ايهما افضل لحلق فروة الراس ماكينه براون ep100 ام موزر الالمانى

اشكر الله ن اجل هذا الموقع
الاخوه الاعزاء

كل عام و انتم طيبون

اريد ان استفسر منكم اى ماكينه حلاقه هى الافضل لحلق فروة الراس

ماكينه براون ep100 ام موزر الالمانى

و لدى استفسار عن مكاينه بروان
هل فى ماكينه براون ep100 هل الشفره المعدنيه بتاعتها هى بنظام الموس ام المقص ؟؟
هل يمكن غسيل تلك الشفرة المعدنية ام لا ؟؟

و لدى استفسار عن ماكينه موزر الالمانى
هل الشفرة المعدنيه بتاعة موزر يمكن غسيلها بالماء ام لا ؟؟
و هل لهذه الماكينه موزر فى مصر لها نوع يشحن بالكهرباء مثل بروان ام دائما ما تكون بالكهرباء
انا اعرف ان لها نوعان نوع ب 135 و نوع اخر سعره الضعف
ولكن هل يوجد نوع بيتشحن ؟؟

ياريت الافاده و الرد عن هذه الاسئله مع الشكر مقدما

منتظرين الافادة

الموزر ولا بتتغسل ولا بتتشحن بس حمارة شغل
البراون ماعرفش عنها حاجة

السلام عليكم و رحمة الله و بركاته

أنا ماعرفش حاجة عن البراون, و أن فيها مكنة لفروة الرأس, أنا أعرف أن منها ماكينات لحلاقة الذقن.

اللى أعرفه أن الmoser الألمانى دى ممتازة و فعلا حمالة أسية و أنا كنت هشترى واحدة بس أختى جابتلى واحدة uster أميركانى, فقلت, خير و أوفر القرشين لحاجة تانية .

روح كارفور اوسبينس هتلاقى انواع كتير جدا
وهتلاقى الانواع اللى بتشتغل كهرباء او شحن
وكمان هتلاقى انواع الشفره بتاعتها سيراميك ومطليه تيتانيوم
المشكله هتكون فى الاسعار غالبا ارخص حاجه هتكون فوق ال 250 جنيه

انا كنت داخل اتريق على كلمه فروه الرأس
بس يلا حصل خير
هههههههههههههههه

هات الموزر كويسه
وناس كتير قالت عنها كلام كويس
انا معايا واحده صيني
ب 30 جنيه
قلت لما تبوظ حجيب الموزر
بقالها بتاع 3 سنين مش راضيه تبوظ بنت اللذينا

بلاش البراون مش هتعمل اللي انت عايزه كمان مكملتش عندي 3 شهور وباظت

اقتباس:

---

المشاركة الأصلية كتبت بواسطة zago

انا كنت داخل اتريق على كلمه فروه الرأس
بس يلا حصل خير
هههههههههههههههه

هات الموزر كويسه
وناس كتير قالت عنها كلام كويس
انا معايا واحده صيني
ب 30 جنيه
قلت لما تبوظ حجيب الموزر
بقالها بتاع 3 سنين مش راضيه تبوظ بنت اللذينا

---

الصينى انت وحظك ممكن تقعد معاك كتير وممكن من اول او تانى مره ترميها
انا عندى واحده صينى بتشتغل على كهرباء 110 فولت ومعاها محول علشان يحول الكهرباء
الى 220 فولت --ممتازه -- بس للتهذيب - يعنى باحلق باى مكنه اخرى وارجع اساوى بيها
وبالذات لانى شفرتها العلويه نحاس ولما بستخدمها من غير المشط مباشره مش بتعورنى
كل ده وكانت فىحدود ال 70 او ال75 جنيه وجوه شنطه كويسه
وحاليا بسال عليها ومش لاقيها

الموزر ممتازه
انا جايبها من سنتين وسعرها كويس 150 جنيه
وبسيطه في استخدامها
مافيهاش تعقيد

الموزر ممتازه انا جايبها من اربعة سنوات وشغاله زى ؟ هى كويسه

صاحب الموضوع ( حلقلنا ) هههههههههه

الاخوة الاعزاء لمن لا يعرف صورة برزان EP100 فهذه صورتها
http://www.braun.com/medialib/images...tage-beard.jpg

