بسم الله الرحمن الرحيم

مساعدة عاجلة يا جماعة لو سمحتوا في بلاي ستيشن 3 عشان انا ميح خالص فيه !!

احمد اخويا جابه معاه من برة !! ومش جايب معاه غير pes 2010 وبصراحة انا زهقت منها برضه !!

المهم

انا سمعت حوار انه بيتعدل وبيتحط على الهارد ديسك بتاعه العاب !!
مشيت في الحوار ده

روحت تيكنولوجي مول في مكرم عبيد لقيت محلين

المحل الأول قالي
التعديل يكلفك 150 جنيه واللعبة بعد كده بـ 15 جنيه

المحل التاني
التعديل بـ 100 وها يديني 3 العاب هدية معاه كمان !!

ولكن انا شايف انه الإقبال اكبر على المحل الأول بصراحة والناس كلها بتجزم انه فاهم وانه مفيش مشاكل في الجهاز بعد التعديل غير لو ها تلعب اون لاين وده مش بيحصل لأننا مش بنلاعب غير بعض ؟

ايه رأيكوا في الكلام ده ؟ ولا السعر الغالي كده ؟ ولا ابعد عن حوار التعديل ده نهائيا احسن ؟
والألعاب اللي عنده انا شفتها بصراحة مش فاكر منها غير ميديل اوف هونور وكول اوف دوتي وانا بصراحة في البلاي ستيشن ميح خالص !! وانا كنت عايز اعملها هدية لأخويا !! فإيه رأيكم يا جماعة ايهم افضل اعملها ولا مأعملهاش !! ولو عملتها !! الألعاب اللي تنصحوني اجيبهاله تبقى ايه ؟