تقرير صيانة الالف للانسر بوما2011-دايموند موتورز
بسم الله الرحمن الرحيم
السلام عليكم ورحمة الله وبركاته
الزملاء الاعزاء اقدم لكم تقرير عن صيانة الالف للانسر بوما في التوكيل الجديد دايموند موتورز
اليوم 30-7-2011
اتصلت قبلها بكام يوم وحجزت ميعاد والناس بصراحة كانو ذوق جدا في التليفون
وبعدها اتصلت اسال هي بتكلف كام تقريبا وده غلطو فيها ادوني اسعار اغلى من الحقيقي (ده يمكن عشان لسه جداد ومتلخبطين)
-كان ميعادي السبت 9 ص ووصلت 9:30 وبلغت للسكرتارية والمهندس الصيانة قابلني (م وائل) واستلم العربية مني وكل ملاحظاتي لاني كان عندي شوية ملاحظات طلع اغلبها طبييعية
-الانتظار في الاستراحة وم وائل قالي اخرها تخلص 11:30 (وهي خلصت تقريبا 11:45 او 12)
-مهندس الصيانة اللي بيستقبلك كان في منتهى الذوق بصراحة والاحترام وكل ملحوظاتك بيخدها وبيبدي كل الاهتمام
-بلغني عنعمل ايه زيت وفلتر ونشيك على العفشة قدام وورا وانا كان عندي ملحوظة في الفرامل فقالي هنفك الفرامل ونكشف عليها
-وقالي هيكلفك 395 ج وبرضه كان الرقم غلط
-انتظرت في استراحة مكيفة في منتهى الروعة وشاشات تلفزيون وفي شبابيك زجاج تبص على سياراتك منها
-بصراحة المكان كان في منتهى النظاهة نتمنى انه يظل كده على طول حتى جوه الهانجر بتاع الصيانة كانو عمال النظافة شغالين ، برضه الفنيين لبسهم نظيف جدا نتمى انهم يظلو كذلك.
-المكان كان مريح مش مزدحم وفي كام عربية بتعمل صيانة الالف زي وفي ميتسوبيشي انواع اخرى بتعمل صيانات باجيرو لانسر -...
-المهندسين كانو زي شعلة نشاط مابيهدوش
-مفيش مشروبات غير مياه ساقعة من كولدير يمكن قدام لسه هيعملوها
-سالت المهندس قالي خلاص ده في المراحل الاخيرة وبعد كده ندهني وانا قاعد انه خلاص ورحت ادفع لقيتي بدفع 342 ج فقط
-260 ج زيت توتال 10000+54 فلتر + 20 ج مصاريف شحوم ومعرفش ايه...بس مفيش ضريبة ولا حاجة
-واحد زي اعترض على ال 20 ج وايه لازمتها ومعاه حق بصراحة وقعد يرزع كلام بس الصراحة المهندس كان زوق برضه وبيرد عليه بكل زوق
-الملحوظات كلها عملوها ماعدا كانت هواية التكييف قالي انها مفيهاش حاجة تتعمل لانها فيبر مع بعضه ولقيتها زي ما هي كانها محصلش فيها حاجة
-برضه في شوية تخبط زي سالت انا واحد على تركيب الانزار والكاسيت قالي لا بيخرج من الضمان وشدد
سوالت واحد تاني قالي اعمل الشغل بره واذا حاجة بظت لا قدر الله ابقى شيلها مثلا قبل ماتيجي.
-بوجه عام المركز محترم والمعاملة محترمة والناس ذوق والاسعار كويسة مفيش مغالاة ونتمنى انه يظل كده على طول واضح انهم داخلين بقوة ، وادي للمركز 8.5 - 9.5 / 10
