فورد فيستا 98 أرجو المساعدة ضرورى

معايا فيستا مو 98 1300
لسه شاريها وخايف أكرهها.......

أولا عاوز ميكانيكى وعفشجى ممتاز ويارب ناحية المعادى أو حدايق القبة ولو فى مكان بعيد مش مهم
العربية عايزة مساعدين عاوز أعرف سعرهم وأجيبهم منين والنوع الأفضل......
الموتور صوتة عالى وبيسخن جدا لدرجة غريبة لازم أوقف العربية شوية لغاية ما تبرد......فى ناس بتقولى ده شمبر والعربية هتاكل معاك زيت وهى ولا بتاكل زيت وسحبها ممتاز.....
فى صوت زنة شديدة فى العربية بتروح لما أدوس دبرياج........ولما أشيل رجلى ترجع تانى فى ناس بتقول بلية الدبرياج....
الفتيس بقى تقيل وبيعض وأوقات بيعذبنى فى الغياارت......

انا عايز بقى ميكانيى كويس يظبطلى الدنيا دى ........وبخصوص التبريد صاحبها كان ركبلها مروحة أصلية بس اللى ركبها هى بعيدة عن الرداتير فعايز أقربها منه أروح لمين؟؟؟؟؟؟

العربية بتاكل بنزين شوية

عايز حد بتاع أبواب يصلحلى شوية كوالين وباب الشنطة .......وعايز أعرف مساعدين الشنطة بكام.....
أسف للإطالة بس أنا محتاس ومش عارف أتحرك إزاى....وراكن العربية وكمان عارضها للبيع.....وشكرا

الف مبروك علي العربية اولاآ.
بس لية تجيب عربية حالتها تعبانة كدا. عموما حصل خير.
في ميكانيكي ممتاز اسمو احمد فرج جمب نادي النخيل في جسر السويس.
وقطع الغيار المستعملة ارشحلك الصفا في الحرفين.
وممكن تلاقي عناوين ميكانيكية اكتر في ارشيف المنتدي الي جو كان عامل موضوع فية.
والله الموفق.

انت تاني مرة تكتب الموضوع على ما اذكر
جوز مساعدين استيراد من 300 - 500
جديد اصلى 1250 عند يافا
جديد مش اصلى من 550-750
و عموما لو ليك اي مشاوير قريب من مصر الجديدة او مدينة نصر ممكن تكلمني و نتقابل
او لو الدقى قريب ليك انا هابقي اليومين الي جايين لحد الجمعة كل يوم بعد الفطار هناك و لحد الساعة 11 على الاقل

شكرا لaYaBooY وأنا أول مرة أكتب موضوع بس كنت كلمتك على الخاص قبل كده.......
طيب أولا أيهما أفضل جداد ولا إستيراد.......
وانا هاكلمك ونتقابل وعاوز أروح لميكاينكى بيفهم حتى لو غالى شوية مش مهم ممكن حتى نرروح لقطب انا شايفك بتشكر فيه......
انا فى حدايق القبة يعنى قريب من مصر الجديدة.......وهاكلمك ونتقابل بس ياريت تبعتلى رقمك على الخاص
وشكرا للناس كلها ورمضان كريم

اقتباس:

---

المشاركة الأصلية كتبت بواسطة ffff

معايا فيستا مو 98 1300
لسه شاريها وخايف أكرهها.......

أولا عاوز ميكانيكى وعفشجى ممتاز ويارب ناحية المعادى أو حدايق القبة ولو فى مكان بعيد مش مهم
العربية عايزة مساعدين عاوز أعرف سعرهم وأجيبهم منين والنوع الأفضل......
الموتور صوتة عالى وبيسخن جدا لدرجة غريبة لازم أوقف العربية شوية لغاية ما تبرد......فى ناس بتقولى ده شمبر والعربية هتاكل معاك زيت وهى ولا بتاكل زيت وسحبها ممتاز.....
فى صوت زنة شديدة فى العربية بتروح لما أدوس دبرياج........ولما أشيل رجلى ترجع تانى فى ناس بتقول بلية الدبرياج....
الفتيس بقى تقيل وبيعض وأوقات بيعذبنى فى الغياارت......

