اية الفرق بين البوجيهات العادية و الالكترونى والشمعة والتلاتة شمعة

**matmm** · 05-08-2011 09:55 PM

انا على طول بحط بوجيهاااات 3 شمعة فى عربيتى الى هيا ال ngk اول امبارح جبت طقم طلع زى الزفت يظهر علشااان النوع دة معلهوش ضغط فا بيتركن عند البياعين طيب دلوقت لو انا جبت شمعة واحدة هيقل السحب و هو اساسااا اية الفرق بين الشمعة و ال 3 شمعة وبعدييين فى كمااان الالكترونى دة يركب ولا لاء انا الاسبراتير عندى عادى مش الكترونى واية احسن نوع بوجيهااات حامى فى الحرق فى السوووق طبعا غير الاسبلت فاير و جو الحجااااات الغالية دى

**Eng.Geo** · 05-08-2011 10:45 PM

ngk كويس مش وحش
زيادة عدد الشمعات مبأثرش علي أداء العربية
كل الفرق في عمر البوجيه نفسه
ال3 شمعه عمره أطول من ال2 والشمعة الواحدة
الأداء يتأثر بال gab بتاع البوجيه ونوع البوجيه ولو كان واخد رطوبة أو لأ وطريقة الحرق نفسها
في أنواع حلوة كتير
splitfire
Denso
NGK
ولو عايز أداء جبار
يبقي لاااااااازم سلوك بوجيهات splitfire
وعليها أي بوجيهات نضيفة

**modo88** · 06-08-2011 07:48 AM

اداء جبار من نحية ايه بالظبط وفرقها ايه؟
splitfire الاسلاك دي تعمل كام مثلا؟

**rocker** · 06-08-2011 08:26 AM

المشاركة الأصلية كتبت بواسطة Eng.Geo

ngk كويس مش وحش
زيادة عدد الشمعات مبأثرش علي أداء العربية
كل الفرق في عمر البوجيه نفسه
ال3 شمعه عمره أطول من ال2 والشمعة الواحدة
الأداء يتأثر بال gab بتاع البوجيه ونوع البوجيه ولو كان واخد رطوبة أو لأ وطريقة الحرق نفسها
في أنواع حلوة كتير
splitfire
Denso
NGK
ولو عايز أداء جبار
يبقي لاااااااازم سلوك بوجيهات splitfire
وعليها أي بوجيهات نضيفة

splitfire + Denso= power

**matmm** · 09-08-2011 08:58 AM

طيب اية الفرق بين الاليكترونى و العادى

**Hegazio** · 09-08-2011 02:17 PM

خلينا نتفق علي ان في النهاية هي شرارة واحدة اللي حتطلع مهما كان عدد الشمعات
و الشرارة دي حتولع البنزين .. و شكرا

طب ايه فرق نوع من الأخر و افضليته ؟
المطلوب خروج الشرارة في اسرع وقت لحدوث فرق الجهد المطلوب
طب و ايه يعني .. ماهو ده الطبيعي ؟!

بعد فترة من شغل البوجيه بيبتدي يتكون عليه رواسب و كربون بتخلي احيانا فرق الجهد المطلوب لخروج الشرارة اعلي ( و احيانا لا نهائي لوجود زيت مثلا فمبتخرجش شرارة خالص )

البوجيه التلاتة شمعة بيخلي ( بعد فترة ) الشرارة تخرج من اي شمعة في التلاتة يحصل فيها فرق الجهد المناسب في اسرع وقت و ايضا لو خرجت الشرارة من شمعات مختلفة فده بيطول عمر البوجيه

اما السبليت فاير و السبارك وايرز .. ( السيستم الكامل مش البوجيهات بس ) فدي بتعلي فرق الجهد ليقوم اي معاوقة و يخرج في وقته

جدير بالذكر ان الأداء مرتبط بأن يكون الاحتراق في توقيت معين و اذا تأخر ( او تقدم ) يحدث ضياع في القدرة

اتمني اكون قدرت اوضح