مشكلة فى محرك و محتاجين مشورة
واحد صاحبى عربيته لانسر 98 و عاملة حوالى 180 الف كيلو. المهم هو كان قرر يبيعها و جاله زبون و راحو البنزينة يفحصوها. اتفاجئ ان للراجل بيقول له ان الموتور تعبان جدا وكمان قال له شكله عامل عمره ووحشة.
اللى هومستغرب له ان ازاى يكون الموتور تعبان وكبسه مش كويس وفى نفس الوقت الزيت مش بينقص. هو بيستعمل موبيل1 وبيغره على 10 وبيبقى ناقص حاجة بسيطة و على فكرة العربية معاه من الزيرو. يعنى لو طقم شنبر اكيد الزيت ينقص وكمان تبان على البوجيهات لكنها نضيفة زى الفل.
.قراءات كبس الموتور كالتالى 165 - 140 - 160 – 150
.انا متصور ان المشكلة تبقى فى الصبابات مش البساتم. و مستنى اقتراحاتكم