يعنى ايه عفشه ناعمة وعفشه خشنة (منقول)للاهميه.........

لموضوع منقول للاهميه
تعرف منين عفشة العربية ناشفة ولا ناعمة
من كلام السوق و على بلاطة
فى الثبات :
اول ما تفتح الباب و تقعد على الكرسى شوف لو العربية بترحب بيك و نزولك على الكرسى العربية امتصت وزنك و احتوتك كدة بالراحة ..تبقى عفشة ناعمة
-اما لو نزلت على الكرسى حسيت ان العربية هبدت من وزنك و ذى ما تكون بتقولك ..يوةة انت هاتركب تانى !! .. ولقيت نزول العربية بوزنك مضغوط وعلى مرة واحدة يبقى ..عفشة ناشفة

فى المشى و الحركة :
لو مع المطبات و ارتفاعات الطفيفة فى الارض حسيت بالعربية بتاكل الطريق و وزنها خفيف على الاسفلت و مش فارق معاها الكلام اللى فى الارض دة ...يبقى عفشة ناعمة

-لو حسيت بدبدبة بتسمع على صورة ذبذبات مكتومة فى ارجاء العربية وذى مايكون العربية ماشية تتأكد من كل زلطة على الارض و تطمن انها داست عليها ...تبقى عفشة خشنة

فى السرعات العالية :
الخشنة اللى ماكنتش طايقها .... هى دى اللى هاتديلك الثبات اللى هاتكلم اصحابك علية
الناعمة اللى كنت مبسوط بيها جوة البلد .......هى دى اللى هاتديك شوية التعويم و المرجحة اللى هاتقلقك و تخليك تنزل بالعداد ل 120 تانى

جزاك الله خيرا علي المعلومة وكل عام وانتم بخير :)

اقتباس:

---

المشاركة الأصلية كتبت بواسطة sonaeg

جزاك الله خيرا علي المعلومة وكل عام وانتم بخير :)

---

شكرا لمرورك........... وكل عام وانتم بخير

معلومات مفيدة جدا
تسلم علي نقل التقرير
طيب ........ مفيش حاجة كاملة يعني
يعني عفشة ناعمة وبتدي ثبات عالي :)))

كلام غلط 100% وشكرا على مجهودك

بس مش كل عفشة خشنة تبقى ثابتة دة مفهوم سوق بجد لكن علميا غلط

شكرا علي نقلك و تعبك
لكن اللي بيحكم النعومه و الخشونه أكثر من عامل أهمهم طول و قصر شوط المساعدين و مدي إستجابتهم للإنضغاط و الإنبساط و كذلك اليايات
و اللي بيحكم الثبات أكثر من عامل زي طول قاعدة العجلات و تقنية نظم التعليق و توزيع وزن العربيه بين المحاور الأماميه و الخلفيه و وزن العربيه
دول بعض العوامل و ليست كلها
و من الممكن أن تجمع عربيه واحده بين النعومه و الثبات في آن واحد
و كمان ممكن عربيه تنفرد بالنعومه دون الثبات و العكس
و أمثلتها كثير في السوق المصري

شكرا للأخوة الكرام على تصحيح المعلومة و جزاكم الله خيرا

المرسيدس اكبر مثال للسيارات النعمة والمريحة مع ثبات جامد جدا

مثال تانى للعفشة النشفة السيراتو مثلا وثبات مقبول

مثال للعفشة الناعمة و الثباااااااااااااااااات السيفيك !!!!

ف هى معادلة بين طول مشوار المساعد و اليايات وارتفاع العربية عن الارض والايروديناميكس ونوع التعليق نفسة

شكرا علي المعلومات القيمه