فيه ناس لما تشوف ردودها فى اى موضوع لازم تقراه حرف حرف وانت من الناس دى
:verygood:
ياجماعة الرانج روفر دى موديل من موديلات اللاند روفر - وده يمكن أحسن موديل نزل للاند روفر على الاطلاق - فى منها نزل من سنتين أو تلاتة فاتوا موديل سبورت يوعدكوا ربنا كده وتركبوه - ياجماعة احنا بنتكلم على عربية فائقة الجمال والانسيابية والاعتمادية والفخامة أيضا - بس للحق وعشان الصورة تكمل برضه أى قطعة غيار فيها خصوصا الكمبيوتر بتاعها لو باظ محتاج تبيع شقتك عشان تصلحه :_Alshmokh11:
بصو يا جماعة الصراحة الواحد بيجهز تقييم لتجربة القشقاي وهي بتاعة الوالد وانا عن نفسي لو حطيت في خيار بين القشقاي و رينو ميجان حختار الميجان او جيتا او كيا سول حختار السول وانا رشحتلو السول والله العظيم حاولت اقنعو بيها ودي حاجة اقتناع شخصي مش اكثر ودي من الترشيحات اللي كنت مديها للوالد
وبما ان ده قسم مقارنة ولقيت احد الاخوة محتار حبيت انقلو تقييم محترم من مكان محترم بياخدو بيه في شركات كبيرة
ومحطتش كلمة من بقي في التقرير والقسم اللي هو مجرد مقارنات دون وضع راي شخصي حتى مرضتش اترجمو الاقي كل واحد معاه عربية كوري زعلان ليه مبنقبلش النقد
انا جربت عربيات بعدد شعر راسي وعشت في الامارات 18 سنة الحمد لله سقت بورش كايين توربو وسقت توارق وسقت لاند كروزر ورنج روفر وسقت هامر اتش تو وبي ام اكس فايف ونيسان انفينتي كيو اكس 56 وسقت كيا سبورتج اللي بشوفها في الامارات كل عيد مرة عشان محدش مقتنع بيها هناك ومقلتش اي حاجة الاقي الناس داخلة بتجري عشان شافت موضوع على عربية ياريتها عندهم حتى لا عشان هي كوري وازاي واحد يغلط في كوري يا جماعة كل حاجة فيها حلوها ووحشها وكل واحد بيحدد مبلغ عشان يشتري بيه عربية طبقا لاشتراطات معينة يعني واحد عاوز فخامة ومعاه 200 الف حتقولو يشتري ايه ؟
واحد معاه 120 ونفسو في حاجة فيها اوبشنز ومعندهوش مشكلة يتنازل عن بعض الحاجات اللي موجودة اللي في نفس الفئة بس اغلى سنة حنرشحلو كوري وصيني وطبعا الكوري لا كلام عليه و احنا كان عندنا في مصر دايو نوبيرا
يبقى ايه المشكلة لما تقارن بين حاجتين وتختار الافضل وييجي واحد يساعدك ويقولك رايو والتاني يقول رايو بدون ما يفرضو لمجرد انو عاوزو يشتري نفس الماركة اللي معاه انا بيعجبني في الجماعة الاجانب حاجة واحدة ان نقاشهم مفيد اما احنا نقاشنا دايما بنتجادلو ولازم كل حاجة نحولها لاهلي وزمالك وانا اهلاوي الحمدلله وبقول للكل انا مش حرد في الموضوع ده تاني لاني بجد اترفع ضغطي
لان الموضوع دخل في ان احنا نتجادلو لمجرد المجادلة وعشان محدش يزعل لاني مبحبش اشوف التعصب ده لانو ده من سبب تاخرنا كمصريين فانا الحمد لله حرجع لعادتي اتفرج واسكت او متفرجش خالص
يااااااه الموضوع تشعب قوي كده ليه
انا شفت الموضوع امبارح و كنت محضر الرد بس في ناس ردت و قالت اللي كنت عايز اقوله
اولا فعلا معروف ان تقيمات توب جير فيها بعض التحيز لكل ما هو اوروبي عامه و انجليزي خاصه فطبيعي يفضلوا القاشقاي
ثانيا ملاحظ انهم مش حاطين العربيتين في نفس الفئه اصلا حاطين الكيا في كاتيجوري اعلي من القاشقاي و ده يبان من العربيات اللي بيقارنوها بيها هتلاقي السبورتاج بتنافس الكابتيفيا و الاوتلاندر مثلا و مش جايبين سيره القاشقاي خالص
هتلاقي منافس القاشقاي الرئيسي هي الميتسو asx وده واخده نفس التقييم بالظبط و غالبا عشان برضه تجميع انجليزي
