اشترى الانترا الجديدة ولا القديمة زيرو
السلام عليكم ورحمه الله وبركاتة
يا جماعة انا محتار جدا جدا وقلت اكيد المنتدى الجميل دة هو اللى حيساعدنى فى حيرتى
انا محتار ما بين النترا الجديدة الزيرو 2012 والقديمة الزيرو 2011 كالالتى وشاركونى ارائكم :
1- الانترا الجديدة +abs123500 الوان مختلفة
2- النترا الجديدة بدون 116000 abs الوان مختلفة
3- النترا القديمة +abs101500 عرض رمضان لون اسود فقط
4- النترا القديمة بدون abs95500 عرض رمضان الوان مختلفة
بالنسبة للفلوس هو طبعا القديمة اوفر بس انا ممكن اجى على نفسى شوية واجيب الاحسن
بالنسبة لمعايير الاختيار اللى انا عايزها واللى بفاضل مابين الالنترا الجديدة والقديمة فى الاتى:
1- مين فيهم العفشة ناعمة اكتر - وكمان مين عزل الصوت الخارجى احسن
2- مين الموتور اللى صوتة اوطى فى العربيتين ( مش مهم التسارع بالنسبة لى)
3- سعر اعادة البيع ( المقصود هنا انا حخسر كام سواء لو بعت القديمة او الانترا الجديدة)
4- سهولة صيانة العربية (المقصود هنا انى شوفت النترا الجديدة الموتور واخد كل الكابوت من جوا يعنى الميكانيكى اللى حيشتغل فيها غير التوكيل حيطلع عينة ودة لو عرف اصلا يصلحها)
5- وسع الصالون وشكل التابلو (حيث انى لمحت ان عدادات القديمة احلى واشيك من الجديدة + ان الكنبة بتاعت النترا الجديدة اللى يقعد ورا لازم طولة مايزتش عن 180 سم ولو اى مطب اتاخد , اللى قاعد ورا حيخبط فى السقف ويجيلة ارتجاج فى المخ)
6- سعر قطع الغيار (هل يوجد فرق كبير)
7- سعر الاكسسورات (هل يوجد فرق كبير)
من الاخر يا جماعة هل السعر يستاهل ولا اية خصوصا فى اعادة البيع.
منتظر ارائكم وكل سنة وانتم طيبين