لازم احكي ... مصيبة حصلت انهاردة

**koko616** · 07-08-2011 04:02 AM

معلش استحملوني هحكي بالتفصيل

انهاردة الضهر كده كنت نايم و صحيت ملقتش العربية ... طلع ان اخويا اخدها عشان يزودلي زييت الباور ( انا كنت قايله انه ناقص و عايز يتزود ) ... لقيته بيتصل بيا بيقولي انا عند بتاع الزيت و بيقول ان فيه نوعين واحد موبل و التاني مش فاكر اسمه كده ... المهم قالي موبل ب 25 جنيه و التاني ب 8 جنيه ... قولتله لا هات الموبل

و قفلت معاه و نمت تاني ... بعدها بشوية رجع من برا لقيته بيقولي افرح يا عم ظبطلك العربية ... سألته انت عملت ايه

قالي ظبطلك زيت الباور زي ما انت عايز ... و كشف على زيت الفتيس لقاه ناقص و عايز يتزود فزوده ( هو قالي الجملة دي و انا يكاد يكون اغما عليا :o )

ملحوظة : عربيتي لانسر بومة 2007 اوتوماتيك لسه شاريها مستعملة من اسبوع و عاملة 44 الف كيلو ... و صاحب العربية قالي متغيرش زيت الفتيس غير عند 80 الف كيلو

انا اول ما سمعت من اخويا الجملة دي صرخت فيه و قولتله زيت الفتيس ايه ده اللي بتاع الزيت غيره ؟؟؟؟؟ ( انا قريت هنا انه مينفعش يتغير غير في التوكيل و بيتعمل بجهاز معقد كده و تمنه فوق ال 300 جنيه )

المهم قولتله عمل ايه المجنون ده ؟ قالي ولا حاجة متخفش هو شاف المقاس لقاه ناقص ... قام جاب نفس ازازة الزيت اللي حط منه في الباور ابو 25 جنيه و زوده على زيت الفتيس

مش هكدب عليكوا ... انا تقريبا جالي سكتة قلبية بعد ما سمعت الجملة دي

و استفسرت منه اكتر ... قالي انه كمان مصفاش الزيت القديم ولا في الباور و لا في الفتيس ... يعني زود على القديم

و بيقولي العربية شغال معملتش مشاكل معاه و هو راجع

نزلت بصيت على ازازة الزيت اللي زوده على الباور و على الفتيس

لقيته مكتوب عليه زيت موبل ... لناقل الحركة الاتوماتيك

حد يفهمني ايه الهبل بقى اللي حصل ده ؟؟ و كده اودع الفتيس و لا اللي اتعمل ده صح ؟؟؟

**WalidAdel** · 07-08-2011 04:14 AM

تقريبا تقريبا صح و الله اعلم
بس استني راي بقية الاعضاء هايفدوك اكتر مني في حد يكون معاه العربيه
و طالما كان ناقص يبقي كان لازم يتزود و الزيت صح هو اللي مكتوب عليه ناقل الحركه الاوتوماتيك

**koko616** · 07-08-2011 04:27 AM

يعني كل ده صح ؟؟ زيت الباور هو هو زيت الفتيس ؟؟ و ب 25 جنيه ؟؟؟ و يتزود على القديم عادي ؟؟؟؟ و مش في التوكيل ؟

**الغزالى** · 07-08-2011 04:28 AM

على مهلك يا باشا وبراحه على اخوك .... محصلش حاجة فعلا زيت الباور هوا هوا نفسه زيت الاتوماتيك .... وانا مجرب دة فى الكيا سيفيا جبت زيت باور موبيل برضو بتاع الجير الاتوماتيك .... يعنى متقلقش محصلش حاجة ..... ولو قلقان قوى روح التوكيل وغير الزيت .... او اطلب تشتريه وشوف شكله لو هوا هوا .... يبئى خلاص متغيروش .... لو مختلف يبئى لحقت العريبه .... وحصل خير فى الاول والاخر .... ومبروك على العريبه وربنا يباركلك فيهاااا ....................

---------------------------------
على فكرة اتضحك عليك الزيت ب 20 جنيه العلبه

**rompo10** · 07-08-2011 05:08 AM

ماتقلقش هو هو الزيت بس المهم ان زيت الفتيس الاوتوماتيك بيتقاس والعربيه علي المارشديه يعني لو هو قاس الزيت والعربيع علي p هايبان ناقص جرب انت وشوف المقاس والعربيه علي المارشديه

**gta10** · 07-08-2011 05:09 AM

لا طبعا زيت الفتيس الاوتوماتيك بتاع اللانسر بومه لازم يتغير فى التوكيل و مايكونش اى زيت لازم يكون زيت cvt اللى هى atf diqueen sp-111 و كمان زيت موبيل بتاع الباور العلبة لتر ب 45 جنيه

**AutoTycoon** · 07-08-2011 06:02 AM

اول مرة اعرف ان زيت الباور هو زيت الفتيس !

**ahmedhawas** · 07-08-2011 06:04 AM

الموضوع بيتوقف على العربية هل هي 1300 ولا 1600سي سي:
لو 1300 : أوتوماتيك عادي ، وبتستخدم زيت الأوتوماتيك العادي بتاع الباور ، وسعره اللتر 45 جنيه.
لو 1600 : من 2006 الى 2009 دي أوتوماتيك cvt وزيتها مختلف عن زيت الأوتوماتيك العادي ، وموجود في التوكيل.
ياريت تهتم ياباشا ، لان حاجة زي دي ممكن تطير الفتيس !!

-

الموضوع: لازم احكي ... مصيبة حصلت انهاردة

LinkBack

أدوات الموضوع

عرض

-

-

-

المواضيع المتشابهه

اسف..بس مضطر احكي اللي حصل

حدثني عن نفسك...احكي تاريخك المهني وازاي وصلت لمنصبك

احكي له قصة كعب !! - منقول

احكي تجربتك....ما رأيك في ثبات السيفيك في السرعات العالية

الفيديو دة كل ما اشوفة لازم افطس من الضحك لازم تشوفة بجد

الكلمات الدلالية لهذا الموضوع

المفضلات

المفضلات

ضوابط المشاركة