عرض للطباعة
يا جماعه انا معاي سكودا فليشيا 97 المشكله ان من فتره لقيت مؤشر عداد الار بي أم بيتحرك يمين و شمال بطريقه عشوائيه و من غير ما صوت الماتور يزيد و رحت لواحد ميكانكي قالي ان المشكله في الاسبراتير الالكتروني و المفروض اغيره بعد يومين بقيت احس ان العربيه بتنتش كده و الار بي ام بيلعب ولو انا دوست علي الدبرياج النتشه ديه بتقف فهل المشكله ديه فعلا مشكله اسبراتير و الاسبراتير ده مبيتصلحش ولو هشتريه يبقي منين و بكام و شكرا يا جماعه مقدما
انا فى نفس المشكله واعتقد انها مش هتروح بص والنبى قولى عملت ايه الله يكرمك بس دى حاجه كهربا انا غيرت كل حاجه مشط موبينه اسبراتير وبرضه موجوده والنبى قولى عملت ايه الله يكرمك لانى ابتديت اتاقلم على العيب دا وموضوع التنتيشه دا خلى الميكانيكى يغسل الاسبراتير ببنزبن ويركبه كويس
كانت عندى ووغيرت شاكوش الاسبراتير ب 15 جنيه وراحت
طب موضوع النتشه ده كان عندك ولا مجرد عداد الار بي ام رايح جاي و اعرف منين اذا كنت محتاج تغيير الاسبراتير كله ولا شاكوش الاسبراتيراقتباس:
المشاركة الأصلية كتبت بواسطة dado_256
انا وحياتك جايب الاسبراتير جديد بشاكوشه وبرضه موجوده
جايز سلك البنزين مشعر وبيعضاقتباس:
المشاركة الأصلية كتبت بواسطة mada3030
ودى اعرفها ازاى :_Alshmokh11:اقتباس:
المشاركة الأصلية كتبت بواسطة zico2009
المشكلة دى برضه عندى من اكتر من سنتان ازاى اعرف ان كان العيب من الأسبراتير
ملحوظة الاسبراتير صينى و مركبه من ثلاث سنوات تقريبا
المشكلة متعلقة بمجموعة الكهرباء موبينة .. مشط .. اسبراتير
نفس المشكلة كانت موجودة وراحت بتغيير المشط ورجعت بعد فترة تانى ... المشط تركى مش اصلى
و هل غيرت المشط بمشط اصلى و أختفى العيباقتباس:
نفس المشكلة كانت موجودة وراحت بتغيير المشط ورجعت بعد فترة تانى ... المشط تركى مش اصلى
انا كان عندي المشكله ديه وراحت بعد تغيير الاسبراتير تماما
الاسبراتير كان صيني
مجموعة الكهرباء ((( موبينة - مشط - إسبراتير - كابلات البوجيهات - التوصيلات ونقاط التلامس )))
بعد مفتكرت تجربتي مع الموبينة هيا المسئولة عن مؤشر الـ rpm ولو المؤشر بيتحرك بصورة عشوائية دة بيكون بسبب الموبينة او التوصيلات
أما بالنسبة لموضوع النتشة ياتري النتشة دي على طول من أول ماتدور العربية ولا لما العربية تسخن ........ لو كانت الاجابة بأ، النتشة بعد لما العربية تسخن يبقي 100% موبينة وعاوز تتاكد لما تحصل النتشة بطل العربية وافتح الكبود وهات فوطة مبلولة وحطها على الموبينة وبعد كدة دور العربية هتلاقيها ماشية عادي لحد ماتسخن مرة تانية وتظهر النتشة من جديد
ونصيحة علشان الفليشيا الحوض بتاعها بيسخن شوية زيادة عن باقي العربيات فدايمن بيحرق الموبينة نتيجة الحرارة الزائدة والموضوع دة أنا اتعرضت لية أكتر من مرة وكان الحل بالنسبة لي تركيب موبينة إلكتروني عاملة زي محول الكهرباء من الكوز العادية
وأسف على الاطالة وارجو أن أكون قدمت معلومة جديدة
http://www.nilemotors.net/Nile/379564-a.html
ودة لينك موضوع يخص الموبينة اللى بتكلم عنها والموبينة أثبتت كفاءة والحمد لله
أنا عندى الصبح لما بدور العربية الار بى ام بيبقى نايم مبيتحركش و بعد ما امشى بالعربية ربع ساعة فجأة الاقيه يقوم ناطر مرة واحدة ل4000 و يعلق شوية و بعدين ينزل لصفر و بعد كدة يتذبذب شوية و بعد كدة يثبت و زى ما قلت قبل كدة دة موضوع بقاله سنين و مش عارف ليه