انا عايز بقى ميكانيى كويس يظبطلى الدنيا دى ........وبخصوص التبريد صاحبها كان ركبلها مروحة أصلية بس اللى ركبها هى بعيدة عن الرداتير فعايز أقربها منه أروح لمين؟؟؟؟؟؟

العربية بتاكل بنزين شوية

عايز حد بتاع أبواب يصلحلى شوية كوالين وباب الشنطة .......وعايز أعرف مساعدين الشنطة بكام.....
أسف للإطالة بس أنا محتاس ومش عارف أتحرك إزاى....وراكن العربية وكمان عارضها للبيع.....وشكرا

---

:,: :,: :,:

طب ما قولتليش ليه على مشكلة الموتور اللى بيسخن دى والفتيس اللى تقيل وبيعض وبيعذبك فى الغيارات والعربية اللى بتاكل بنزين مش المفروض ان هشتريها والبيع والشراء يكون بالأمانة وبدون خداع والمساعدين طلع 1250 أصلى مش 300 جنيه زى ما قولتلى والبقية تأتى على العموم شكرا على الخداع بس فيه شكر بجد لازم يتقدم لربنا سبحانه وتعالى عشان هو اللى وقعنى فى الموقع الهايل دة والموضوع دة بالذات بعد ما كنا اتفقنا ولأن هو وحده العالم الفلوس دى جاية إزاى

اقتباس:

---

المشاركة الأصلية كتبت بواسطة mishoo2

:,: :,: :,:

طب ما قولتليش ليه على مشكلة الموتور اللى بيسخن دى والفتيس اللى تقيل وبيعض وبيعذبك فى الغيارات والعربية اللى بتاكل بنزين مش المفروض ان هشتريها والبيع والشراء يكون بالأمانة وبدون خداع والمساعدين طلع 1250 أصلى مش 300 جنيه زى ما قولتلى والبقية تأتى على العموم شكرا على الخداع بس فيه شكر بجد لازم يتقدم لربنا سبحانه وتعالى عشان هو اللى وقعنى فى الموقع الهايل دة والموضوع دة بالذات بعد ما كنا اتفقنا ولأن هو وحده العالم الفلوس دى جاية إزاى

---

معلش هو حضرتك عرفت منين انها العربية الي كانت معروضة عليك ؟؟

اقتباس:

---

المشاركة الأصلية كتبت بواسطة aYaBooY

معلش هو حضرتك عرفت منين انها العربية الي كانت معروضة عليك ؟؟

---

:Y_hi_3[1]: :Y_hi_3[1]: :Y_hi_3[1]:
لأنى اتفرجت عليها ببعض المواصفات دى للعربية وللخص ومشكلة الزنة اللى فى الموتور لما بيدوس الدبرياج بتروح دى وصوت الموتور أنا اللى قولتله عليها انها ممكن تكون بلية دبرياج ولأنه ساكن فى حدايق القبة المكان اللى شفت العربية فيه وشغله فى المعادىوكل مواصفات العربية ومكان سكن الشخص وشغله هو هو وهو بنفسه قالى ان فيه حد فى أحد المنتديات نصحه بقطب الميكانيكى وأنا اللى سألته على الزيت اللى معرق حوالين الموتور وقولته العربية دى بتاكل زيت معاك لأن واضح أن الموتور عاوز شنبر يعنى معتقدش ان كل دة عربية مشابهة والشخص مشابه وأنا متأكد انه هو ولو مش مصدقنى هو اسمه الاستاذ محمد وممكن تتأكد بنفسك وبيشتغل مدرس ولون العربية حمرا وواخدة خبطة فى باب السواق ومركبلها مرايات ريجاتا والجنب الداخلى للتنجيد اللى جنب السواق مقطع من تحت والتسجيل مش شغال ولا التكييف وفيها جنوط اسبور وعلى العموم شكرا لإهتمام حضرتك بالرد

