استفسار ضرورى جدا جدا لأهل الخبرةةةةة .. العربية مش بتدور.

مساء الخير رجالة بروتون .
ايه الاخبار .... يا رب كله كويس .


العربية يا جماعة كانت امبارح عادية جدا , مفهاش اى مشكلة خالص ..
انهاردة نازل ادورها لقيتها مش بتدور ...
مفيش صوت للمارش خااااالص , و فى تكتكة و انا بدور و مع التكتكة لمبة الحزام بتنور و تطفى .
لكن الكاسيت شغال و الكالاكس شغال . و حاجة كمان لاحظتها وانا بقفلها , الريموت مش بيعمل صوت وهى يتقفل و بتفتح.
دا الموقف اللى حصل بالظبط
بعض المعلومات عن العربية : هى 2010 مانوال عاملة 38 الف كم بقاها سنة و عشر شهور .
يا ريت , اصحاب الخبرة لة حد يعرف ايه ممكن يكون سبب المشكلة و ايه الحل .

و شكرا جدا .

البطارية ان شاء الله

اقتباس:

---

المشاركة الأصلية كتبت بواسطة eng f3lix

البطارية ان شاء الله

---

+111111

ده عيب بطارية

اشترى كابل وصله ( هتلاقيه عند كارفور ) و صل بطاريتك مع بطارية عربية تانية الموجب مع الموجب و السالب مع السالب

و انشاء الله العربية تدور اطلع على التوكيل و صمم على تغيير البطارية لو العربية فى الضمان

مليون فلمية بطارية
البطارية ضمانها سنة او 20000
و كدة عاشت معاك كويس
اللى هتعمله تقومها بوصلة من عربية تانية
و بعدين تروح لحد بتاع بطاريات قولى قيسلى البطارية و المارش و كدة لو كله تمام يبقى عايزة تتشحن بس لو لا يبقى هتتغير
انا لسة من تلت ايام حصل معاية ده عشان اختى سابت النور والع و رحت عملت الكلام ده و متغيرتش الحمد لله كان شحن بس و هى بتتحط على جهاز الشحن لحد ما يفصل هوا
وان شاء الله متقلقش خير

يا رجاااااااااااااااالة بروتون .....

متشكر جدا جدا جدا جدا جدا جدا جدا جدا جدا
طلعت البطارية فعلا , و غيرتها و بقت تماااام التمام

و الف الف شكر .

الحمد لله ........ بسيطة يا أستاذ مارك .
هي دي البطارية الأولى ( الفابركية ) من 2008 ؟

اقتباس:

---

المشاركة الأصلية كتبت بواسطة tarek gen 2

مليون فلمية بطارية
البطارية ضمانها سنة او 20000
و كدة عاشت معاك كويس
اللى هتعمله تقومها بوصلة من عربية تانية
و بعدين تروح لحد بتاع بطاريات قولى قيسلى البطارية و المارش و كدة لو كله تمام يبقى عايزة تتشحن بس لو لا يبقى هتتغير
انا لسة من تلت ايام حصل معاية ده عشان اختى سابت النور والع و رحت عملت الكلام ده و متغيرتش الحمد لله كان شحن بس و هى بتتحط على جهاز الشحن لحد ما يفصل هوا
وان شاء الله متقلقش خير

---

طارق باشا مش ضمان البطارية سنتين ؟ متهيالى سنة قليل

ان دورت فى كتاب الضمان على فترة ضمان البطارية بس مشى لاقى حاجة ؟

و الكاوتش داخل فى الضمان ؟

اقتباس:

---

المشاركة الأصلية كتبت بواسطة tamerosman

طارق باشا مش ضمان البطارية سنتين ؟ متهيالى سنة قليل

ان دورت فى كتاب الضمان على فترة ضمان البطارية بس مشى لاقى حاجة ؟

و الكاوتش داخل فى الضمان ؟

---

الكاوتش مش في الضمان ولا هوه ولا صاج العربيه

كل اللي في الضمان الموتور و الكهرباء

انا البطارية عندي بااااااظت بعد سنة و4 ايام بالظبط وغيرتها على حسابي للاسف

اقتباس:

