خالي بالك بنزين مخشوش

حصل معايا فصل بايخ جدا احب اني اقوله علشان الكل ياخد باله:
كنت ناوي اطلع على العين السخنة فرحت حطط بنزين 92 فى البنزينة اللي بعد طريق السويس مباشرة وانت رايح على طريق العين السخنة بعدها بحوالي 5 دقائق لقيت العربية مهنجة خالص ومش عايزة تشد وبتمشي بالكتييير على 10ك فى الساعة وكمان طالع منها دخان اسود اتخطيت طبعا لان العربية خليجي ومالهاش ضمان روحت لفيت وروحت وسئلت بعض اصدقائي قالولي ان ده من البنزين وشكل البنزين مخشوش مكدبتش خبر رحت طلع على بنزينة قريبة مني فضيت البنزين وحطيت بنزين جديد جربت لقيت العربية رديت فيها الروح تاني وقلت الحمد لله

رجاء ذكر اسم البنزينة للاستفادة
و حمدلله على سلامة العربية :)

حضرنك تعملهم بلاغ و تروح تعملهم فضيحة!!!!

السلام عليكم

قصد حضرتك البنزينة اللى على الدائرى بعد ما تعدى طريق السويس ؟ لو قصدك كدة فهى بنزينة توتال على ما أذكر .

اقتباس:

---

المشاركة الأصلية كتبت بواسطة alaasaid

السلام عليكم

قصد حضرتك البنزينة اللى على الدائرى بعد ما تعدى طريق السويس ؟ لو قصدك كدة فهى بنزينة توتال على ما أذكر .

---

ايوة تمام هي توتال الله يخرب بيوتهم
اليوم ده كنت هموت من الرعب علشان العربية مبقالهاش شهر وهي خليجي قلت خلاص راحت عليا العربية بس الحمد لله ربنا ستر

اقتباس:

---

المشاركة الأصلية كتبت بواسطة som3aa

حضرنك تعملهم بلاغ و تروح تعملهم فضيحة!!!!

---

انا متأكدش الا بعد ما فرغت البنزين لو كان عندي خبرة فى الموضوع ده مكنتش فضيت البنزين وكنت اكيد هعمل بلاغ واخرب بيتوهم

انا حطيت من توتال اللي على الدائري مرة واحدة بس
وفعلا بنزين سيء جدا
حسيت ان العربية مكتومة ومش راضية تسحب
بس انا مفضتهوش الحقيقة
حرقته برده
ههههههههههههههههههههههههه ههه

نفس البنزينة دي , العجلة نامت مني قدامها قلت بدل ما ابهدل نفسي و اطلع اللي فالشنطة و اطلع الاستبن ادخل الحمها و انا واقف و خلاص و مدتش خوانه و قالى اكسر العجل عشان اكشف عليها و الاقيه بيقولي بص فيه كام خرم انت شكلك عديت على ازاز طب فين الازاز ده يا عم قالي مهو مش حيبان و دب دب دب رزعلى 7 خوابير اشتغالة و انا كنت راجع من السفر و معايا الاولاد و مكنتش فاضي اناهد و اتخانق رمتله 50 جنيه و مشيت و تاني يوم لاقيتها نايمة و روحت لبتاع الكاوتش بتاعي قالي دي اشتغالة معروفة وبوظلك الفردة من يومها حلفت ما اصلح العجل الا عند حد انا عرفه

اقتباس:

---

المشاركة الأصلية كتبت بواسطة icahmed

حصل معايا فصل بايخ جدا احب اني اقوله علشان الكل ياخد باله:
كنت ناوي اطلع على العين السخنة فرحت حطط بنزين 92 فى البنزينة اللي بعد طريق السويس مباشرة وانت رايح على طريق العين السخنة بعدها بحوالي 5 دقائق لقيت العربية مهنجة خالص ومش عايزة تشد وبتمشي بالكتييير على 10ك فى الساعة وكمان طالع منها دخان اسود اتخطيت طبعا لان العربية خليجي ومالهاش ضمان روحت لفيت وروحت وسئلت بعض اصدقائي قالولي ان ده من البنزين وشكل البنزين مخشوش مكدبتش خبر رحت طلع على بنزينة قريبة مني فضيت البنزين وحطيت بنزين جديد جربت لقيت العربية رديت فيها الروح تاني وقلت الحمد لله

---

؟؟؟؟؟؟؟؟؟؟؟؟؟؟؟؟؟ مش معقول يا جماعه تكون دى كتابتنا بالعربى .... الخواجات بقوا يكتبوا عربى صح عننا

اقتباس:

---

المشاركة الأصلية كتبت بواسطة hanyelrakhawy

؟؟؟؟؟؟؟؟؟؟؟؟؟؟؟؟؟ مش معقول يا جماعه تكون دى كتابتنا بالعربى .... الخواجات بقوا يكتبوا عربى صح عننا

---

هههههههههههه ضحكت الواحد وهو ملوش نفس

منهم لله الواحد بقى بيحاول يثبت كام بنزينه للتموين على اد مايقدر
بس المشكله فى الناس اللى بتسافر كتير

اقتباس:

---

المشاركة الأصلية كتبت بواسطة moustafa_saad

منهم لله الواحد بقى بيحاول يثبت كام بنزينه للتموين على اد مايقدر
بس المشكله فى الناس اللى بتسافر كتير

---

عندك حق ، أنا ما بدخلش غير وطنية أو امارات مصر وفي جانبي موبيل الرحاب لو إتزنقت
بس المشكلة فعلاً ساعة السفر .

اقتباس:

---

المشاركة الأصلية كتبت بواسطة hanyelrakhawy

؟؟؟؟؟؟؟؟؟؟؟؟؟؟؟؟؟ مش معقول يا جماعه تكون دى كتابتنا بالعربى .... الخواجات بقوا يكتبوا عربى صح عننا

---

أنا زيك كده دخلت من العنوان :)

بس ممكن نعذرهم لو بيستعملوا المارين واللي زيه زي حالاتي

تحذير ايضا من توتال اول شارع الهرم

توتال اللي علي الدئري قبل نفق السلام

ولا اللي قدام jw ماريوت؟.؟

اصل كنت بمون من توتال اللي قبل السلام اللي هما بنزينتين توتال في وش بعض وكانت كويسة

jw mariot

يا جماعة محطات توتال زيوت فقط

محدش يحط بنزين عندهم

الله المستعان
،
،