الموضوع: اعراض تغيير الكاوتش

من ضمن الاعراض لما تزود السرعة عن 100 بيبقى فيه رعشة شديدة فى الدريكسيون و دواسة البنزين
ده بعد الترصيص واستعدال الجنوط وضبط زوايا والكشف على بلى العجل والكبالن
طلعت المشكلة من الكاوتش

واحد بتاع كاوتش بس بيفهم
ومتخدعشى فى النقشه ساعات بتبقى سليمه والكاوتش ناشف ومضروب

المشاركة الأصلية كتبت بواسطة motoxp

من ضمن الاعراض لما تزود السرعة عن 100 بيبقى فيه رعشة شديدة فى الدريكسيون و دواسة البنزين
ده بعد الترصيص واستعدال الجنوط وضبط زوايا والكشف على بلى العجل والكبالن
طلعت المشكلة من الكاوتش

صعب التاكد من موضوع الرعشه بعد ال100 لانى اللادا عموما بتبدا الرعشه لما تزيد السرعه علشان الدركسيون
على علبه مش على اساكترا

المشاركة الأصلية كتبت بواسطة dieseltrucker

السلم عليكم
بص ياسيدي
اولا الكاوتش ده شنبر ولا تيوبلس
لو شنبر هاتحل الاربع فرد عند واحد بتاع كاوتش وتكشف على الاربع شنابر ولو شنبر فيه رقعتين غيره
لان الاساس في الكاوتش العاده هوا اشنبر اكتر من الخارجي
لو تيوبلس برضه هاتحل الاربع فرد عند واحد بتاع كاوتش ويكشفلك على الفرد من جوه لو واحده كاسره سلك غيرها
لو واحده فيها 3 رقع فاكثر غيرها
لو لقيتهم كلهم تمام ان شاء الله شغلهم لحد ما النقشة بتاعتهم تتمسح
فاضل تتأكد ان الاستبن سليم بنفس الطريقة
وبالمرةاكشف على الجنوط لو واحد فيه خبطه ولا حاجه ابقى خلي بتاع الكاوتش يعدله
واستمتع

الكوتش تيوبلس
والانتاج مفروض 2006 والاستبن 2006
والاماميين 2008
خارجيا زى ما قلت المنظر العام للنقشه كويسين -- بس مش مستريح لوجود تشققات خفيفه فى العجلتين الخلفيين
اللى هما انتاج 2006 ( العربيه موديل 2007)

كمان الاستبن انتاج 2006 وحالته كانه لسه جديد -- بس كان نايم ورحت لبتاع الكاوتش وسبته له ومنه لله ركب له خابور بدل الرقعه

المشاركة الأصلية كتبت بواسطة moustafa_saad

واحد بتاع كاوتش بس بيفهم
ومتخدعشى فى النقشه ساعات بتبقى سليمه والكاوتش ناشف ومضروب

انا فعلا مش هايز اتخدع بالمنظر العام وفى نفس الوقت مش عايز اتغرم بتمن كوتشين على الاقل لو
تغيير مش ضرورى

ممكن اعرف الانواع والاسعار
المقاس 13/70/175

بعد لفه على السريع

بردجستون تايلانى 356 جنيه ( توكيل ) و 330 محل
الفرق التوكيل بيركب الكاوتش و تظبيط

ميشلان تقريبا تايلاندى 390 محل
كومهو كورى 285 محل

توكيل ميشلان بيبع نوعين وبيدى ضمان 5 سنوات
1--تايجر يوغسلافى اتحاد اوربي ومصانع ميشلان ب 265 تقريبا
2--كومهو كورى 275


المهم
محل شغال من زمان الراجل قال لى هات العربيه امام المحل وبص على
ال4 كاوتشات وعلى الاستبن--وقال لى فرده واحده هى اللى ابدلها بالاستبن الخلفيه شمال
وقال كويسين امشي بيهم 10 الاف كمان كل ده بالتقييم بالنظر
وكمان انا قلت له كده هيبقي الاتنين اللى ورا نوعيين مختلفين ونقشه مختلفه
وبرضه قال لى عادى ولا حاجه تخوف وقال لى انا عايز ابيع بس حرام عليك انت تغير دلوقتى
؟؟؟؟؟؟؟؟؟؟؟؟