المشاركة الأصلية كتبت بواسطة المناور
بالمناسبة الاسبراى ده لما بيجى فى العين بيبقى بشع للغاية ، أنا لا يمكن انسى يوم ما اترش عليا أنا وواحد صاحبى ساعتها كنا صغيرين وروحنا نستقبل المنتخب فى المطار وكان بيأمنهم بتوع الامن المركزى المهم حصل شوية هرج ومرج أدى إلى ان الامن المركزى يبتدى يرش الاسبراى ده على الناس بشكل عشوائى وعلى حظى كان فيه واحد واقف قدامى وقدامه عسكرى امن مركزى أول ما لقيت العسكرى بيرفع ايده وحايرش من البتاع ده روحت حاطط ايدى على وشى واديتله ضهرى وهاتك يا فكيك ، أنا عايز اقولك مجرد انى شميت ريحة البتاع ده جالى ضيق تنفس وعينى عمالة تدمع وحرقان فى العين شنيع لمدة 10 دقائق وأنا كده الاسبراى يعتبر مالمسنيش ، الواد اللى كان واقف قدامى بقى لبس الرزاز كله فى عينيه مش عايز اقلك على اللى حصله الواد مسح الاسفلت من اوله لاخره من الالم وكان بيصرخ كان حد بيعذب فيه .
وبرضو أيام الثورة لما كانوا بيضربوا الغاز المسيل للدموع ليه نفس التأثير بس أنا اعتقد ان الاسبراى تأثيره اقوى بكتير من الغاز