برامج اللطافة ومسلسلات رمضان

**Ghosts** · 06-08-2011 11:10 PM

طبعآ وسط زحمة البرامج ....
والمسلسلات فى رمضان ....
الواحد مبيقدرش يتابع كل حاجة ....
اللى قدرت أشوفة لحد دلوقتى ....
شوية البرامج بتاعت المقالب ....
أسخف برنامج فيهم هو برنامج ماتيجى أقولك ....
لبطل العالم فى السخافة حسين الأمام ....
يلية برنامج بين السما والأرض اللى بعتبرة هزار بوابين ....
رامز جلال بيبقى over لما بيجى يضحك على ضحاياة ....
أنتوا بقى أية اللى عجبكوا وأية اللى معجبكوش ؟

**hugan** · 06-08-2011 11:14 PM

مسلسل الحسن والحسين
جامد جدا
ملتزمين بالاحداث التاريخيه كما وردت وبدون فذلكه وبحياديه
اللي مش عاجبني ظهور طلحه والزبير رضي الله عنهم لانهم من ال 10 المبشرين بالجنه
بالاضفه لتشخيص الحسن والحسين
واكثر ما يعجبني فيه عدم وجود قصصص الحب والغرام كما حدث مع الممثلين والخرجين والمؤلفين المصريين المتخلفين لما عملو مسلسل عمرو بن العاص وجسده نور الشريف
حول الصحابي الجليل من رجل الاقدار
الي رجل الحب والغرام

**Mohamed.Ramah** · 07-08-2011 01:10 AM

هو برنامج واحد فقط اسمو( هكشن ) اظن انة احسنهم غير كدة منزلين 3 برامج فى الاسانسير مش عارف اية الفكرة المبتزلة دة

وضيف على القايمة اللى حضرتك كتبتها برنامج انا عمرى ما شوفت اسخف ولا مش عارف اقول اية بجد من البرنامج دة اسمو (مكنش يومك)

ملوش اى لازمة وفكرة البرنامج اكثر من سيئة دون المستوى اغلبهم ...

**M7amD_7amDy** · 07-08-2011 06:04 PM

مش متابع ولا حاجة :)

**mazagngi2010** · 07-08-2011 06:34 PM

ساعه الفطار قصص الحيوان فى القران (اللى بيغظينى فيه اعاده معظم الحلقه بعد ماتخلص وهم بيسجلوها فى الاستوديو حاجه تفلق) وبعدها برنامج البرنامج لباسم يوسف الساعه 7 وربع على اون تى فى لايف
وشكرا وكان الله بالسر عليم