سعر بيجو 405 لسنة 93

**farawl** · 06-08-2011 10:40 PM

السلام عليكم
هيا اسعار البيجو نزلت ولا اية معروض عليا واحدة بيجو 93 التكييف مش شغال وفيه صوت في العفشة قلي هصلحة قبل ما تخدها وفيها رخصة سنة 1600 سي سي بي 28000 هيا مش كانت اغلي من كدة والموديل دة فرنساوي ولا لا وبعدين لو ركبت تكييف جديد يكلفني كام واخلية يصلح العفشة ولا اصلحها انا احسن ولا هصلحها انا تغيير كل حاجة في العفشة يتكلف كام معلش طولت عليكم بس اخوكم مزنوق في عربية وخبرتة 0 %

**benmatar** · 07-08-2011 11:54 AM

السلام عليكم
بالنسبة لبيجو 405 موتور 1600 وبحالة ممتازة فإن السعر لن يتعدى 35- 36 ألف جنيه في حال إن الحالة ممتازة، وممكن طبعا السعر ينزل أقل حسب ظروف وحالة العربية، أنصح بالكشف المتأني والمفصل للشاسيه والجسم العام للسيارة، لأن لو بالسعر ده والشايه سليم 100% الموضوع مفيهوش أي مشكلة لأنك لو حطيت على 28 ألف 8 آلاف العربية هتكون لانج بكل الأحوال من عفشة وموتور وتكييف يعني هتكلفك 36 وده سعر التوب منها بس هتكون حضرتك اللي عامل كل حاجة بنفسك باتقان وفن ونظافة وطمأنينة، بالنسبة للفرنساوي منها يبدأ من 1986 وحتى أواخر 1993 ومن 1994 وحتى 2004 تجميع وجيه أباظة وده برضه كويس ومن 2007 إيراني ومنصحكش بيه أبدا. وبالنسبة للعفشة أنصح حضرتك بأنك تعملها بنفسك عشان تكون مطمئن وعاملها بالتمام والكمال. وبصفة عامة كان معايا 405 وهي مع أخويا لغاية النهاردة، لو عربية تمام إنسى أي حاجة تانية ولو زيرو من الحاجات البلاستيك بتوع اليومين دول، بس أكرر الشاسيه والبودي يكونو 100% مش 99% والباقي مقدور عليه وخاصة إن السعر ده فعلا قليل، أما التكييف ممكن طبعا تخليها ثلاجة وده عن تجربة، وبالتوفيق

**إبراهيم المصرى** · 07-08-2011 12:57 PM

ارفع العربيه فى بنزينه كويسه وأكشف عليها كويس أو وديها لسمكرى حريف ويكون معرفه أو ثقه علشان فى عربيات مغيره انصاص واربع ومش بتبان الا لو سمكرى كويس ممكن يعرفها لان فى المحافظات بيتفننوا فى اخفاء مثل هذه التغيرات