هل صحيح السيراتو 2012 عدلوا فيها العفشة

**eidthe4th** · 07-08-2011 02:36 PM

السلام عليكم ورحمة الله وبركاته.... و كل عام و أنتم بخير
الخميس اللى فات كنت فى المصرية للسيارات و قلت أتفرج على السيراتو و الالنترا الجديدة و أشوف هستريح أكتر لايه المهم مع إنى كنت مبهور جدا بالالنترا الجديدة جدا لكن لما ركبتها ماستريحتش ليها زى السيراتو
المهم شوفت السيراتو ال 2012 الخليجى (سورى) ومن ضمن الكلام قلت للراجل نتاع المبيعات أنا عايز ال SX بس جنوط 16، قاللى اللى موجود كله 17 بس ليه علشان العفشة؟، قلت آه ، قاللى لأ ما هما عدلوا الفتيس و عالجوا مشكلة العفشة فى موديل 2012 قلتله يعنى هما خلوها multi-link بدل single bar قاللى آه.
فبصراحة معلومة غريبة و محتاجة استشارة نمور السيراتو
شكرا...........

**mido** · 07-08-2011 02:56 PM

لو كنت قلتله تعرف الفرق بين الاتنين كان قالك دى على كبالن والتانيه عى كرونا :)
طبعا بيفتى

**ابو ليلى** · 07-08-2011 03:17 PM

الرحمة من عندك يارب

مافيش يا استاذى الفاضل اى تغير فى العفشة

**gebreel** · 07-08-2011 03:22 PM

بتوع المصرية دول بتوع سيلز الصبح و بياعين طرشي باليل

**gebreel** · 07-08-2011 11:29 PM

يا جماعة انتو بتتكلموا في ايه انا رحت المعرض ده المصرية بتاع مصر الجديدة علشان اتفرج على العربيات اللي في رينج ال70000 لأن عندهم كل العربيات معروضة و المعرض زحمة جدا الاقي واحد من بتوع السيلز في وط البشر دول كلهم بينده على عامل بقلوا تعالى هنا يابن ال....... و شتيمة بالام و الله العظيم

و واحدة ثانية لابسة شبشب اه مش بتاع حمام بس مش بتاع خروج بردو و ماشية تفحط في الارض اييييييييه المناظر دي

**eidthe4th** · 09-08-2011 09:08 AM

هو واضح يا جماعة إن الناس دى بتفتى ..... لكن سؤال .. ايه هو الجديد اللى نازل فى موديل 2012 ؟ و كمان ايه الفرق بين خليجى سعودى و كويتى و سورى و هكذا ؟ مع إن المفروض ما يبقاش اسمها خليجى سورى و يبقى اسمها شامى سورى... مش كده ولا ايه؟؟؟؟؟؟؟؟؟؟؟؟؟؟