجبتنى جدا .. و خصوصا انها حلت معضلة الشنطة (الشنطة بقت 430 لتر بدال ما كانت 290 لتر فى الابيزا العادية) .. و بالعكس انا شايف انها شبابية جدا .. و فى نفس الوقت تلبى احتياجات أسرة كاملة .. بس موضوع البنزين 95 ده مقلقنى أوى .. وماعتقدش ان معدل استهلاك البنزين هيعادل الفرق فى تمن البنزين نفسه .. يعنى فى أخر كل شهر هنلاقى زيادة فى بند البنزين حوالى 150 جنيه على الأقل ..

بس انا عاوز اسال على حاجة .. انا محتار ما بينها و ما بين الميجان 3 الجديدة .. هى أغلى منها بحوالى 5 الاف جنيه .. والشنطة سعتها أقل (400 لتر) .. بس التابلوه احلى كتير (وخصوصا العداد) .. احلى كتيرمن الابيزا .. انت ايه رأيك؟

بصراحة انا معرفش حاجه عن الميجان 3 لكن عموما انا بحب الميجان و بحب الابيزا ورأيي الشخصي بين الاتنين هيتحدد الفرق بينهم بمقارنة تفصيلية عن االاتنين مع سرد كل المواصفات الفنية و الفرق بين الاتنين ولو الاتنين متساويين انا شخصيا هميل للابيزا اكتر.. أزواق و (ألماني تقفيل أسباني ) بدلا من الفرنسي اللي سوقو تعبان جدا في مصر و كذلك صيانته
وفيه ميزة قوية للابيزا وهي اشتراكها في كل شيء مع بقية مجموعة فولكس وده بيخليك متقلقش خالص من قطع الغيار عموما
وبالتوفيق ان شاء الله

-

الموضوع: حد شاف ibiza ST ؟

LinkBack

أدوات الموضوع

عرض

-

-

-

-

المواضيع المتشابهه

i30 m/t vs ibiza m/t

طلب من الاخ Ibiza

Ibiza 97

al ibiza lm t3d ibiza

ibiza 94

الكلمات الدلالية لهذا الموضوع

المفضلات

المفضلات

ضوابط المشاركة