المشاركة الأصلية كتبت بواسطة hossam99
أنا قولت لحضرتك أكشف في مكان يكون فيه جهاز حديث و برامجه حديثه
و أنسب مكان هو التوكيل
الفلوس اللي هايخدها التوكيل كشف و تصليح هاتوفر علينا إستهلاك ملوش داعي و هاتوفر علينا المخاطر الجانبيه للإستهلاك
و علي العموم حضرتك عايز تعرف العيب هو أيه هو عيب يا إما حساس ماب (بيدي إشاره غلط للكنترول و يقوله في كمية هوا كبيره داخله علي عكس الواقع و بالتالي الكنترول يدي أمر بضخ بنزين زياده )
أو تكون الرشاشات بتضخ زياده عن ما هو مطلوب
و الأتنين أمرهم سهل
لكن الكشف أولا
استاذ حسام احب اقول لحضرتك انى حطيت العربيه على الجهاز جي سكان فى مركز خدمة البرقان فى ش العريش والعربيه الحمد لله مش مسجله اى فولتات عن اى حساس وحتى كشف على امر الكنترول للرشاشات تحليلى لقها فى المعدل الطبيعى بتاعها وغير كدا قبلها انا كنت داخل عليها بجهاز لانش وكانت كل الحساسات والحمد لله فى النورمال بتاعها والأغرب ان معدل الأستهلاك فى السفر مع وجود حمل 3 اشخاص بالغين وطفلين وشنطه محمله
270 كم فى الصفيحه مع متوسط سرعه 100 -90 فدا ميخليكش حتى تشك ان الرشاشات فيها حاجه اخر حاجه فاضلالى اعملها انى احط الرشاشات على جهاز تنضيف واشوف هل هيبقى فى فرق ولا لأ بس كل سنه وانت طيب رمضان بقى ومفيش وقت للعربيه خالص بعد العيد ان شاء الله هكشف على الموضوع ده واشوف الدنيا فيها ايه
العربيه إستهلاكها جميل جدا و اللي عند أستاذي m.mostafa مجرد مشكلة عابره و سيتم حلها إن شاء الله