غاليه جدا جدا جدا
عرض للطباعة
أكيد طبعا غالية ... وكل لما اقوله كدا ... يقول لى هيجى زبونها ... ومش عايز ينزل ولا جنيه ... اصله بيستخدمها حوالى 3 شهور فى السنة والباقى مركونة ....
وك>ا واحد حب يخلصها على 80 وهو مرضاش ... وماسك فى الالفين الزيادة دول ....
وبردوا اكيد حد بيفهم وغاوى وهياخدها .... والحاجات دى نادرة ...
من تلات سنين كان ممكن تلاقى حالات كويسة كتير ... لكن دلوقتى الناس عرفت انها محترمة وبتدور عليها اككتر من الشكل اللى بعده .. ده بالنسبة للفاهم ....
لكن اى حد بيدور على الشكل وحاجة جديدة .... هياخد ما بعد الموديل ده ...
العفو يا فندم
إن شاء الله تلاقي عربيه حالتها نضيفه
العربيه هاتلاقيها فابريكه و بدون خدوش و هاي لاين و إستعمال (التليين) يعني الـ50 ألف كانو مجرد تليين و دلع للعربيه
لكن الصراحه سعرها غالي
ممكن لو في حد غاويها هايشتريها لكن هاينزل من السعر شويه حلوين
انا فعلا بعشق بعشق الشيب دة من الالنترا وبحترمها جدا فعلا عربية جديرة الحترام
بصراحة انا ناوى اطلع من انوبيرا اللى معايا واجيب النترا 2006 مع ان النوبيرا مريحاانى جدا وصينانى وانا صاينها واللى هياخدها منى يارب يواظب على صيانتها ويراعيها ...... عشان كد عايز عربية تكون بنت ناس محترمة من الاخر عربية بيت مش متهانة او حاجة خليجى او اوروبى تكون جاية معاقين وخلصانة وحد بيبيع بجد نفسى فى النقلة دى لأنى حاسس هى دى العربية اللى هتريحنى بعد النوبيرا وانا بحب اركب العربيات السيدان من النوع دة الواطية على الارض كمان فى قعدتها ومرتحلها عن الصنى و الكورولا الشيب اللى قبل الاخير و الa4 مع الوالد والماتريكس مش هتكيفنى عكس ركوبتى والاوبترا مخرجتش كتير عن النوبيرا الجيل الجديد بتاعها طبعا بتكلم فى الاستعمال لأن مرحلة اكمل بالى معايا واجيب زيرو لسة شوية عندى اولويات اهم بكتييير مع احترامى للعربيات دى ومالكها كلها عربيات ثابتة جدارة بس كل واحد وبيحب ركوبة معينة
ادعولى ربنا يرزقنى ويوسع عاليا واقتنى العربية دى . وربنا يتقبل منكم صيامكم
وكل عام وانت بخير والامة الاسلامية بخير
ورمضان كريم
عموما العربيه كانت معايا تحفه التحف وفعلا مالهاش حل انا قلبي لسه واجعني اني بعتها
وعارف اني لما اقفش فلوس هنزل اشتري وحده زييها بس ساعتها مش هيبقى فيه نضيف منها
وبالنسبه لاستهلاك البنزين تكشف كمبيوتر في التوكيل ب 50 جنيه يطلعلك اي حساس بايز او الرشاشات والمشكله تنتهي
جوه المدينه للاوتوماتك بتعمل 160 كيلو في الصفيحه اقل واجب ده لو زحمه مووت وتكييف الطبيعي بتاعها 180 كيلو
على الطريق تحفه لو مش ماشي بسرعه رجعت من اسكندريه الطريق كله 90 او 100 عملت 10 لتر في 200 كيلو طبعا رقم ممتاز وبدون تكييف
كل الازمه في العربيه دي ان غبور بيه الامور نزل الالنترا الجديده بدون اي اعلانات عنها ف الناس اتصدمت في فرق الشكل الكبير من برا ومن جوه والامور طبعا كان لسه عنده نظام الاستبدال وناس كتير استبدلت بالجديد وراح مصدر العربيات اللي اخدها لدوله افريقيه عشان كده العربيه نادره مع انها كانت مرطرطه في الشوارع
والله انا لسه فاكر كنت بنزل السوق وقت ما الشكل الجديد 2006 نزل كانت الناس بتبيع الشكل القديم برضو 2006 بكلام فارغ كانت مانيوال اخرها 73 الف وعربيه ايه كسر زيرو ماكملتش شهرين وتمنها كان 91 الف والجديده برضو وقتها كانت ب 91 الف وغليت بعدها
والفتره من 2004 ل 2006 كان فعلا في ناس بالهبل بتشتري عربيات لانه وقتها كان لسه نازل تخفيض الجمارك
هناك فرق بين من بيبع بحفاوة ، ومن بيبع غناااااوة
يا جماعة انا معايا العربية دى وممتازة وبالنسبة لاستهلاك البنزين كويس خالص والحمد لله معايا
وبجد تحفة فنية العربية دى بجد مش لاقى فيها غلطة باستثناء الايرباج و abs كان لازم يبقى فيها
انا كان عندى النترا 2005 خليجى ركبتها 5 سنين و بعتها فى 2010
المميزات
حمالة اسية و اعتمادية جدا
تكييف ممتاز
ثبات جيد
استهلاك بنزين كويس مع التكييف و الزحمة
صاجها جامد و عفشتها قوية التحمل
العيوب
متورها مش ناعم
فراملها مش قوى
التابلوه شكله قديم
واطية