انتا تسال/انا اجيب على اعطال سكودا موديل 1997:1994(ففوريت - فورمان - فلشيا - كومبى)

**boudy.zarka** · 17-06-2014 11:14 AM

السلام عليكم انا عندي سكودا فورمن 94 كنت مركب عليها تكييف تيوتا وكان ممتاز بس دلوقتي التكييف بقي هواه ضعيف ولما بشغلوا العربيه تقعد تبطل كول شويه ومع الوقت ابدا القي العربيه تقرفني والتدوير اتمني ان حد يفيدني في الموضوع ده
كما ان بردو الفتيس عندي بيعض في التاني بالذات والاول و مش محكوم زي العربيات الجديده ؟؟؟؟ يعني محتاج واحد خبره يتعامل معاه فكيته مرتين عند ناس كفاءه وقالولي مفوش حاجه ؟؟؟

**gtawfik** · 12-07-2014 11:47 PM

السلام عليكم
انا عندي سكودا فليشيا 97 1300 وتعبت من ارتفاع حراراتها والموتور جاب اخره وناوي اجيب موتور تاني وكنت عايز اعرف انسب موتور ليها من نوع آخر مابيسخنش وهيركب علي نفس قواعد الموتور القديم ولا ﻷ

**MARWAN.T** · 30-07-2014 06:11 PM

شرح جميل

**zezo20** · 31-07-2014 02:25 AM

شرح جميل الله ينور عليك يا باشا ...... وكنت عايز اكب ثرموثتات لعربيتى تشتغل المروحة عند 80 تفاديا مشكلة الحرارة دى ومين اللى يظبط الحرارة كده الكهربائى ولا انا وازاى؟ ........ انا عربيتى سكودا فليشيا 96 لسه شارياها مرفوعة 10 سنوات عاملة 81000 كيلو ما شاء الله عليها بس محتاجة تظبيطممكن تساعدنى فى اللى ممكن اعمله.....وشكر

**A_Baidak** · 11-08-2014 11:21 PM

المشاركة الأصلية كتبت بواسطة zezo20

شرح جميل الله ينور عليك يا باشا ...... وكنت عايز اكب ثرموثتات لعربيتى تشتغل المروحة عند 80 تفاديا مشكلة الحرارة دى ومين اللى يظبط الحرارة كده الكهربائى ولا انا وازاى؟ ........ انا عربيتى سكودا فليشيا 96 لسه شارياها مرفوعة 10 سنوات عاملة 81000 كيلو ما شاء الله عليها بس محتاجة تظبيطممكن تساعدنى فى اللى ممكن اعمله.....وشكر

بص يا باشا بالنسبه للترموستات هو 68 82 وده ملوش تظبيت ممكن تفك الريداتير انت وتركب الترموستات عادي جدا كده المروحه هتشتغل على 82 وهتفصل على 68 مفيش اي مشكله
ومبروك عليك العربيه وربنا يديك خرها ويكفيك شرها

**shahed133** · 16-08-2014 04:27 PM

السلام عليكم عربيتي فيليشيا 95 .. الاسبراتير صوته عالي اعمل فيه ايه

**aw2100** · 17-08-2014 12:35 AM

المشاركة الأصلية كتبت بواسطة shahed133

السلام عليكم عربيتي فيليشيا 95 .. الاسبراتير صوته عالي اعمل فيه ايه

ده تبويش فى الأسبراتير وعلاجه تغييره !!!

**shahed133** · 26-08-2014 05:49 PM

السلام عليكم عندي عربيتي فيليشيا 95 مش مكيفه بس عندي مروحة البلاور عايز اشغلها حاولت افك مفاتيح المروحه الي في التابلوه عشان اشوفها متوصله ولا لا فكيت الوش ومعرفتش اعمل حاجه بعد كده ياريت حد يقولي اشغلها ازاي

**AhMeD MeTwAlY** · 26-08-2014 07:11 PM

المشاركة الأصلية كتبت بواسطة shahed133

السلام عليكم عندي عربيتي فيليشيا 95 مش مكيفه بس عندي مروحة البلاور عايز اشغلها حاولت افك مفاتيح المروحه الي في التابلوه عشان اشوفها متوصله ولا لا فكيت الوش ومعرفتش اعمل حاجه بعد كده ياريت حد يقولي اشغلها ازاي

هي ليها طريقتها في الفك مش فاكرها بصراحه بس انا لما فكيت المرواح اساسا او البلاور ممكن تلاقي العيب منه