الموضوع: انتا تسال/انا اجيب على اعطال سكودا موديل 1997:1994(ففوريت - فورمان - فلشيا - كومبى)

المشاركة الأصلية كتبت بواسطة المنسي

اللينك مرة تانية
http://www.nilemotors.net/nile/312351-a.html

الله ينور عليك يا عم منسي انا فكيت الدراع بعد ما طلع عيني عشان اعرف مكان الصاموله الي بتربط التاره بالعمود الي تحتها والحمد لله وصلتلها وبمجرد ما فكيت التاره كل حاجه وضحت قدامي ..وفكيت الدراع وضبطه وكانت الريش والسوست عايزه شوية تظبيطات بسيطه وعملتها الحمد لله... بس بعد كده اكتشفت حاجه غريبه اوي .. نور الشبوره الاحمر الي ورا ( النور الزياده) لما بقلب ع النور العالي النور الاحمر الي ورا دا بيطفي (النور الزياده) ولما برجع للواطي بينور تاني .. يعني بيشتغل مع النور الواطي وبيطفي مع العالي (طبعا كل ده لما بيكون الزرار بتاعه مفتوح) ... باختصار انا صلحت حاجه وبوظت حاجه .. الي حصل دا ممكن يكون من ايه؟.

المشاركة الأصلية كتبت بواسطة المنسي

مكنش مستاهل انك تفك الطارة خالص كان ممكن تفك الجزء اللى فوق بس واللى تحت الطارة من مسمار هتلاقيه رابط الجزء اللى تحت .. المهم ممكن وانت بتقفل التابلوه الزرار بتاع النور اللى ورا السلك بتاعه وانت بتقفل لمس فى حاجة
طيب لو الزرار مقفول على النور اللى ورا هل بيحصل العكس؟؟؟؟؟؟؟؟

انا عارف ان كان ممكن افك الدراع من غير ما افك التاره بس بصراحه انا بحب الفك واحب اشوف الدنيا فيها ايه عشان تبقى كل حاجه واضحه قدامي وخصوصا اني فيليشياوي جدييد ومفكتهاش قبل كده .. وطول ما انا في المنتدى دا هفك العربيه كلها ان شاء الله هههههههههه
لو الزرار مقفول بتكون الدنيا تماااام مفيش اي حاجه .. كده اكيد زي ما بتقول هو سلك الزرار ربنا يسهل اروح الشغل وارجع ادور عليه واتتبعه متشكريييييين يا عم منسي بصراحه انا استفدت من موضوعك كتيييير ( انا رحت للكهربائي قبل كده قالي الدراع طالما باظ غيره مبيتصلحش )

المشاركة الأصلية كتبت بواسطة shahed133

كله بفضل الله ثم اعضاء المنتدى .. لولا ان الواحد عارف ان وراه رجاله لو غلط في حاجه هيرجعلهم مكنش قدر يعمل اي حاجه وخصوصا الاستاذ وليد والاستاذ منسي والمهندس احمد

على فكره ياجماعه الموتور بتاعي بعد ما ظبطت الموتور بنفسي (هوا وسلانسيه وكهربا ) بقى تمااااااااااااااام ونسيت الرده الي كانت بتحصل لما بقفل الكونتاك واستهلاك البنزين اتحسن كتييييير العربيه بقت تعمل 180 كيلو في الصفيحه من غير ما اغير فواني ولا حاجه بعد ما الميكانيكيه دوخوني وكل ده كان عشان وهما بيظبطوا الموتور كانو بيفتحو الهوا ع الاخر ولما جيت اضبطه انا بعد ما اتبعت تعليمات الاستاذ وليد لقيت الهوا مفتوح جدا .. لفيت المسمار كتييير و ضبطه على وضع معين ( يعني مفتوح حاجه بسيطه ) وقللت السلانسيه كتير العربيه صوتها هدي وبقت تمااااااااااام الحمد لله.. يعني باختصار كل المشاكل الي كانت عندي بسبب ان مسمار الهوا كان مفتوح ع الاخر