انا عندي الدرجه التانيه دي بردو و مابتبانش الضهر انها فاميه خالص
يعني تحس الازاز واخد غمقان بسيط اوي
انا كنت مفيم و رابط الحزام بس كنت فاتح الازاز قدام
جيت بلف لقيت لجنه و العسكري وقفني !! (الكلام دا يوم 18 يناير قبل ما يحصل اي حاجه في الثوره )
المهم قالي الحزام . قولتله مربوط ايه المشكله . قعد يقولي لا مش مبروط . قولتله طب تعالى شده ( طبعا الحزام عندي كان بايظ و انا رابطه بمعنى رابطه في الكرسي :d يعني مهما عمل هطلع بالكرسي )
طب هات الرخص . قولتله انا مش مخالف . قالي هاجبلك الظابط و هو يجي يشوف الحزام
قولتله براحتك . جه الظابط و بص علي الحزام و قالي خلاص امشي !!
يعني ماحدش فيهم بص علي الفاميه مع انه واضح في البابين التانيين
بس عموما هي تلاكيك و خلاص زي الي بيقولي الحزام و بعديها راح جايلي يقولي اصل الحزام دا عشان سلامتك مش عشانها احنا !! و كل سنه و انت طيب