علي سيره الفورد الفيستا و الفوكس القديمه و المونديو تبع فورد اوروبا فعلا و ده قسم شبه مستقل من فورد و اللي هي طبعا شركه امريكيه بس دلوقتي ابتدوا يوحدوا منتجاتهم
اما بقي من ناحيه الرانج روفر ففعلا ال offroading بتاعها معروف لكن برضه معروف ان اعتماديتها في الضيااااع و يكفي ان اول ما اسم راينج روفر يذكر لازم تسمع الكلمتين دول كهربا و هيدروليك
اما وضعيه الجلوس فيها فهي زي وضعيه الجلوس في العربيات النقل بتبقي حاسس انك راكب علي العربيه مش فيها
بص ياباشا - انت بتقول رأيك اللى يمليه عليه ضميرك وخبرتك بما انك سوقت سيارات محترمة كتير وجربت الكويس واللى مش كويس - والمفروض كلنا نحترم رأى بعض بغض النظر انه متفق مع آرأنا أو لأ - وده مش معناه انك تزهق بسرعة - طول بالك واللى عايز ياخد برأيك ياخد واللى مش عايز هوة حر - بس عموما بصرف النظر عن موضوع المجادلة ده - أنا أحترم اللى بيتكلم عن تجربة وخبرة عملية مش مجرد كلام عالفاضى وخلاص - وأخيرا لك تقديرى واحترامى ولكل الزملاء فى المنتدى الكريم - ومدام انت أعلنت عن التقرير بنفسك - فأنا أول واحد يطلب منك نشر التقرير بكل التفاصيل الدقيقة المملة وطبعا بالصور فى أقرب وقت ممكن - وشكرا ياباشاااااااااااا
يا ريس مع احترامي الشديد لحضرتك انت حطيت الموضوع ومنتظر فقط الردود تكون من نوعية شكرا على الموضوع، وشكرا على المعلومات المفيدة و شكرا وشكرا وشكرا ونسيت ان دي ساحة حوار ونقاش وكل واحد حر يقول رأيه طالما لم يتعدى على حريتك
أولا أنا بدأت كلامي ب "بعيدا عن تقييم السيارتين لأني مجربتش ولا وحده منهم" وكان رأيي اللي انا حر فيه اني مش بقتنع برأي توب جير ( أيا كان رأيهم ده صح أو خطأ) وقولت السبب
ثانيا أنا على مدى 14 سنة امتلاك لعربيات مركبتش كوري غير 4 شهور في حياتي وده ميمنعش اني وانا باشتري عربيتي الاخيرة كنت بفكر جدا في جنسس كوبيه لأنها كانت تقريبا بنفس السعر بس لقيتها مش هتنفع عائليا فاخترت التشارجر عشان تعتبر الى حد ما رياضية وعائلية في نفس الوقت
أرجو متزعلش من طريقة كلامي لأني عاشرت البدو في الامارات والسعودية أكتر من حضرتك
وازعل ليه بس ما دام احنا خوات وبنحاول نفيدو بعض بس انا مبحبش طريقة دي معايا دي احلى حاجة
حندخل في نقطة جدال تانية عاشرت اكتر منك انت ايش عرفك وانت اتولدت في وسطهم انا اتولدت في وسطهم على فكرة وما دام انت معاشرهم اكثر مني الله يكرمك قولي معنى كلمة هامبا بالاماراتي
المهم بس انا مقلتش عاوز شكر لو انا قلت كده طلعو من كلامي الله يكرمك
بس انا بتكلم على نقطة كل واحد زعلان من توب جير انو انتقدلو عربية يحبها داخل ويقول تقييم معرفش اي
معلش يعني سؤال بسيط يعني فورد كبراند بقت كده اوروربي اصل لو كده مصر تلم شوية فلوس وتديها لاي مصنع في اوروبا يعملها عربية
المصنع بكامل معداتو تحت اشراف امريكي لكن موجود في دولة اوروبية بعمالة اوروبية
زي الشيفرلوليه كده جنرال موترز فارده نفسها في العالم كله لكن الصناعة تحسب ليها في الاخر
بالنسبة للرينج روفر مش حدخل في جدال فيها لاني واثق الكل بيتكلم عن سمع واحنا احسن ناس نقولو كلام مرسل
ومش حتكلم عن تجربتي فيها لان الموضوع ده مش بتاع الرينج الموضوع ده اللي عاوز يستفيد من التقييم كان بها واللي شايف التقييم مزعلو ببساطة جدا يدخل على اي موضوع بيشكر في السبورتج و ينسيى اللي انا قلتو
اللي عاوز يتكلم عن الرينج يدخل منتدى بتاع بلد العربية فيها منتشرة عشان يسمع الكلام بس بالنسبة لموضوع الهيدروليك الصراحة دي اكيد اشاعة
وجزاكم الله خير :)
وكل عام وانتو بالف خير