دوره التبريد وعيوبها ظهرت في الصيف
اول حاجه التروموستات الي هيا اسمها النحله علشان معرفتش افهمها للراجل بتاع قطع الغيار فطلعلي كل حاجه عنده لحد ما عرفتها وقلي دي اسمها النحله
ودي عملت عليها موضوع قبل كده
http://www.nilemotors.net/Nile/235735-a.html
مشيت شويه ظهر عيب تاني الرديداتير من الجنب الفبره بيهرب ميه
رحت اشتري واحد جديد ما لاقتش اصلي
جبت احسن الموجود المفروض انه كوري 330 جنيه
ركبته عند الميكانيكي وخد 15 جنيه
ولاقيت المياه فيها صدأ جامد
رحت محطه بنزين عندها جهاز كده بيدخل عليها دوره التبريد علشان تنضفها ومره يحط حامض مخفف علشان ينضف الدوره من الصدأ ومره صابون ومره ميه بس لحد ما ينضف الدوره
والموضوع ده اتكلف 60 ماء موبل اخضر + 25 جنيه تنضيف
مشيت شويه تاني لاقيت العربيه بتنقط ميه تاني من جنب فلتر الهواء تحت
رحت للميكانيكي قلي دي طرمبه المياه قلت حراااااااام :crying1:
رحت اشتريها لاقيت الاصلي ب 195 جنيه + الجوان 5 جنيه
وجبت بالمره الترموستات النحله علشان اركبها بدل الي باظ ب 40 جنيه
ركب الطرمبه والترموستات وخد اجره 60 جنيه
واشتريت جركن ميه موبل تااااااني ب 60 جنيه
يعني كده المجموع 800 جنيه علشان دوره التبريد فقط
والحمد الله دلوقتي الوضع مستقر بقاله 4 ايام
ايه رأيكم في الي حصلي ده وراه بعض ؟:B4_592:
وايه رأيكم في الاسعار؟؟؟