الموضوع: سيات كوردوبا 1995

انا معايا كوردوبا 2002 و اخويا معاه لانوس 2001
وبركب الاتنين و بصراحة لا يوجد وجه مقارنة علي الاطلاق بين الاتنين

ومش عشان انا اللي معايا كوردوبا ولكن الفرق شاسع في النعومة و الراحة و الثبات و الفرش الداخلي و الخامات و التكونولوجيا و شكل التابلوه وقوة العفشة و العزل الداخلي واستهلاك البنزين و قلة الصيانات و كل حاجه تقريبا لصالح الكوردوبا

الفرق الوحيد اللي لصالح اللانوس و المهم هو سهولة البيع
بكل صراحة الكوردوبا عربية اللي يشتريها يبقي فهملها و هيركبها لأنها تقيلة في البيع ويكون مبيفكرش يغير باستمرار زي الناس اللي بتغير كل سنة مثلا ... هي هتتباع ولكن تقيلة شويه لأنها ليها زبونها زي كل العربيات الأوروبي
المهم لو نويت تشتري كوردوبا تكشف عليها كويس و ياريت تقلنا محركها كام سيسي و عاملة كام الف و ايه ظروفها بالضبط عشان نساعدك في اتخاذ القرار و ربنا يوفقك

المشاركة الأصلية كتبت بواسطة ahmedsepak

الف شكر علي مروركم يا جماعة

العربية 1600 و اللي جايبهالي قالي عاملة 100000ك تقريبا
و المشكلة اني من الاسكندرية و مش اي حد بيشتغل فيها و اللي بيشتغل فيها اسمع انه غالي جدا

مشكلتك فعلا انك من اسكندرية و لازم تكشف عليها صح الصح و تعرف الموتور ده نازل فيها اوريجينال ولا متسقط ولو متسقط معمول شغل صح ولا ايه ظروفه
لكن الموتور 1600 علي العربية دي ممتاز جدا جدا و 100 الف كيلو ولا حاجه في العربيات دي بس أشك في ذلك لأن الموديل قديم بس خلي بالك ان ممكن يكون اتلعب في العداد


الله المستعان ربنا معاك