-
تحذير هام
كل سنة وانتوا طيبين ورمضان كريم
حصل معايا موقف عايز احذر الناس كلها منه كنت مسافر الغردقه بالعربيه و قبل السفر ظبط الكاوتش و رصصت العجل و ظبط الزوايا و كله تمام توكلت على الله و سافرت ماشي الطريق 150 كم/س و الدنيا حلوه كان قاضلي حوالي 60 ك و اوصل فجأه الكتوتش الي ورا عملها قلت مش مشكله يمكن خرم نزلت من العربيه لقيت الكاوتش نتحمص من كتر السخونة و ناشف حجر و مقطوع و خارج بره الجنط انا كنت ماشي بالكاوتش الي بينزل مع العربية الي هوا دانلوب
نصيحه يا جماعه اي حد بيسافر كتير و عنده الكاوتش ده يغيرو فورا ده عمر انا نزلت الغردقه جبت 4 فرد بيريللي من كتر خوفي اني ارجع ب الفرد القديمه
وربنا يستر على الناس كلها
-
احمد ربنا انه الكاوتش الخلفي مش الامامي وحمداً لله علي سلامتك بس متهيالي ان مش كل الاطارات الدانلوب كدا احتمال عيب تصنيع للفردة دي بس هل لاحظت اي مظاهر من الي زكرتها علي باقي الفرد بتاعت الكاوتش
-
هو الدنلوب هو اللي بينزل دلوقتي ؟
اللي أعرفه كان الكومهو وبعده بريللي
-
الحمد الله انك بخير , بس هل الاربع فرد كانوا كدة ولا الفردة دى بس ؟
-
حمدلله علي سلامتك بس هو الكاوتش ده حضرتك عامل عليه كام كيلو؟
-
-
الحمد لله على سلامتك
مش شرط الأربع فرد يكونو وحشين يعنى مثلا انا كنت مغير الأربعه مع بعض و بعد 30000 لاقيت واحده عامله بلونه من الجنب ممكن بسبب بلاعه أو خبطه
هل اتاكدت من ضغط باقى الفرد قبل ما تغيرهم؟
-
انا عندي الكاوتش الخلفي عامل بلونه من الجنب ده خطر ولازم يتغير ولا ايه
-
لازم يتغير لأنه كده عرضه للانفجار و ده حصل معايا من 7 سنين
-
طالما انك مسافر على طريق طويل وانت فى الاستراحة رش علية مية علشان الكاوتش يبرد اسرع
المعلومة دى من سواق على طريق العريش
Content Relevant URLs by
vBSEO 3.6.0 PL2