ازيكم يا رجاله...كل سنه و انتو طيبين...جايبلكم اخبار حلوه عن القلم بتاع الخدوش...نزلت من كام يوم اشتري شويه حاجات للمركبه و قولت اسأل الراجل عن حاجه للخدوش...قالي في كريم و في قلم.قولتله وريني القلم و هو fix it pro..بكام يا باشا قال ب "مش قايل من باب السخافه‏"‏ ههههههههههه روحت مشتريه و طلعت ع السياره و قالك اهم حاجه تكون الشمس سخنه نار عشان تحصل علي افضل النتاىج...النتيجه مش فوق المذهله بس انا شايف انه احسن من الكمباوند بكتير و بينفع في الخدوش العميقه مش العريضه.يعني لو الخدش جايب المعجون بس مش عريض القلم هيظبط الآداء بإذن الله..ال عاوز اقوله بأه ان الماده بتاعه القلم دي هيه هيه نفس الماده ال بيحقنوا بيها الازاز و يقولك هات 150 جنيه و هيه مش مكلفاه اتنين جنيه و دي صوره للقلم و ينفع لكل الالوان طبعا لأن القلم نفسه شفاف...shopaholic.pk/......./images/fix-it_pro.jpg?osCsid=f9c14d39d456da29680fa9d8f8344b5e