نويت على فيرنا 2011 ان شاء الله

السلام عليكم و رمضان كريم يا جماعه انا ان شاء الله نويت على فيرنا 2011 و كان عندى كام سؤال كده يا ريت تساعدونى فيهم اولا \ازاى الين العربية انا عارف ان المسافة 1000 كيلو بس كنت قريت هنا ان لازم المشاوير متقلش عن 200 كيلو المشوار يعنى اروح اسكندربة مرتين مثلا رايح جاى ولا كفاية مرة واحدة وينفع اعمل مشاوير بالعربية قبل التليين و ينفع اسافر بيها قبل الترخيص واخر حاجه هل صحيح لو سبت العربية دايرة فى مكانها مدة طويلة من غير ما امشى بيها تكون كدة مساعدة فى التليين .اعذرونى يا جماعه اسئلتى قد تبدو ساذجة علشان كده انا محتاج خبراتكم و شكرا

المفروض في خلال ال 1000 كيلو الاولي متعديش ال 80 و 3000 rpm و طبعا مينفعش تسافر بيها و حضرتك مش مرخص و العربيه حاليا عليها تخفيض و 1000 مبروك مقدما

الف مبرك مقدما بس على فكره العربيه معلهاش تخفيض ولا حاجه الحدايه مبترميش كتاكيت

اقتباس:

---

الحدايه مبترميش كتاكيت

---

لا عليها يا فندم و سألت بنفسي في التوكيل

الموضوع ده حيفيدك جداااااااااااا و النصائح اللى فية لاى عربية مش النيسان بس
مبرووووووووووووووووووووك ع العربية

http://www.nilemotors.net/Nile/21240...post3873413272

الف مبروك مقدما و اختيار موفق ان شاء الله, حاليا فى خصم 2000 جنية على الفيرنا 2011, لو مفيش خصم يبقى متشتريش و استنى موديل 2012 افضل.

شكرا لكل الاخوة اللى شاركوا فى الموضوع و ربنا يكرمكم

الف مبروك ربنا يبارك لك فيها و يديك خيرها ويكفيك شرها

التليين عادى مش لازم تسافر مخصوص علشان تليين العربيه الافعلا لو وراك مشوار وساعتها يكون افضل اهم حاجه ماتعديش سرعة 120 كيلو واربى ام 3 وغالبا المواتير بتخرج متلينه اساسا من المصنع

طب اشترى من غبور و افضل مستنى اسبوعين تلاتة و فلوسى معاهم و كل شوية اتخانق على ميعاد الاستلام زى ما حصل مع ناس قرايبى ولا اشترى من سمير ريان و اخد عربيتى و امشى؟

ألف مبروك لحضرتك و ربنا يكتب فيها خير لك
لو عايز تشتري شوف موزع غبور هايبقي الكلام معاهم مؤكد أكثر من أي مركز جي بي أوتو
و لو سمير ريان العرض ساري معاه يبقي تمام

ربنا يوفقك ويباركلك فيها

اقتباس:

---

المشاركة الأصلية كتبت بواسطة malta

طب اشترى من غبور و افضل مستنى اسبوعين تلاتة و فلوسى معاهم و كل شوية اتخانق على ميعاد الاستلام زى ما حصل مع ناس قرايبى ولا اشترى من سمير ريان و اخد عربيتى و امشى؟

---

براحتك بس عن نفسي افضل التوكيل او حتي موزع معتمد يعني هي راحه نفسيه مش اكتر

ربنا يوفقك ان شاء الله

و1000 مبروك مقدمـاً

انا كنت عايز اسال حضرتك سؤال يعني ليه مفكرتش في حلجه تانية غير الفيرنا اصل كل ما حد يجيب سيرتها يزم فيها ويقولو عربية فيها العبر اشمعني فيرنا ليه مش لانوس او بيكانتو او لوجان؟؟؟

الفيرنا ستظل فترة طويلة ميصدرة مبيعات السيارات فى مصر فهى تستحق بجدارة ان تكون سيارة مصر الاولى لان مميزاتها اكتر بكتير من اى عيب قد يظهر فيها بصفة استثنائية

عربية اعتمادية من الدرجة الاولى