تجربة الصني بعد 3000 كيلو

**Sehsss** · 06-08-2011 05:46 PM

بسم الله الرحمن الرحيم
دي تجربتي لقيادة النيسان صني ex صالون مانيوال بدون إي بي إس

أولا: المميزات..
ــــــــــــــــــــــــ
ثبات عالي على السرعات العالية وفي المنحنيات الخطرة لدرجة إني أخد بيها ملف على 120 وأنا مش حاسس وتاخد غرز على أي سرعات زي ما انت عاوز.. سحب ممتاز وطلعة رياضية (طبعا علشان مانيوال) وتجميع هايل على كل السرعات.. الباور تقيل شوية بس دا ممتاز على السرعات وبيدي إحساس بالأمان.. فرامل ممتازة مع العلم إني ما عنديش إي بي إس.. تكييف ممتاااااااااااز.. الفتيس المانيول مريح في نقلاته والدبرياج مريح أيضا.. التقفيل جيد.. الكراسي ناشفة شوية بس أنا حاسس إنها ميزة (بحس إني ثابت في مكاني).

ثانيا: العيوب
ـــــــــــــــــــ
العفشة ناشفة شوية (أحيانا لما باخد مطب جامد شوية بلاقيها تنط نطة بسيطة .. بس دا في صالح الثبات الممتاز) الكنبة اللي ورا ضيقة (أنا طويل وضخم فمينفعش حد يقعد ورايا) .. الدراع اللي بيتفتح منع الكبوت واطي طريقة غريبة تقطم الظهر

## أعتقد إن العيوب بسيطة .. والسيارة فعلا رائعة بكل المقاييس .. وشكرا

**Youssef.Awad** · 07-08-2011 12:33 AM

ربنا يباركلك فيها وكلامك صحيح 100%

**goudamahdy** · 07-08-2011 01:04 AM

ربنا يبارك لك فيها يا باشا ....

وتقريرك جميل .....بس يا ريت تفاصيل أكتر شوية .... أنا معايا الأي بي اس منها .... ماشاء الله جباااااااااارة....

**SonaSteel** · 07-08-2011 12:41 PM

ربنا يبارك لك فيها ويرزقك خيرها ويكفيك شرها
وتتمتع بيها في النيا وتكون سبب لرضا الله عز وجل عنك في الاخرة :))

**Sehsss** · 07-08-2011 02:32 PM

شكرا يا أجمل صقور

**FBIAhmed** · 07-08-2011 02:47 PM

الباور مش تقيل خالص انا شايفه معقول

**Sehsss** · 07-08-2011 05:27 PM

أنا مقولتش إنه تقيل .. أنا قولت تقيل شوية .. ودا حقيقي لأنه زيت مش كهرباء زي النيو إلنترا اللي مش بيفصل .. ولو تلاحظ أنا حطيته في المميزات مش في العيوب علشان لو الباور خفيف وانت واقف بيبقى كارثة وانت ماشي على السرعات