مش حاعلق أحسن لأني مش لاقي حاجة عدلة أقولها
عرض للطباعة
مش حاعلق أحسن لأني مش لاقي حاجة عدلة أقولها
فعلآ: ما نزل بلاء إلا بذنب وما رفع إلا بتوبة
لا يغير الله ما بقوم حتى يغيروا ما بأنفسهم - أعتقد اننا لازم ندور جوانا الأول أكيد هنلاقي ذنوب مش واخدين بالنا منها ولو لاقناها نتوب عنها وأي واحد حاسس انه عنده ذنوب أو معندوش يبقى يستغفر ربنا كثير له ولنا جميعاً
قال تعالى:
فقلت اسغفروا ربكم أنه كان غفارا، يرسل السماء عليكم مدرارا، ويمددكم بأموال وبنين ويجعل لكم جنات ويجعل لكم أنهارا "نوح 10-12"
المشكله ان الناس تحاول تنسي المشكله مش بتحاول تعالجها و شخصيا بحب المواجهه مبحبش ادفن راسي في الرمل
والله مش قادر اطلع من المود اللى انا فيه بعد اللى حصل ... الواحد مش عارف يستحمل ايه ولا اييه .. يعنى حتى لما اجى ارد على موضوع ببقى مش هاين عليا ارد
المنتدى جزء من واقعنا ، وشعورنا وحالتنا المزاجية بتنعكس على مشاركاتنا وردود أفعالنا ، ولا يمكن هنلاقى نفسنا هنا مبسوطين والواقع حوالينا زى ما انتم عارفين وإلا يبقى هروب من الواقع ومنتدانا مش كده ، وهى طبعا فترة وهتعدى بس نفسى تعدى بموقف أو حاجة نعرف بيها هنعمل إيه بكره ، مش مجرد تعدى بالنسيان كالعادة.
والله معاك حق يا احمد باشا
فعلاً الواحد بقى عندة اكتئاب مزمن .. حتى المنتدى بقى كلة بنزين
المشكلة ياريت لو على قد البنزين بس
إنما ذى ما قال كريم (دى بداية المسرحية ) و الستارة اتفحت من زمان كمان
ايوه كده يا جماعة انا قصدي ان احنا بدل ما نزود الاكتئاب ده نحاول نخرج منه شوية ....احنا فعلا محتاجين كدة
لو فعلا الانسان احتسب و صبر ... اكيد أجره عند الله كبير
ربنا يعدي الازمة دي علي خير .... مين عارف يمكن مقابلة يونيو نعملها عند البغل ....دي تبقي حكاية بصحيح
تصدقو انا بقالي يومين مش باتابع اي اخبار ... اروح امبارح اشوف التلفزيون الاقي الاهلي اتغلب مرتين 2 / صفر و 3 / صفر :eek:
يظهر اللعيبه برضه عندهم اكتئاب :D:D:D
رد فعل طبيعي يا باشا على الأحداث الاخيرة ....ده لو ما حصلش يبقى فيه حاجة غلط...و كلها كم يوم و الروح المعدنية تعلى تاني ......سيبك أنت أنا مبسوط انك طلعت أهلاوي :)
حالة الاكتئاب اصابت الدنيا كلها
احكيلكم موقف النهاردة نزلت شغلى مواصلات ركنت عربيتى وركبت ميكروباص وكان الاتى
الواد التباع بقولة الاجرة كام يرد يقول اية تخيلو ( يقولى زادت ربع جنية )قولتلو انا بسأل كام الاجرة مش زادت كام
المهم الناس دفعت الزيادة بدون ادنى تعليق وكأن على رؤسهم الطير بجد حسيت انهم فى حالة ردوخ تام وإكتأب ما بعدة اكتأب