خلاص احنا اسفين يا ميشوو
هههههههههههههههههههه

لا حول ولا قوة إلا بالله...............يعنى أنا إزاى هالبسك عربية ياعم ميشو......أكيد يعنى هاتكشف مرة و2 و3 وتجيب حد وترفع.............مش هتاخد كلامى كلو صح..........
أنا زيى زيك مش عارف حاجة فى العربية .............وأنا روحت مع جوزيف لقطب..........وطلع الفتيس عايز يتربط ولا بلية دبرياج ولا حاجة............ودى أنا قولتلك عليها وقوللتلك شاكك فى البلية وهاروح أشوفها...........
والزيت ده طلع جوان عطاء التاكيهات ب25 جنية هو اللى بيسرب زيت..............والموتور حالتو كويسة جدا
وشغل العافشة قولتلك عليه كله والقزاز................
وإيه رأيك بقى العربية مش بتسخن ولا حاجة انا فهمت غلط عداد الحرارة كلمة .....normal..........فاكر لازم يبقى فى النص لكن عادى بيوصل لأخر حرف وبعدية علامة حمراء...........يعنى أنا مش فاهم قوى
وأنا روحت مشوارين فى للشروق عملت 300 كيلو وكنت ماشى على 120-130 وسحب العربية رهيب..........................
يعنى بقى يا ميشو باشا ولا يا هشام لإنى إفتكرتك................مش لازم فضايح وتسوء سمعة الناس على النت
المفروض تسأل الأول وتشوف .................
وإنت كمان جاى تشترى العربية ب20 وهى تمنها بيعمل 25 وإنت طالع يعنى رخيصة 5 ألاف عاوز تاخد إيه عربية بى إم .....................كل برغوث على أد دمو................
وأنا الحمد لله بعت العربية وبسعر أحسن من بتاعك بكتيير واللى إشتراها فهم كل حاجة وصوت الموتور راح خالص بسبب عم قطب الله يباركلو والدنيا بقت تمام...............وأنا هابقى أزورو قريب أشكرو وطبعا أشكر جوزيف على تعبة معايا..............
وكل سنة وإنت طيب يا سيدى عشان رمضان..............وسلملى على الوالد اللى جى معاك وكان فاهم أوى فى العربية..................وشكرا

وسورى أخر حاجة أنا عمرى قولتلك المساعدين أصلى ب300؟؟؟؟؟؟؟؟؟؟؟؟؟؟
بتقول كلام لا يعقل..............انا قولتلك ب500 وما قولتلكش أصلى دى خالص
وأنا أصلا ما كنتش إتفقت معاك على حاجة ...........قولتلك أستنى يومين تلاتة عقبال ما أخلص مشاوير وإنت كنت مستعجل يعنى لو عايز أخلص من العربية كنت بعتهالك تانى يوم.........صح............
يلا عموما متشكرين يا سيدى وربنا يباركلك فى فلوسك ......كلنا بنتعب............وتبقى تشترى واحدة أحسن .................

ربنا يسهل للى خدها يا عم على الله يعرف يظبطها ربنا يباركله فيها ويباركلك انت كمان فى الفلوس وكل سنة وكل أعضاء الموقع بخير وسلام

وإنت طيب يا عم هشام..........وربنا يباركلك وتجيب واحدة كويسة...............
بس نصيحة ما تسترخصش............عشان تركب حاجة نظيفة وماتدوخش........
وتصدق بالله إن اللى خد العربية تاجر من الإسماعلية وجه القاهرة 3 مرات عشان يشتريها وقالى دى مغيرة كبوت ورفرين وقعد يفصص فيها وخدها ومشى............يعنى كل شىء نصيب
وبالتوفيق

يلا الف مبروك يا معلم محمد و ربنا يوفقك في الجواز ان شاء الله و يرزقك عربية كويسة المرة الي جاية و يسهل للراجل الي اخدها
و خلاص انسي بقي كانت مغيرة و مكنتش مغيرة
يلا كل سنة و انت طيب و الجميع طيبين