النواكل جاية بيها راكبة عليها من كوريا
بس لما تشوف التقفيل الرائع يتاعها هتلاقي شكلها أحلى
ملحوظة: النواكل أصلية محفور عليها Designed for AVANTE
مردتش عليا يا دكتور فى التكييف الtwo زون
كنت عايز صور التكييف من قدام مع التبلوه ومن ورا اللى هو قدام الكنبه الخلفيه
وربنا يباركلك فيها تانى مره
متأسف انا مخدش بالي من المشاركة
بس هو قصدي التكييف ل two zones
يعني قدام وورا ... و ممكن تغيرها يمين و شمال بس مش الاتنين مع بعض يعني مش 4 زون
و التحكم بتاعها من قدام بس
فتحات التكييف الخلفية موجودة أسفل كرسي السائق و الراكب الأمامي
(حسيت بهواها و هي شغالة وانا راكب ورا تحت رجلي)
هما مرضيوش يعملوها في الكونسول زي الجيتا عشان يوفرو مساحة تخزين و يستغلوا المساحة الفارغة تحت الكراسي و الله أعلم
ان شاء الله .... في أقرب فرصة هانزل صور لحضرتك باذن الله
و الله يبارك فيك
الف مبروك وربنا يباركلك فيها ويكفيك شرها ويديك خيرها
تقرير رائع يستحق التثبيت
ربنا يديلك خرها و يكفيك شرها
ربنا يخليك يا فندم بس لو شوفت العربيات المنطقه الحره اللي الشباب راكبينها عاملين فيها ايه مخلينها كنب و مش متنجد كمان هههههههههههه هي الميزه في بورسعيد ان البلد صغيره فمفيش جري كتير و لا مشاوير طويله فالعربيات الملاكي بتبقي حالاتها ممتازه علي عكس العربيات القاهريه بتبقي مهروسه جري و مشاوير كتير
نفسى لية ميخلوناش بورسعيد انتو هتخلونى اروح اسكن هناك
معلش انا معنديش خلفية تاريخية اية حوار بورسعيد معا العربيات
بورسعيد فيها منطقة حرة معفاة من الجمارك
فده بيشجع التجار يجيبوا عربيات كتير من بره مصر متعرفش عنها حاجة و بمواصفات أحسن
و سعرها زهيد جدا لان مفيش جمارك بس دي لسكان بورسعيد بس
عشان كده اي عربية عليها نمر منطقة حرة بورسعيد و ما أكثرهم هناك ... اعرف انها مستوردة من بره و مواصفاتها مختلفة
فالعربيات دي بتشجع التجار يسافروا يجيبوا عربيات من بره غريبة الشكل و المضمون (منها بتبقى منطقة حرة معفية من الجمارك و منها بيدفعوا جماركها و ترخص ملاكي زي حالاتي ) لأن عندهم خبرة كبيرة في التعامل مع العربيات المستوردة..... عشان كده العربيات هناك مزاج و عالي أوي
بعد مراجعة العربية و الكتالوج
ال 2 زون ..... يعني يمين و شمال بكامل طول العربية
عشان كده مفيش فتحات تكييف في مسند الكونصول لكن في تحت الكراسي بيودي على المنطقة الخلفية و زراير التكييف متقسمة نصفين يمين و شمال (وده اللي انا جربته) لكن مفيش تقسيم ورا و قدام
ربنا يبارك لك فيها وديك خيرها ويكفيك شرها ان شاء الله
انا ليا سؤال
العربيه اكيد فيها كومبيوتر و حاجات كتير كده
اخبار اللغة الكروى معاك ايه ؟؟؟؟؟؟؟ عامله مشكله و لا الموضوع مفهوم ؟؟؟؟؟؟؟
معلش سؤال هو حضرتك هتجيب قطع غيار ليها منين لو دى موتور تانى ؟
قطع الغيار الأساسية .... زي موتور ال dohc
بالضبط
نفس الكاتينة و نفس عامود الكامة نفس السيور لا اختلاف
الاختلاف ان مفيش انجكشن و لا مسطرة رشاشات و لا حساسات ولا مانيفولد ولا كابراتير
الرشاش رشق في البستم طوالي
و طرمبة البنزين من عمر الموتور لأنها ميكانيكية مش كهرباء
و عالعموم الموتور ده كتير قوي منه في بورسعيد .... و لو الموتور جاب جاز مني بعد 300 الف كيلو (اللي يعيش .... يديك طولة العمر) ابقى غير الموتور كله برخص التراب ساعتها بالموتور اللي يعجبك
بسم الله ما شاء الله الف مبروك يا افندم على العربية ربنا يديك خيرها ويكفيك شرها بس فيه سؤال عن الترخيص وكده لو اشتريت عربية من بور سعيد وانا فى القاهرة اللى المفروض يتم فى تراخيصها علشان تبقى القاهرة وكده
تقرير ممتاز
ما شاء الله
ربنا يباركلك فيها ويديك خيرهـا
بالتوفيق
طب سؤال اية خطوات شراء عربية منطقة حرة بورسعيد؟؟؟
بسم الله ما شاء الله
ربنا يباركلك فيها ويديك خيرها ويكفيك شرها
اولا مبروووووك على العربية و ربنا يحفظهالك و يديك خيرها ويكفيك شرها
مقدما انا من بورسعيد و حوار المنطقة الحرة انو فعلا اتوقف استيراد سيارات المنطقة الحرة و احدث موديلات فى بورسعيد 2007 و البلد اكتفيت بالعربيات المنطقة الحرة الى فيها يعنى اتلغى الاستيراد تماما
ربنا يباركلك فيها وشكرا على التقرير فهو فعلا ملم بكل شيء
مبروك عليك ربنا يديك خيرها ويكفيك شرها
العربية ماشاء الله جميلة
هيا اسمها افانتي ولا النترا؟؟
الف مبروك وربنا يديك خيرها ويكفيك شرها
انا شفت البارح فيلوستر وبصراحه تنحت
يخرب بيت الجمال ياناس بجد روعه من ورا ومن قدام ومن كل زاويه شكلها حلو بغباء ونظام الشكمان في نص العربيه ده يحسسك انها بورش
هيونداى فى نقلة نوعية حاليا فى حياتها وبتحاول تنتقل من الفئات المتوسطة الى الفئات الاعلى
وتنافس المانى والفرانساوى
هو لسة بدرى علية شوية لكن عى على اول الخط
والناس الى بتشتم دلوقتى فى هيونداى او كيا
فى خلال خمس سنوات هتكون الشراكات دى قادرة على المنافسة
بس ربنا يرحمنا من التوكيلات الغبية والجشعة
ماشاء الله لا قوة الا بالله