---

المشاركة الأصلية كتبت بواسطة tutankhamoun

الحمد لله ........ بسيطة يا أستاذ مارك .
هي دي البطارية الأولى ( الفابركية ) من 2008 ؟

---

هى يا باشا الفابريكا بس 2010

اقتباس:

---

المشاركة الأصلية كتبت بواسطة tamerosman

طارق باشا مش ضمان البطارية سنتين ؟ متهيالى سنة قليل

ان دورت فى كتاب الضمان على فترة ضمان البطارية بس مشى لاقى حاجة ؟

و الكاوتش داخل فى الضمان ؟

---

سنة واحدة يا باشا او 20000 ايهما اقرب

الكاوتش معلوش ضمان ولا هو ولا اية جلود فى العربية او اكاوتش زى الكساحات او كاوتش البيبان او اى حاجة تانية

انا مش فاهم يعني ايه الضمان غير شامل الحاجات دي ؟! ، وهو احنا شارين العربية على بعضها ولا الماتور والكهرباء بس وباقي العربية إحنا اللى جايبينها ؟!

اقتباس:

---

المشاركة الأصلية كتبت بواسطة defender

انا مش فاهم يعني ايه الضمان غير شامل الحاجات دي ؟! ، وهو احنا شارين العربية على بعضها ولا الماتور والكهرباء بس وباقي العربية إحنا اللى جايبينها ؟!

---

يا باشا الحاجات ديه مستهلكات و بعدين الكلام ده مش في بروتون بس في اي عربيه تانيه يعني مثلا لو انت ماشي دخلت بالعربيه لقدر الله في حاجه هتروح تقولهم صلحوهالي في الضمان او وانت ماشي الكاوتش دخل في مسمار او اتقطع هتقولوا ده في الضمان طبعا مينفعش

لا انا بتكلم فى حالة ان مليش دخل فى العطل ، يعني كمثال ، اوكرة اتكسرت بعد اسبوع من استلام العربية ، بطارية باظت قبل سنه ، اى حاجه انا مليش دخل فيها ، وزي لما تدفع ثمن كويلة بسبب عطل فى الباور فى عربية زيرو مكملتش 5000 كيلو ؟!
مش ممكن يعني تبقي العربية متازة واكثر من ممتازة كمان والتوكيل يجي على شوية حاجات هايفة ويقولك بوسة كبيرة ، حضن كبير ، انت مش معانا :d .

حوار الاوكره ده مش تبع الضمان هوه اش ضمنوا ان اللي بيفتحها مشدهاش جامد انما البطاريه اللي بتبوظ قبل سنه ديه تتغير في الضمان اما بالنسبه لموضوع الكوليه ده المفروض حضرتك مكنتش دفعت من اساسو و تقولوا ديه في الضمان يا اما بقي يجبلك اثبات من الكتيب ان الكوليه ده اساسا مش تبع الضمان ده غير انوا عملوا و غيروا من غير ما يقولك ده بايظ و هيتغير علي حسابك يعني من الاخر بيدبسك زي ما عملوا معايا يوم ما روحت اغير فيوز كان اتحرق المفروض انو في الضمان خلاني ادفع حقوا و اخدوا 50 جنيه و اضطريت اني ادفع بس قولتلهم المفروض تقولولي و تاني مره انا مش هجيب العربيه هنا تاني لو فيها فيوز محروق و هعملوا انا برا ده الفيوز كلوا بجنيه ولا حاجه استهبال بعيد عنك بس اللي بيتدلع من حاجه مش بيقربلها تاني

المفروض ان اى عربية محترمة الصاج بتاعها يكون عليه ضمان ضد البارومة و اى عيوب فى البوية يعنى انا لو جبت العربية و بعد شهرين البوية قشرت او الصاج ضر ب فيه بارومة اعمل ايه ؟

ثانيا بالنسبة لقصة الفيوز ابو 50 جنيه دى نكتة لو مكانك كنتخلتهم يفكو الفيوز بتاعهم ابو 50 جنيه و روح هات الفيوز ابو جنيه من بره

بالنسبه للصاج فعلا عليه ضمان ضد التقشير و البارومه انما مش ضد الحوادث