اقتباس:

---

مقتبس من HAMZAWY
الموزر ولا بتتغسل ولا بتتشحن بس حمارة شغل
البراون ماعرفش عنها حاجة

---

ما احنا عاوزين يا اخ حمزاوى نعرف مين فيهم الاصلح و الافضل و الاقوى

اقتباس:

---

مقتبس من MASERATI

السلام عليكم و رحمة الله و بركاته

أنا ماعرفش حاجة عن البراون, و أن فيها مكنة لفروة الرأس, أنا أعرف أن منها ماكينات لحلاقة الذقن.

اللى أعرفه أن الmoser الألمانى دى ممتازة و فعلا حمالة أسية و أنا كنت هشترى واحدة بس أختى جابتلى واحدة uster أميركانى, فقلت, خير و أوفر القرشين لحاجة تانية .

---

شكرا لمرورك اخى الكريم و لكن ماكينه براون فىة هذا الطراز انا سالت كذا بايع قال لى انها لفروة الراس و الذقن عشان ليها عده مستويات
ولكن المشكله ان كل بايع يشكر فى منتجه
مثال بائع عنده موزر يقولك ان دى افضل من بروان
و بائع اخر عنده براون يقولك ان بروان مفيش احسن منها
و الواحد مشعارف ياخذ بكلام مين عشان كده قولت استشيركم و تعم الفائده للجميع
متشكر لمرورك

اقتباس:

---

مقتبس من abokoko

روح كارفور اوسبينس هتلاقى انواع كتير جدا
وهتلاقى الانواع اللى بتشتغل كهرباء او شحن
وكمان هتلاقى انواع الشفره بتاعتها سيراميك ومطليه تيتانيوم
المشكله هتكون فى الاسعار غالبا ارخص حاجه هتكون فوق ال 250 جنيه

---

يا ابو كوكو مش مشكله مبن اللى هيبيع او فين هتتباع عشان دا معروف و بيكون فى العتبه و بابا اللوق و محلات الاجهزه الكهرابئيبه و محلات لوازم الحلاقه
ولكن المشكله مين اللى الافضل فيهم مين اللى هتستحمل اكتر من التانيه ,و مين اللى مش بدشد الشعر و ووووو الخ بروان ام موزر

اقتباس:

---

مقتبس من Zago
انا كنت داخل اتريق على كلمه فروه الرأس
بس يلا حصل خير
هههههههههههههههه

هات الموزر كويسه
وناس كتير قالت عنها كلام كويس
انا معايا واحده صيني
ب 30 جنيه
قلت لما تبوظ حجيب الموزر
بقالها بتاع 3 سنين مش راضيه تبوظ بنت اللذينا

---

يا اخ زاكو الصينى الرخيص حرام تدفع فيه فلوس لانه مش هيعمل حاجه بالعكس الغالى و الاصلى ثمنه فيه و بيعيش

اقتباس:

---

مقتبس من eng f3lix
بلاش البراون مش هتعمل اللي انت عايزه كمان مكملتش عندي 3 شهور وباظت

---

ايوه جينا فى الجوهر السؤال
ياريت توضح اكتر ما هو الطراز بروان اللى باظ منك و ما سبب بوظانه هل اتى عليه الماء ام ماذا ياريت الافاده عشان الكل يستفيد و شكرا لمرورك

اقتباس:

---

مقتبس من hugan
الموزر ممتازه
انا جايبها من سنتين وسعرها كويس 150 جنيه
وبسيطه في استخدامها
مافيهاش تعقيد

---

اقتباس:

---

مقتبس من mahgary
لموزر ممتازه انا جايبها من اربعة سنوات وشغاله زى ؟ هى كويسه

---

ماش ممتازه و لكن ماذا عن منتج برازن هل هو ايضا ممتاز ياريت الكل يشاركنا الراى هشان دا يبقى مقارنه بين اهم منتيجن و الزائر و القارء هو اللى يختار و بالتالى تعم الفائده للكل

الموزر ممتازة وبتتغسل بس بعد فك الشفرة ولكن هتتعب على ما تلاقي امشاط ليها لأنها بتيجي بمشط واحد نمرة واحد

الماكينة اللي في الصورة انا اشتريت شبهها الباناسونيك الياباني

المكنة روحها في القفص البلاستيك ده ولو اتكسر يبقى كل سنة وانت طيب ..

