المشاركة الأصلية كتبت بواسطة IronHead
متقرص على الموتور وانت اسه فى اول 1000. خليك زى مالكاتالوج بيقول: متعملش تسارع مفائق, متعديش 3000rpm, متمشيش على سرعة ثابتة فترة طويله و متكبسش فرامل جامد مره واحدة اللا طبعا اذا كنت مضطر وحتخيش
بخصوص استهلاك البنزين انا مشفتش عربية استهلاكها زى الشارك فى الفئة بتعتها, لو ثبت 90km/h هتعمل متوسط 5.8liter/100 km, على 100 km/h بالتكييف متوسط 6.5liter/100km مشاء الله, بس ده طبعا بعد التليين
بخصوص الكماليات انا اللى اعرفه انك ممكن تركب الكماليات العادية زى انذار سينسورز وكاميرا بس بدون لعب فى ضفيرة الكهرباء
اللى اقدر افيدك فيه بس الكاميرا الخلفية ان دى الحاجة اللى ركبتها
انا ركبت كاميرا خلفية مش بتحتاج تخريم فى الاكصدام, بتركب فى التجويف اللى فوق النمر على طول, وركبت شاشه صغيرة تقريبا 3.5 بوصه, والاسلاك كلها بتبقى متدككه فى الباكيتات اللى بتمشى فيها ضفيرة الكهرباء, بس مالهاش دعوة بالضفيرة خالص, هو اللى بيركبها بياخد كهرباء من السلك بتاع لمبه المارشدير عشان الكاميرا تشتغل لما تجيب r. ولو انت ناوى تركب كاسيت dvd يبقى مش لازم تجيب شاشة عشان الكاميرا ممكن تتوصل بالdvd وتعرضلك الصورة عليه
انا شايفه مهمه كدة عشان مشكله الشارك ان الشنطة بتاعتها عاليه بتخليك متشوفش اى حاجة وراك
والميزة فى الشارك ان فى تجويف بتاع النمر فى اسفل الاكصدام فممكن تركب الكاميرا بدون متضطر تعمل خرم فى الاكصدام
انا ركبت الكاميرا عند واحد فى شارع دمشق فحدود 450 جنيه بالشاشة
اللى اعرفه انك لو محسوك شويه وعايز تعمل كل حاجة فى التوكيل ممكن فى تجيب الكاميرا وتركبها فى الوكيل القديم مصرية
وربنا يكرمك انهردة فى الترخيص ان شاء الله