العنوان
Ring Road Meerag City - Maadi, Cairo
الخريطة
http://www.carrefour.com.eg/store_map.htm?images/stores/map/2_map.jpg
ممكن تقولولي أقرب وسيلة مواصلات من ميدان الجيزة أو ميدان عبد المنعم رياض
بتقربني إلى هناك و أنا ممكن أكمل بتاكسي !!!!!!
معلش سؤال:
هو محطة مترو المعادي بعيدة عن كارفور المعادي ؟؟؟؟ كام كيلومتر كده ؟؟؟؟
شكراً لكم
محطة المترو بعيدة اوي .
شوف هو المواصلات الي هاتركبها وتقربك لهناك . صقر قريش المعادي او المقطم او السيدة عائشة
لو وصلت صقر قريش هاتكون قريب منة وتاخد تاكسي المسافة حوالي 7 كيلو
ولو المقطم (مش ميكروباص ) اي مواصلة هاتنزلك قدامة .
ولو السيدة عائشة هاتركب منها القطامية وهاتنزل قدامة برضة
حضرتك تقصد أركب حاجة تروح السيدة عائشة و ده ينزلني أدام كارفور ولا أيه ؟؟
هو فيه حاجات بتروح زهراء المعادي و كذا مكان في المعادي و ده من ميدان عبد المنعم رياض
علي قد علمي . وممكن يبقي فية طبعا مواصلات بشكل اخر بس انا معرفهاش
شوف
من السيدة عائشة سهل توصل هاتركب من هناك ميكروباص القطامية هاينزلك قدام كارفور
شكراً لحضرتك
طيب هو ميكروباص القطامية ده حنزل منه على الطريق الدائري عند أديداس ؟ ولا بينزلني جوه أدام كارفور ؟
العفو. انت هاتنزل علي الدائري بس قبل اديداس بشوية . قولة ينزلك عند النزلة بتاعة كارفور وانت هاتمشي حاجة بسيطة اوي . او ينزلك عند المسجد الي قدامة وانت بس مجرد هاتعدي الشارع وتدخل .
من ميدان الجيزه خد ميكروباص السيده عائشه (قدام بنك مصر كده بتكون واقفه)
و من السيده عائشه خد ميكروباص القطاميه من الموقف (موقف بعد الجامع بس اللي فوق) و قلوا نزلني قدام كارفور
من الجيزة ام تاخد السدة عائشة زى ما قال الاخوة
او تركب من الجيزة منيب مزلقان - هو اخر الخط اسمه كده - و تاخد ميكروباص السلام قبل طلعة الدائرى بشوية هينزلك قدامه على طول من غير تعديه