المكنة وهي بتقص في الشعر وهي على البطارية تحس انها بتجعر والموتور تتناقص سرعته طول ماهو ماشي يقص وتزيد سرعته لما ترفعه من راسك - ارجو ان اكون وضحت - ... بعكس الموسر مش فارقه معاه انهائي

بتتغسل مباشرة تحت الماء بدون فك او تركيب بعكس الموزر

اقتباس:

---

المشاركة الأصلية كتبت بواسطة abokoko

روح كارفور اوسبينس هتلاقى انواع كتير جدا
وهتلاقى الانواع اللى بتشتغل كهرباء او شحن
وكمان هتلاقى انواع الشفره بتاعتها سيراميك ومطليه تيتانيوم
المشكله هتكون فى الاسعار غالبا ارخص حاجه هتكون فوق ال 250 جنيه

---

ردى كان اساسه النوعيه السراميك اللى مش هتجرحك او تشد معاك اثناء الحلاقه
اما المكان انا عارف انك ممكن تشترى من اى مكان براحتك

اقتباس:

---

الموزر ممتازة وبتتغسل بس بعد فك الشفرة ولكن هتتعب على ما تلاقي امشاط ليها لأنها بتيجي بمشط واحد نمرة واحد

الماكينة اللي في الصورة انا اشتريت شبهها الباناسونيك الياباني

المكنة روحها في القفص البلاستيك ده ولو اتكسر يبقى كل سنة وانت طيب ..

المكنة وهي بتقص في الشعر وهي على البطارية تحس انها بتجعر والموتور تتناقص سرعته طول ماهو ماشي يقص وتزيد سرعته لما ترفعه من راسك - ارجو ان اكون وضحت - ... بعكس الموسر مش فارقه معاه انهائي

بتتغسل مباشرة تحت الماء بدون فك او تركيب بعكس الموزر

---

اهلا ,, هذا كلام صيحيح ولكن انا مستغرب فقط ان حضرتك تقول ان الشفره المعدنيه التى تفك من موزر يمكن غسيلها
,, اذا كان بالماء فهذا خطر جدا لانه بكده هتصدى و تضر الى تغيرها ( والكلام دا مكتوب فى النشره بتعاتها اللى مكتوبه بكل اللغات ) و ايضا لو حصل لا قدر الله ذلك قطع غيار موزر الاصليه مش موجوده ,,

فياريت توضح اكثر ازاى بتغسلها ؟؟؟ لان انا شايف ان هذا الجزء المعدنى لو شامم رطوبة و تم تشغيل المكاينه ,, من الممكن يحدث ماس او صعقه كهربائيه لا قدر الله . فياريت التوضيح اكثر ؟؟

و سؤال اخر

هناك بعض الاخوه الخبراء بقولون ان الافضل بروان عشان ليها توكيل بعكس موزر اللى ملهاش توكيل خالص فى مصر
و هناك ما يقول ان براون دى لها سرعتان و علاوه ان بها نظام بطارية فهذا بيكون اكثر امانا للشخص

و منتظرين الافاده لكى تعم الفائده للجميع

مع الشكر لكل احد قام بالرد فى هذا الموضوع

انا عندي براون كروزر٤ شعر ودقن ممتازه وبقالها ٥ سنين تقريبا وبتشحن وممكن تشتغل تحت الميه حتي وهي متوصله في الكهربا وبتتغسل عادي كمان بس اظن انها غاليه شويه

المنتدي الاجتماعي طلع نبض الشارع فعلاااااااااااااااااااااا اااااااااا. ههههههههههههههههههههههه

لسة مكسور مني ( ظبطت المشط من الدراع الاسود اعلي من الزيرو وهي لسة واقفة. جيت اشغلها لقيت المجري اللي بيتحرك عليها المشط الاستانلس اتقطم معرفش ليه ) من يومين مكنة حلاقة moser عن عمر يناهز الخمس سنوات. شغل الله ينور . بسيطة فالتعامل.

