الموضوع: الطريق الدولى الساحلى من اسكندريه لدمياط

المسافه من دمياط لجمصه كام كيلو

السلام عليكم و رحمة الله و بركاته

الوصلة من جمصة الى الاسكندرية, أكتر من راااااااااااااااائعة و ممتازة, بس بالنهار فقط, لا أنصحك بالليل اطلاقا, أنا كنت سافرت فى شهر 3 اللى فات و رحت و رجعت على أذان المغرب و كانت 100 100 .

و طبعا, ده مشوار محترم و طويل, فلازم جدا تشيك على عربيتك كويس أوى و على الاستبن و كل حاجة, قبل ماتمشى.

بالسلامة ان شاء الله و ربنا يسلملك طريقك.

شكرا ليك يعنى انت سمعت عنها خبر وحش بلليل ان فيه قلق او كده

بلاش السفر علية بالليل .. الطريق كويس و الوصلة من بعد بلطيم لجمصة زي الصحراوي كدا
بالراحة على الكوبري بتاع رشيد اللي قبل الكمين

بص ياباشا نصيحه خليك زراعي احسن وانت من بروفايلك من دمنهور يعني زراعي حلو بالنسبه ليك
لو عايز دولي بقا ممكن تمشي دولي لغايه المنصوره كدا وتنزل تاخد الطريق الزراعي العادي من المنصوره لغايه دمياط امان وطريق زي الفل ونصيحه بلاش دولي من جمصه لدمياط لانه فيه كذا كوبري كدا لو اخدتهم بسرعتك هاتتبهدل انت والعربيه فانصيحه اخويه خليك زراعي من الاول امان وزي الفل ياما زي مقوتلك دولي لغايه المنصوره وانزل اركب الزراعي لغايه دمياط مسافه مش كبيره يعني من المنصوره لدمياط حوالي 65 كيلو

المشاركة الأصلية كتبت بواسطة mohamed_mohsen

انا ليه واحد صحبي والده و اخته و والدته كانوا مسافرين عليه بالليل من مده و اتضرب علي عربيتهم نار لولا ان والد صاحبي ده كان عميد متقاعد و معاه سلاح كان زمانهم في خبر كان دلوقتي
بلاش السفر عليه بالليل خليه الصبح احسن

ربنا يستر وشكرا على النصيحه

المشاركة الأصلية كتبت بواسطة osama.m

بلاش السفر علية بالليل .. الطريق كويس و الوصلة من بعد بلطيم لجمصة زي الصحراوي كدا
بالراحة على الكوبري بتاع رشيد اللي قبل الكمين

عرفه الكوبرى ده مشيت عليه من زمان بس كان سليم لسه وشكرا ليك

المشاركة الأصلية كتبت بواسطة modo88

بص ياباشا نصيحه خليك زراعي احسن وانت من بروفايلك من دمنهور يعني زراعي حلو بالنسبه ليك
لو عايز دولي بقا ممكن تمشي دولي لغايه المنصوره كدا وتنزل تاخد الطريق الزراعي العادي من المنصوره لغايه دمياط امان وطريق زي الفل ونصيحه بلاش دولي من جمصه لدمياط لانه فيه كذا كوبري كدا لو اخدتهم بسرعتك هاتتبهدل انت والعربيه فانصيحه اخويه خليك زراعي من الاول امان وزي الفل ياما زي مقوتلك دولي لغايه المنصوره وانزل اركب الزراعي لغايه دمياط مسافه مش كبيره يعني من المنصوره لدمياط حوالي 65 كيلو

معلشى ياباشا هى منصوره موجوده على الطريق الدولى الساحلى
انا اعرف انه عليه رشيد دمياط بورسعيد لكن المنصوره لا
والف شكر على النصيحه

المشاركة الأصلية كتبت بواسطة mido_gen

السلام عليكم
بص يا سيدى
أنا كنت لسه مسافر عليه من اسبوع فات
سافرت من دمياط لإسكندرية والعكس رايح جاى
الطريق حلو جدا
مكنش فيه رادار
خلى بالك من الكوبرى بتاع رشيد عشان زى ما الناس اللى قبلى قالت مكسر حبتين
متخفش على العربية مفيش مطبات وحشة إلا لو كنت ناوى تكلم على دمياط الجديدة ... الوصلة دى هيا اللى كباريها زفت (هيا دى طريقى للأسف)
الطريق حوالى 220 كيلو بالتمام والكمال

توكل على الله
طريق السلامة إن شاء الله

الله يخليك ياباشا وربنا يسهل انا غالبا كده حلخد الدولى بالنهار وانا رايح ولو رجعت بلليل حارجع زراعى ان شاء الله لانه أمن