عرض للطباعة
خلاص انا نويت امون بنزين 80 بس انا لغايه دلوقتي بستعمل بنزين 90 بس عندنا في القليوبيه مش موجود و يا ريت لو عضو يتكرم و يقولنا للي بيفكر يمون 80 اي محطات بنزين متوفره فيه في القاهره و يا ريت لو في مدينه نصر لاني كتير بكون هناك
و بعدين هو هيتلغي البنزين 80 ولاا هيفضل وجوده بس ضعيف في المحطات
هو انا قلت حاجه غلط
لأ تلاقي الناس بس زهقت من الكلام عن البنزين ونفسها مسدودة عن الكلام في الموضوع ده دلوقتي
كلنا زهقنا مش عارف اما احنا بنعمل كده طيب اللي بيكافح عشان ياكل يعمل ايه
حتى الان البنزينات اللى دخلتهم لم اجد فيهم بنزين 80 على الاطلاق
لاكن هو موجود بس فين الله اعلم
بالنسبة هو هيتلغى ولا لا
انا توقعت قبل كده ان البنزين 80 هيتلقى مش دلوقتى طبعا
وقولت الاسباب ون اهمها ان مش هيبقا فى سيارات تستعملو
توضيح ده مجرد توقع ( تنبؤ ) مش اكتر
بص يا باشا انا ممكن افيدك فى بعض المحطات اللى موجودة فى الجيزة لكن بصراحة انا معرفش حاجة فى مدينة نصر هو بعد ما البنزين غلى اول مره بقى قليل بينزل فى محطات معينة و فى اوقات معينة فكان مش سهل تلاقيه بس كان ممكن لو ظبط نفسك على المواعيد اللى بيينزل فيها فى المحطات لكن بعد الزيادة الاخيرة لو فضل حتى ينزل بنفس الكميات القليلة اللى بينزل بيها و- مقلش او اتسحب نهائى -بيتهأيلى هيبقى صعب قوى تلاقيها لان فى الناس كتير هتتجه لاستخدامه يعنى اللى الزيادة المرة اللى فات ما قدرتش تجبره يستعمله اديها هترغمه المرة ديه....انا عن نفسى بفكر لو ملاقيتش 80 بعد كده اجيب لتر واحد 95 و اولع فيه العربية و البنزينة و اخلص ...على العموم لو حبيت تعرف بعض المحطات اللى ف الجيزة قوللى و انا اسألك عليهم بالظبط.
محطة التعاون اللي عند بعد موقف اتوبيسات الحي
السابع عند مركز صيانة الشرطة- مدينة نصر.
محطة التعاون اللي في شارع إبن سندر في كوبري القيه على اليمين قبل الششنجي بحوالي 200 متر فيها بنزين 80.
المحطات الحكومية عموماً، وبيكون موجود الصبح بدري
وبيخلص بسرعة من المحطات!!
شكرا يا رجاله علم و جاري التنفيذ
محطة التعاون في ميدان حلمية الزيتون موجود فيها 80 باستمرار
المشكله مش ان البنزين 80 مش موجود ..بل علي العكس كميات كبيره منه بترسل للمحطات ولكنه بيختفي...عارفين بيختفي فين ؟؟ في تانك الـ 92
الكميه الي بتروح المحطه نصفها بيتم تفريغه في تانك الـ 92 عشان فرق السعر الرهيب و طبعاً ده مخالف للقانون و الي بيتمسك بيروح في داهية والكلام ده طبعاً بشكل عام مش كل المحطات بتعمل كده
ولكن إحتياطياً ...انصح الكل بعدم التموين من محطات يوجد بها طلمبات 80
80 موجود في بنزينه التعاون في شارع المنيل بس بيكون عليه طوابير طويله بالذات من التكسيات يعني مون قبل مشوارك بساعتين على الاقل :cool:
انت متأكد يا باشا؟؟؟؟؟؟؟ الكلام ده خطير جداااااااااااقتباس:
Khalid_Mostafa http://www.nilemotors.net/Nile/image...er_offline.gif
Senior Member
المشكله مش ان البنزين 80 مش موجود ..بل علي العكس كميات كبيره منه بترسل للمحطات ولكنه بيختفي...عارفين بيختفي فين ؟؟ في تانك الـ 92
الكميه الي بتروح المحطه نصفها بيتم تفريغه في تانك الـ 92 عشان فرق السعر الرهيب و طبعاً ده مخالف للقانون و الي بيتمسك بيروح في داهية والكلام ده طبعاً بشكل عام مش كل المحطات بتعمل كده
ولكن إحتياطياً ...انصح الكل بعدم التموين من محطات يوجد بها طلمبات 80
المشكلة لازم يبقى موجود علشان الموتوسكلات وطلمبات المياة والرش انتو نسيتو ولا اية الحاجات دى ماينفعش معاها الا بنزين 80
- التعاون اللى فى المطار
- التعاون اللى قدام عمارات العبور
- تعاون المقطم
- موبيل المقطم
دول اللى متأكد ان عندهم 80