عيبها الوحيد انها ترانس مش موتور فصوتها عالي وتسمعلها زنة الترانس تخليك مقلق وانتا ماسكها.

ناوي علي moser تاني ان شاء الله بس هجيب حاجة موديل اعلي شوية من بتاعة الحلاقين ( النبيتي ) اللي كانت عندي. اهو نوع من التغيير.

اقتباس:

---

المشاركة الأصلية كتبت بواسطة madawbs

انا عندي براون كروزر٤ شعر ودقن ممتازه وبقالها ٥ سنين تقريبا وبتشحن وممكن تشتغل تحت الميه حتي وهي متوصله في الكهربا وبتتغسل عادي كمان بس اظن انها غاليه شويه

---

براون كروزر ميزتها انها وتر بروف يعنى ضد المياه
و لكن المشكله ان براون كروزر 4 فى 1 اللى معاك مش لشعر الراس !! ازاى تبقى شعر و ملهاش درجات !!!!

ياريت توضح اكثر ازاى بتحلق بها شعر الراس ,, هل مكتوب على الارشدات الملحقه بها انها يمكن استخدامها لشعر الراس


http://www.braun.com/medialib/images...cruzer-z60.jpg

و حاجه تانيه الشفره اللى فيها نوعها ايه هل مقص ام موس ؟؟؟؟ دا سؤال هام عشان تحديد صلاحية المكنه للشعر الراس ام للذقن ؟؟؟

ياريت الافاده

اقتباس:

---

المشاركة الأصلية كتبت بواسطة mr_vampire

المنتدي الاجتماعي طلع نبض الشارع فعلاااااااااااااااااااااا اااااااااا. ههههههههههههههههههههههه

لسة مكسور مني ( ظبطت المشط من الدراع الاسود اعلي من الزيرو وهي لسة واقفة. جيت اشغلها لقيت المجري اللي بيتحرك عليها المشط الاستانلس اتقطم معرفش ليه ) من يومين مكنة حلاقة moser عن عمر يناهز الخمس سنوات. شغل الله ينور . بسيطة فالتعامل.

عيبها الوحيد انها ترانس مش موتور فصوتها عالي وتسمعلها زنة الترانس تخليك مقلق وانتا ماسكها.

ناوي علي moser تاني ان شاء الله بس هجيب حاجة موديل اعلي شوية من بتاعة الحلاقين ( النبيتي ) اللي كانت عندي. اهو نوع من التغيير.

---

التى انسكر زراعها دى موزر ام براون ياريت توضح اكثر
و بالنسبه لانواع موزر انا سالت فيه نوع ب 135 جنيه و فيه نوع تانى سعره الضعف الاثنين شكلهم واحد بس الاختلاف فى اللون بس مش عارف الفرق ايه بينهم .

و لى سؤال هل موزر يمكن غسيلها او تعقيم الراس المعدنيه التى بها ؟؟؟

اقتباس:

---

المشاركة الأصلية كتبت بواسطة tarekt

التى انسكر زراعها دى موزر ام براون ياريت توضح اكثر

موزر ياباشا. ومش الدراع اللي اتكسر المجري البلاستيك اللي متثبت عليها المشط الاستانليس.

و بالنسبه لانواع موزر انا سالت فيه نوع ب 135 جنيه و فيه نوع تانى سعره الضعف الاثنين شكلهم واحد بس الاختلاف فى اللون بس مش عارف الفرق ايه بينهم .

ال135 نبيتي. وممكن تلاقي التانية بيضة. اعتقد ان الفرق ان الرخيصة ترانس والتانية موتور.

و لى سؤال هل موزر يمكن غسيلها او تعقيم الراس المعدنيه التى بها ؟؟؟
انا معرفش يعني ايه مكنة حلاقة كهربا تتغسل. ده حتي اسمها ( مكنة كهربا ) حتي لو عزولة كويس. فكفاية استخدام الفرشة الصغيرة لتنظيفها وممكن تعقيمها باسبراي او اي مطهر.

