فكرة للقضاء علي سرقة السيارات

**osam173** · 06-08-2011 01:19 PM

السلام عليكم ورحمة الله وبركاته

لدي فكرة جميلة جداا عن طريقها نقدر نقبض علي العربيات المسروقة ببساطة شديده فكرة الجهاز

طبعا في مداخل ومخارج كل محافظة يوجد الكارته حنركب فيها سيستم عبارة عن كاميرا مراقبة مهمتها تلتقط نمرة كل عربية تدخل او تخرج من المدينة وتبعت نمرة العربية لقاعدة بيانات مسجل فيها كل العرببيات المبلغ بسرقتها وفي حالة تطابق نمرة السيارة مع نمرة مسجل انها مسروقةفي انذار يطلع فالكمين اللي موجود في الكارته يقفش العربية
واذا كانت العربية في الامان مش حيطلع اي انذار غير انه بيانتها حتتسجل انها طلعت من الكارته دي الساعه كذا بيحث لو حد بلغ عنها يعرف خط سير العربية وهل طلعت برة المحافظة ولا لا

ودي كمان نفس الفكرة بس بشكل مصغر انه يبقي مع ظابط المرور جهاز مزود بكاميرا يلتقط صورة لنمرة اي عربية مركونة ويعرف في ثواني انها مسروقة ولا لا

البرنامج سهل جداا تصميمه و بتعم عمل برمجته باستخدام البرامج البرمجة زي المات لاب اللي حيقوم بتحليل الصورة اللي حتلتقطها الكاميرا ويحولها الي ارقان تتخزن في قاعده البيانات

ولو الفكرة كويسة ممكن تتعمم وتتحط الكاميرات بدل مداخل المدن فقط تبقي في اشارات المرور ويبقي اسهل في تعقب السيارة المسروقة

مع تحياتي

م / اسامة

**ahmedhawas** · 06-08-2011 01:46 PM

فكرة ممتازة وبسيطة ، ياريت يطبقوها.

**engaass** · 06-08-2011 02:04 PM

فكرة رائعة

**SASA3** · 06-08-2011 02:11 PM

الحكايه ده مطبقه فعلا فى بعض الدول
و الشريك الى فى النص بتاع اللوح عليه البيانات بتاعة العربيه
كان بيبقا موجود على الازاز فى النص فوق عند الحته الى متثبت عليها المرايه و جهاز بيمسح العربيات اول ما تيجى العربيه يلقط الكود بتاعها و يبعتها للجنه الى جايه مثلا

**Nanona2011** · 06-08-2011 07:06 PM

فكرة عبقرية وتستحق الاحترام
بس ايه الخطوات الفعلية لتنفيذها يا جماعة . هل في حد متطوع انه يتكلم رسميا مع ادارة المرور؟
انا عندي اقتراخ وهو ان اكيد في المنتدى ده في ناس من محافظات مختلفة لو كل واحد يبلغ ادارة المرور ففي محافظته ويطلب من صحابه هم كمان انهم يطالبو بده لما يلاقو ناس كتير من كل محافظة بتطالب اكيد هينفذوا لما يحسو بمعاناة كبيرة من ناس بتتسرق او خايفين تتسرق عربياتتهم و كل واحد يبلغ يعمل موضوع ويقول الي حصل ويبلغنا عشان نشجع بعض

ولو في حد عنده فكرة عن تصميم البرنامج
الفكرة المبئية هي كاميرا عالية الجودة تلتقط ارقام اللوحات المعدنية وتتحط على مدخل كل محافظة بس تكون محورية 360 درجة دوران حوالين كل عربية بتدخل وتنقل الصور لكمبيوتر التابع لادارة المرور وكل ادارة فيها كمبيوتر دلوقتي
وعلى فكرة مش موضوع مكلف لو اتطبق فعليا

**MOUSTAFA_SAAD** · 06-08-2011 07:24 PM

مين اللى قال ان فى كل مداخل ومخارج محافظه كارته
وبعدين العربياتلا المسروقه بتطلع على ورش فى الصحراوى تتقطع هناك
واكيد الداخليه عارفه الورش دية بس مطنشه وخايفين يوصللولهم

**mado83** · 25-08-2011 11:23 AM

المشكله ان اللى هيحصل كتالى
سعادتك وانت مسافر انت والاولاد هتبص تلاقى فجأه الكمين بيجرى وراك
ايه ياعم فيه ايه
الظابط / العربيه دى بتاعتك
انته/ اه ياعم والله
والرخصه اهى
الظابط/ انزل
انته/هتنزل وهتنزل العيال وهتتبهدل
الظابط/ممكن يحجزك انته والعربيه لحد لما يبانلك صاحب
والاخر يقولك معلش اتفضل اصل الجهاز كان بايظ او بيخرف
هذا حال اجهزه المراقبه وكل الاجهزه فى مصرنا العزيزه