يا تري يجماعه الاوبترا 2012 نفس الشكل القديم ولا حتتغير أو يزودوا أوبشن فيها؟
عرض للطباعة
يا تري يجماعه الاوبترا 2012 نفس الشكل القديم ولا حتتغير أو يزودوا أوبشن فيها؟
شكلها حتكون هيه هيه
نفس الشكل واعتقد ان هيتوقف انتجها اصلا لان المفروض الأفيو الجديده هتنزل وللأسف هتعمل زى الهيونداى اكسنت ار بى فى السعر والله اعلم
هو ايه اللي هيلخلي شكلها يتغير
مش الكروز اصلا هي التطور بتاع الأوتبرا؟ زي ماكانت الأوبتر التطور بتاع النوبيرا ؟
زى ما قال الزملا
الاوبترا الجديدة نزلت من سنتين او تلاتة تحت اسم الكروووز
و بالتالى المصنع هيفضل يصنع ف الشكل القديم طول ما الوكيل شايف ان العربية عليها طلب و بتتباع
وبالتالى الاوبترا مش هيتغير شكلها خالص
لكن اللى ممكن يختلف هو الاوبشنز
ومظنش ان منصور بيزود حاجة عشان هيرفع السعر و الناس مش هتشترى
و بعدين ماله الوضع الحالى موز الموز و لوز اللوز
بس هو الابه بى اس و الاير الباج هما اللى حازين ف نفسى
هى هتفضل نفس الشكل علشان عليها طلب ومعتقدش انو هينزل اوبش جديد للعربية علشان سعرها يفضل مناسب
هي اصلا سعرها غير مناسب حاليا 101 الف من غير ايه بي اس ولا ايرباج
بس ياباشا عربية اعتمادية وقطع غيارها متوفرة وتوكيل كويس
واهم من كل دة ان ربنا يسترها معانا جميعا
توكيل كويس فى ايه
انا شايف ان سعرها مبالغ فيه زى كل عربيات منصور
بيكسب بالعبيط
انا شايف ان اللوجان والفلوينس والسيراتو والاوكتافيا والسوبارو والمازدا 3 والكارينز والصنى
كل دى عربيات اسعارها معقوله مقارنة بالمنافسين واسعارالسوق المحلى وليس الخارجى
معلش ياجماعة لو تسمحولي انا شايف في رأي انا بصراحة مش الكروووز هيا الامتداد للاوبترا
الامتداد فعلا هو شيفرولية ابيكا حتى لو نيجي نقارن في الصور هتلاقيها فعلا فيها شبة من جوة التابلوة ببتاع الاوبترا بس على اكبر واخم وبالنسبة للكروز انا شايف في رأي الشخصي انها مش هيا الامتداد بتاع الاوبترا لان ليها خط تصنييع في امريكا طلع جديييد زي برضو الشيفرولية المالييبوووووووو والشيفرولية الترافيرس
اللوجان اساسا عربية رخيصة وتكنولوجيا قديمة شوية "الميجان 1 يعني 99" داخلة بدون جمارك يعني بره الحسبة دي و بردوا التوكيل بيكسب كويس منها
السوبارو الموديل هيتغير السنة اللي جاية و شوف سعرها هيبقي ازاي غير انها مش مطلوبة في مصر
المازدا 3 غبور بيعمل عليها عروض عشان عايز يسوقها
الصني تجميع مصري و سعرها قريب من الأوبترا الكوري بالكامل بس هي فعلا اللي محافظة نوعا ما علي سعرها و هي العربية الوحيدة اللي اقل من الأوبترا في السعر و اتوماتيك
الكارينز نفس فئة الماتريكس و نزلت بفرق سعر كبير عن الماتريكس
الأوكتافيا الفانتازيا ب 180 ألف يبقي سعرها معقول ازاي و دي بتدخل في مقارنة مع الجيتا بس مع ان ال a5 كانت ب 150 الف اللي مش كل الأوبشن
انا قصدي ان كل العربيات و كل التوكيلات بتبالغ في اسعار عربياتها مش منصور بس و بتنزل فيه اوبشنز قليلة جدا
و هتلاقي التوكيلات دايما بتعاني من الخليجي و طبعا كيا اشهرهم
السلام عليكم
انا كنت سمعت من واحد ثقة يعمل لدي احد الموزعين المعتمدين لمنصور ان الاوبترا اخر موديل ليها 2011 الكلام ده كان من فترة كبيرة يعني في اول السنه معرفش في حاجة اتغيرت و لا لأ