---

اقتباس:

---

المشاركة الأصلية كتبت بواسطة tarekt

براون كروزر ميزتها انها وتر بروف يعنى ضد المياه
و لكن المشكله ان براون كروزر 4 فى 1 اللى معاك مش لشعر الراس !! ازاى تبقى شعر و ملهاش درجات !!!!

ياريت توضح اكثر ازاى بتحلق بها شعر الراس ,, هل مكتوب على الارشدات الملحقه بها انها يمكن استخدامها لشعر الراس


http://www.braun.com/medialib/images...cruzer-z60.jpg

و حاجه تانيه الشفره اللى فيها نوعها ايه هل مقص ام موس ؟؟؟؟ دا سؤال هام عشان تحديد صلاحية المكنه للشعر الراس ام للذقن ؟؟؟

ياريت الافاده

---

المكنه دي انا اشتريتها والصراحه واعتقد انكم هتحسوا ان انا اول واحد ميشكرش فيها

اترمت ف الدولاب ولا بستخدمها بتعورني وبتلهبلي دقني ومينفعش تستخدمها شعر لان المشط اعلا حته فيه تعتبر قليله جدا كانك بتعمل كابوريا

معجبتنيش ومش عمليه ومش بتنعم دقني كويس

الصراحه مش عجباني والي عايزها انا ممكن ابيعها بدل ركنتها مستخدمتهاش 5 مرات علي بعض

انا كان نفسي اوصل لحلم المكن الكهرباء المريح جدا ده

زي الي شفته ف الريفيوهات ع اليوتيوب لما فكرت اشتري المكن ده بس نظرا لاني في المحافظات وبعد لف وتمحيص ملقيتش غير البراون دي يمكن دي اعلا مكنه لقيتها ف اضطريت اجيبها يمكن الحلم يبقا حقيقه وارتاح

ياريت حد يفيدنا بقا في نوع نجيبه يريحنا متابع معاكم باهتمام جامد جدا

الموزر تفك الشفرة وتغسلها وتتركها لتجف قبل تركيبها وتخزينها وده مش كل مرة ويكفي تنظيفها بالفرشاة المزودة

نقطة زيت قبل كل استعمال

لا تستخدم لاكثر من 10 دقائق متواصل

بتعمل قد مرتين من تمنها - كعمر افتراضي الكلام من فم حلاق -

العمر الإفتراضي للشفرة 3 سنوات حسب الكتالوج

اقتباس:

---

المشاركة الأصلية كتبت بواسطة SheNo0o

المكنه دي انا اشتريتها والصراحه واعتقد انكم هتحسوا ان انا اول واحد ميشكرش فيها..................

---

السلام عليكم و رحمة الله و بركاته

لو سيادتك بتدور على مكنة كهرباء لحلاقة الذقن و تكون بتنعم, ممكن تجيب حاجة phillishave اللى هى ليها 3 أمواس دى زى دى كده.

‪Comercial Ficticio Philips Shaver‬‏ - YouTube


يعنى, حاجة من الموديلات دى هتكون معقولة جدا اللى هى 8200 series .

http://www.philips.ca/c/electric-sha...ONSUMER%3Dtrue

أنا متهيألى أنك ممكن تلاقيها عند رضوان العجيل فى القاهرة و كمان لو ليك حد جاى من بره, يبقى أفضل بكتير جدا, أنا بقالى بتاع 18 سنة بأحلق بالمكن ده و ممتازة, بس الأهم أنك تجيب حاجة أصلى و قيمة و محترمة, حتى لو كانت غالية شوية.

انا عاوز ماكينه حلاقه الدقن تكون كويسه بس تحلق بدرجات

الاخوه الاعزاء اشكركم جميعا على تفاعلكم مع الموضوع لاعمام الفائده للجميع

لى سؤال
هل ماكينه موزر هذه تصلح لحلق الدقن ام لا و ما اقصر طول للشعر الذقن من الممكن الحصول عليه من بعد الحلاقة ؟؟؟

http://souqcdn.com/item/21/73/30/ite...330_371229.jpg