طريقة سهلة لغسيل الريداتير ودورة المياه بدون فك .. موضوع منقول

**Abo-Islam** · 09-08-2011 12:04 AM

السلام عليكم ورحمة الله وبركاته

أولا يجب التنوية أن الموضوع منقول و ذلك للأمانة.

اكيد كتير مننا بيلاحظ عند تزويد الميه بالريداتير او القربة وجود صدأ فى الميه وده طبعا ممكن يسبب سخونة للموتور ومشاكل كتير ..

وكتير مننا بيروح لمتخصص ريداتير علشان يغسل دورة الميه وياخد منه 15 او 20 جنيه .. مع ان ممكن يعملها بنفسه ..

طبعا علشان تغسل دورة الميه هتحتاج خرطوم ميه وبنسة و مفك ..

1- اول حاجة هنفك خرطوم الراجع من الموتور (الخرطوم اللى بترجع فيه الميه من الموتور للريداتير تانى .. وده اللى بيكون واصل فى الريداتير من فوق) وهنفكه بفك الكلبس او الافيز اللى مربوط بيه (ممكن نفكه من ناحية الموتور او من ناحية الريداتير الاتنين واحد)

2- وبعدين هتفتح غطا الريداتير وتدور العربية وتفتح المية على اخرها (خرطوم الميه) وتحط الخرطوم فى فتحة الريداتير وتبدأ تزود بنزين جامد (على rpm 4 او 5) باستمرار لمده دقيقتين او تلاته ..

هتلاحظ فى الاول ان الميه الخارجة من الموتور مليانه صدأ وبعدين تبدا تنضف ..

3-وبعدين شيل خرطوم الميه من الريداتير واستنى لما كل الميه تخرج من الموتور ..

4- وبعدين تبطل العربية بسرعة وتركب خرطوم الريداتير مكانه تانى ..

5- وبعدين هتدور العربية وبسرعة تبدأ تحط ميه فى الريداتير ويستحسن تحط ميه خضرا او حمرا ..

وبعد الريداتير ما يتملا اقفل الغطا وافتح القربة وزود فيها ميه لغاية علامة max ..

وكده تبقى انت غسلت دورة الميه وغيرت الميه بنفسك من غير صنايعية ووجع قلب ...

يا رب الموضوع يعجبكم وتستفيدوا منه ...

**mrghost** · 09-08-2011 10:31 PM

شكرا ع المعلومه

**ibrahimsaad** · 09-08-2011 11:36 PM

الف شكر على المعلومات دى لكن اعتقد ان كده هيبقى فيه ميه عاديه متبقيه بالاضافه للميه الخضراء

**smsm_cato** · 10-08-2011 10:38 AM

شكرا على الاضافة

**Fadi Ezzat** · 10-08-2011 10:58 AM

وكدة بردة انتا مليت دورة المياة هوا كتيييييييييييييييير اوى

**mohkhattab** · 10-08-2011 01:14 PM

المشاركة الأصلية كتبت بواسطة teto2007

طيب ازى اسحب الهوا من دورة التبريد ما غسلنا ة ارجو الافادة

و دا سؤال مهم جدا فعلا و عاوزين نعرف اجابته

**Zika9909** · 11-08-2011 03:10 AM

متابع

**killypunto** · 11-08-2011 02:00 PM

انا اعرف ان التنظيف ده بيكون بضغط المياه

يعنى هى نفس الخطوات دى بس بجهاز بيضخ المياه بضغط عالى شويه , اعتقد ان هو ده اللى بيمنع وجود هواء جوه

و بعدين هو مش لما اشغل و انا موصل كل حاجه و ابتديت ازود مياه و اسيب الغطاء مفتوح و ادوس بنزين كده الهواء هيخرج؟